ຜູ້ນໍາເວເນຊຸເອລາຢ້ຽມຢາມຈີນ ຂໍຄວາມຊ່ວຍເຫຼືອ

    0
    54

    ສໍານັກຂ່າວຕ່າງປະເທດລາຍງານຈາກນະຄອນປັກກິ່ງ ສາທາລະນະລັດປະຊາຊົນຈີນ ເມື່ອວັນທີ່ 14 ກັນຍາ ວ່າ ປະທານາທິບໍດີນິໂຄລັສ ມາດູໂຣ ຜູ້ນໍາເວເນຊຸເອລາ ປະກາດຫຼັງຈາກເດີນທາງໂດຍເຮືອບິນເຖິງນະຄອນປັກກິ່ງ ເມື່ອຄືນວັນພະຫັດວ່າ ທ່ານເດີນທາງມາຢ້ຽມຢາມຈີນດ້ວຍ “ຄວາມຄາດຫວັງອັນຍິ່ງໃຫຍ່” ເພື່ອຫັດແໜ້ນຄວາມສໍາພັນທາງຍຸດທະສາດໃຫ້ເລິກເຊິ່ງຍິ່ງຂື້ນ ກັບປະເທດເຈົ້າໜີ້ລາຍໃຫຍ່ຂອງເວເນຊຸເອລາ ການມາຢ້ຽມຢາມຈະຊ່ວຍພັກດັນການລົງທືນດ້ານພະລັງງານ ການຄ້າ ແລະ “ຄວາມສໍາພັນດ້ານການເງີນໃຫ້ປະສົບຄວາມສໍາເລັດ” ລະຫວ່າງ 2 ປະເທດ


    ຈີນໃຫ້ເງີນແກ່ເວເນຊຸເອລາ ປະເທດສະມາຊິກກຸ່ມໂອເປກ ປະມານ 50,000 ລ້ານໂດລາສະຫະລັດ ໃນໄລຍະ 10 ປີທີ່ຜ່ານມາ ແລະ ກາຣາກັສຊໍາລະໜີ້ດ້ວຍນໍ້າມັນ ໂດຍລ່າສຸດຍັງຄ້າງຊໍາລະຢູ່ປະມານ 20,000 ລ້ານໂດລາ

    ບໍລິສັດທີ່ປຶກສາອີໂຄແອນາລິຕິກາ ຂອງເວເນຊຸເອລາ ກ່າວວ່າ ທ່ານມາດູໂຣ ອາດຈະເດີນທາງກັບບ້ານພ້ອມກັບເງີນກູ້ກ້ອນໃໝ່ 5,000 ລ້ານໂດລາ ແລະ ຂະຫຍາຍເວລາຜ່ອນຜັນບໍລິການໜີ້ 6 ເດືອນ


    ທ່ານມາດູໂຣ ເດີນທາງມາຢ້ຽມຢາມຈີນຄັ້ງສຸດທ້າຍ ໃນເດືອນ ມີນາ 2017 ກ່າວວ່າ “ຈີນຄືເອື້ອຍຂອງເຮົາ ຂ້ອຍຈະດີໃຈຫຼາຍເມື່ອໄດ້ພັບກັບສີ ຈິ້ນຜິງ ອ້າຍຂອງເຮົາໃນວັນສຸກ”
    ທ່ານມາດູໂຣ ກໍານົດຢ້ຽມຢາມແຜ່ນດິນໃຫຍ່ຈົນເຖິງວັນທີ່ 16 ກັນຍາ

    ລັດຖະບານເວເນຊຸເອລາຫຼຸດຄ່າເງີນຂອງປະເທດຢ່າງມະຫາສານ ສ່ວນໜຶ່ງຂອງຊຸດມາດຕະການເພື່ອລະງັບເງິນເຟີ້ຮຸນແຮງ ເຊິ່ງກອງທືນການເງີນລະຫວ່າງປະເທດ (ໄອເອັມເອຟ) ທໍານາຍວ່າຈະສູງເຖິງ 1,000,000 ເປີເຊັນ ໃນທ້າຍປີນີ້