ເລໂນໂວ ເປີດໂຕແທັບເລັດລຸ້ນໃໝ່

0
49

ເລໂນໂວ ( Lenovo ) ໄດ້ເປີດໂຕແທັບເລັດ Miix 520 ທີ່ເພີ່ມແຮງກົດບິກຂຽນ 4,096 ລະດັບ ແລະ ກ້ອງສະແກນນິ້ວມືແບບ 3 ມິຕິ ໃນງານ IFA 2017 ມາພ້ອມຟີເຈີໃໝ່ຢ່າງກ້ອງສະແກນ 3 ມິຕິ ແລະ ອັບເດດສະເປັກ ຊີພີຢູ Intel Gen 8 ເພື່ອເພີ່ມແຮງກົດໃຫ້ບິກຂຽນ Lenovo Active Pen 2 ໄດ້ເພີ່ມແຮງກົດຈາກເດີມ 2,048 ມາເປັນ 4,096 ລະດັບ ໂດຍມາພ້ອມໜ້າຈໍສໍາຜັດແບບ IPS ຂະໜາດ 12.2 ນິ້ວ ຄວາມລະອຽດ Full HD+ ( 1920 x 1200 ).
ດ້ານສະເປັກໃຊ້ອິນເທລ Core 8th Gen ກັບແຣັມສູງສຸດ 16GB DDR4 ແລະ SSD ສູງສຸດ 1TB ແບບ PCIe ເຊິ່ງແບັດເຕີຣີໃຊ້ໄດ້ເຖິງ 8 ຊົ່ວໂມງ, ມາພ້ອມພອດເຊື່ອມຕໍ່ USB 3.0 x 1 ແລະ USB 3.0 Type – C x 1.

ຕົວຄີບອດມີໄຟ LED Backlight, ເມື່ອລວມຕົວເຄື່ອງແລ້ວກໍ່ຈະມີນ້ຳໜັກຢູ່ທີ່ 1.25 ກິໂລ, ສ່ວນບິກຂຽນ ແລະ ຄີບອດຍັງແຖມມາໃນຊຸດເກົ່າ.
ຟີເຈີທີ່ເພີ່ມເຂົ້າມາໃໝ່ກໍ່ຄືກ້ອງສະແກນລາຍນິ້ວມື 3 ມິຕິ ທີ່ຢູ່ໃນກ້ອງຫຼັງ 8MP ແບບ WorldView ຫຼື ມູມມອງ ກວ້າງ, ສ່ວນກ້ອງໜ້າຄວາມລະອຽດ 5MP ທີ່ສາມາດໃຊ້ສະແກນວັດຖຸເພື່ອສ້າງເປັນໄຟໂມເດລ 3D ໃນຕົວເຄື່ອງໄດ້ເລີຍ.
ນອກຈາກນີ້, ລາຄາຕົວເຄື່ອງ Lenovo Miix 520 ເລີ່ມຕົ້ນທີ່ລາຄາ 999 ໂດລາ ຫຼື ປະມານ 8 ລ້ານກີບ ມີໃຫ້ເລືອກ 2 ສີ, ສີດຳ ແລະ ສີນໍ້າເງິນ ເຊິ່ງຈະເລີ່ມວາງຂາຍໄລຍະເດືອນຕຸລາ 2017 ນີ້.

 

Source: ເສດຖະກິດການຄ້າ