ຄະນະພົວພັນຕ່າງປະເທດສູນກາງພັກ ເຜີຍແຜ່ເອກະສານ ສໍາຄັນຂອງຊາດ

0
46

​ໃນວັນທີ 17 ສິງຫາ ນີ້, ທີ່ຄະນະພົວພັນຕ່າງປະເທດສູນກາງພັກ ໄດ້ຈັດພິທີເຜີຍແຜ່ເຊື່ຶອມຊືມເອກະສານສໍາຄັນຂອງຊາດຂຶ້ນ, ໂດຍການປະຖາກະຖາຂອງທ່ານ ນາງ ສູນທອນ ໄຊຍະຈັກ ຫົວໜ້າຄະນະພົວພັນຕ່າງປະ ເທດສູນກາງພັກ, ມີບັນດາຫົວໜ້າກົມ, ຮອງກົມ ແລະ ພະນັກງານຫລັກແຫລ່ງ ພາຍໃນຄະນະພົວພັນຕ່າງປະເທດສູນກາງພັກເຂົ້າຮ່ວມ.

​ເອກະສານທີ່ນໍາມາເຜີຍແຜ່ໃນຄັ້ງນີ້, ປະກອບ ມີ: ເອກະສານວັນສ້າງຕັ້ງອາຊຽນຄົບຮອບ 50 ປີ (8/8/1967-8/8/2017), ວັນລັດຖະທໍາມະນູນລາວ ຄົບຮອບ 26 ປີ (15/8/1991-15/8/2017), ວັນຢຶດອໍານາດຄົບຮອບ 42 ປີ (23/8/1975-23/8/2017) ແລະ ດໍາລັດວ່າດ້ວຍການແຈ້ງຊັບສິນ ຂອງພະນັກງານພົວພັນຕ່າງປະເທດ ສູນກາງພັກ ປະຈໍາສົກປີ 2017.

ໃນ​ໂອກາດ​ດັ່ງ​ກ່າວ, ທ່ານ ນາງ ສູນທອນ ໄຊຍະຈັກ ໄດ້ຍົກໃຫ້​ເຫັນເຖິງປະຫວັດຄວາມເປັນມາຂອງອາຊຽນ, ການຂະຫຍາຍຕົວຂອງອາຊຽນ ແລະ ຜົນສໍາເລັດຂອງ ສປປ ລາວ ໃນການເຂົ້າ ເປັນປະຊາຄົມອາຊຽນ. ຍົກໃຫ້ເຫັນ ບັນດາຜົນງານ, ດ້ານດີ, ດ້ານອ່ອນ ຂອງການຈັດຕັ້ງປະຕິບັດ ລັດຖະທໍາມະນູນ ແລະ ກົດໜາຍ ໃນໄລຍະຜ່ານມາ, ພ້ອມ​ທັງຍົກໃຫ້ເຫັນປະຫວັດຄວາມເປັນມາ ແລະ ການເສີມຂະຫຍາຍມູນເຊື້ອ ຂອງວັນ​ທີ 23 ສິງຫາ ເຂົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດ. ພ້ອມ​ດຽວ​ກັນ​ນີ້, ທ່ານຫົວໜ້າຄະນະພົວພັນຕ່າງປະເທດສູນກາງພັກ ຍັງໄດ້ເຜີຍແຜ່ເອກະສານ ກ່ຽວກັບດໍາລັດວ່າດ້ວຍ ການແຈ້ງ ຊັບສິນຂອງລັດຖະບານ ເພື່ອໃຫ້ພະນັກງານ ຄະນະພົວພັນຕ່າງປະເທດ ດໍາເນີນການແຈ້ງຊັບສິນ ໃຫ້ສໍາເລັດຕາມແຜນການ ປີ 2017.

ໃນການເຜີຍແຜ່ບັນດາເອກະສານສໍາຄັນຕ່າງໆ ຂອງຊາດໃນຄັ້ງນີ້, ເປັນໂອກາດອັນດີໃຫ້ແກ່ ພະນັກງານໃນຄະນະພົວພັນ ຕ່າງປະເທດສູນກາງພັກ ສາມາດຮັບຮູ້ເຂົ້າໃຈ ເຖິງຄວາມໜາຍຄວາມ​ສໍາ ຄັນຂອງດັ່ງກ່າວ, ພ້ອມ​​ເພີ່ມມຄວາມເຊື່ອໜັ້ນ ໃນການນໍາພາຂອງພັກ-ລັດ ໃນພາລະກິດປົກ ປັກຮັກສາ ແລະ ສ້າງສາພັດທະນາປະເທດຊາດຂອງ ສປປ ລາວ ໃນປັດຈຸບັນ.

ຂ່າວ: ວິໄລສັກ, ພາບ: ເກດສະໜາ

ເນື້ອໃນ: ຂປລ