“ຈີນ” ກໍານົດຄ່າກາງ “ເງິນຢວນ” ຕໍ່າທີ່ສຸດໃນຮອບ 10 ປີ

    0
    23

    ສໍານັກຂ່າວຕ່າງປະເທດລາຍງານຈາກນະຄອນຊ່ຽງໄຮ້ 30 ຕຸລາ 2018 ວ່າ: ທະນາຄານກາງຈີນກໍານົດຄ່າກາງເງິນຢວນແຕະລະດັບຕໍ່າທີ່ສຸດໃນຮອບ 10 ປີ ໃນວັນນີ້ ເນື່ອງຈາກເງິນຢວນຍັງຄົງຖືກກົດດັນຈາກຄວາມກັງວົນເລື່ອງເສດຖະກິດໃນປະເທດທີ່ຊະລໍໂຕ ແລະ ຄວາມບໍ່ແນ່ນອນໃນການເຈລະຈາການຄ້າກັບສະຫະລັດ


    ທະນາຄານກາງຈີນກໍານົດຄ່າກາງເງິນຢວນຢ່າງເປັນທາງການທີ່ 6.9574 ຕໍ່ໂດລາສະຫະລັດໃນວັນນີ້ ອ່ອນຄ່າລົງຈາກ 6.9377 ຕໍ່ໂດລາສະຫະລັດ ໃນການກໍານົດຄັ້ງກ່ອນ ແລະ ຕໍ່າທີ່ສຸດນັບຈາກຄ່າກາງ ວັນທີ່ 21 ພຶດສະພາ 2008 ສ່ວນເມື່ອວານນີ້ເງິນຢວນຊື້ຂາຍໃນປະເທດປິດອ່ອນຄ່າທີ່ສຸດໃນຮອບກວ່າທົດສະວັດ ທີ່ເຮັດໃຫ້ເກີດກະແສຂ່າວລືວ່າທະນາຄານກາງຈີນຈະປ່ອຍໃຫ້ເງິນຢວນໄຫຼທະລຸ 7 ຢວນຕໍ່ໂດລາສະຫະລັດຫຼື ບໍ່


    ສຳນັກຂ່າວຣອຍເຕີລະບຸວ່າ ການທີ່ເງິນຢວນຈີນອ່ອນຄ່ານອກຈາກເປັນຜົນຈາກຄວາມກັງວົນເລື່ອງເສດຖະກິດໃນປະເທດຊະລໍໂຕແລ້ວ ຍັງເປັນຜົນຈາກໂດລາສະຫະລັດແຂງຄ່າຂື້ນຫຼາຍເມື່ອທຽບກັບເງິນສະກຸນຫຼັກອື່ນໆ ດ້ານສໍານັກຂ່າວບລູມເບີຣກລາຍງານວ່າ ລັດຖະບານສະຫະລັດກຽມປະກາດເກັບພາສີກັບສິນຄ້ານໍາເຂົ້າຈາກຈີນທີ່ເຫຼືອຢູ່ທັງໝົດພາຍໃນຕົ້ນເດືອນທັນວາ ຫາກການເຈລະຈາໃນເດືອນໜ້າລະຫວ່າງຜູ້ນໍາສອງປະເທດລົ້ມເຫຼວ.