ເຮືອບັນທຸກເຮືອບິນຮົບ ຣັດເຊຍ ເສຍຫາຍຈາກອຸບັດຕິເຫດຂະນະສ້ອມແປງ

    0
    88

    ສໍານັກຂ່າວຕ່າງປະເທດລາຍງາຍຈາກນະຄອນມອສໂກ ປະເທດຣັດເຊຍ ເມື່ອວັນທີ່ 30 ຕຸລາ 2018 ວ່າ ຄົນງານໄດ້ຮັບບາດເຈັບ 4 ຄົນ ແລະ ສູນຫາຍ 1 ຄົນ ຈາກອຸບັດຕິເຫດກ່ຽວພັນກັບເຮືອບັນທຸກເຮືອບິນແອດມິຣັລ ຄຸຊເນດຊອຟ ທີ່ສູນສ້ອມແປງລອຍ ພີດີ-50 ເຊິ່ງເປັນສູນສ້ອມແປງເຮືອຂະໜາດໃຫຍ່ທີ່ສຸດຂອງຣັດເຊຍ ແລະ ໜຶ່ງໃນສູນສ້ອມແປງເຮືອຂະໜາດໃຫຍ່ທີ່ສຸດໃນໂລກ

    ທ່ານ ອາເລັກຊີ ຣັດມານອຟ ປະທານບໍລິສັດຕໍ່ເຮືອ ຢູໄນເຕັດ ຊິບບິລດິງ ຄອຣປໍເຣຊັນ (ຢູເອັສຊີ) ຂອງຣັດເຊຍ ເຜີຍວ່າເຫດເກີດເມື່ອເວລາປະມານ 3:30 ນາທີ ເຊົ້າມືດວັນອັງຄານ ປັ້ນຈັ່ນຂະໜາດນໍ້າໜັກ 70 ໂຕນ ຕົກກະແທກດາດຟ້າເຮືອແອດມິຣັລ ຄຸຊເນດຊອຟ ຈາກລະດັບຄວາມສູງປະມານ 15 ແມັດ

    ປັ້ນຈັ່ນສ້າງຄວາມເສຍຫາຍບໍລິເວນດາດຟ້າ ແລະ ລໍາເຮືອ ໃນສ່ວນທີ່ບໍ່ສໍາຄັນສໍາລັບການເຮັດວຽກຂອງເຮືອ ເຮືອແອດມິຣັລ ຄຸດເນດຊອຟ ເຂົ້າຊ້ອມແປງ ແລະ ປັບປຸງລະບົບ ກ່ອນນີ້ຖືກໃຊ້ງານໃນທະເລເມດິເຕີຣເຣນຽນ ເປັນຖານລອຍນໍ້າສໍາລັບປະຕິບັດການໂຈມຕີເປົ້າໝາຍໃນຊີເຣຍ