ຂ່າວດີ! ມາຊົມງານ ສຸດຍອດຜະລິດຕະພັນຈາກພາກໃຕ້ ຂອງ ປະເທດໄທ Southern Thailand Best Product ທີ່ ວຽງຈັນເຊັນເຕີ

0
23

ສູນການຄ້າ ວຽງຈັນເຊັນເຕີ ເຊີນທຸກທ່ານທ່ຽວຊົມງານ Southern Thailand Best Product ງານເປີດຮ້ານຄ້າ ສຸດຍອດຜະລິດຕະພັນຈາກພາກໃຕ້ ຂອງ ປະເທດໄທເຊິ່ງມີ ມີຈັງຫັວດ: ສົງຂາ ປັດຕະນີ ນາລາທິວາດ ຍະລາ ແລະສະຕູນ ມີຮ້ານວາງຈຳໜ່າຍສິນຄ້າກ່ວາ 50 ກ່ວາ ຮ້ານ

ພາຍໃນງານທ່ານຈະໄດ້ພົບກັບ ຜະລິດຕະພັນທີ່ດີທີ່ສຸດ ແລະ ຫາຍາກ ຈາກຊາຍແດນພາກໃຕ້ຂອງປະເທດໄທ ເຊັ່ນ : ກາເຟ ລົດໝາກໄມ້ໆຕ່າງໆ , ເຄື່ອງປະດັບທີ່ເຮັດດ້ວຍເກັດປາ, ສິນຄ້າອໍແກນິກ, ກະເປົ໋າທີ່ເຮັດຈາກໃຍຕານທີ່ສວຍງາມ, ເຄື່ອງນຸ່ງ ແລະ ເຄື່ອງສຳອາງ ແລະ ອື່ນໆ ທີ່ຫາຊື້ໄດ້ຍາກ ເພື່ອໃຫ້ຄົນລາວ ແລະ ນັກທ່ອງທ່ຽວໄດ້ມາເລືອກຊື້ ແລະ ຍັງເປີດໂອກາດໃນການເຊື່ອມຕໍ່ທຸລະກິດລະຫວ່າງ ຜູ້ປະກອບການວຽງຈັນ ກັບ ຜູ້ປະກອບການແຂວງຊາຍແດນພາກໃຕ້ອີກດ້ວຍ.

ນອກນັ້ນ ໃນງານກໍຍັງມີການສະແດງສິນລະປະພື້ນບ້ານຂອງພາກໃຕ້ທີ່ຫາເບິ່ງໄດ້ຍາກ ແລະ ມີກິດຈະກຳ Meet & Greet ຈາກ ດາລາໄທຊ່ອງ 7 ອົ້ນ ກໍລະກົດ ແລະ ຍູໂຣ ຍົດສະວັດ ແລະ ອື່ນໆ ໃຫ້ຜູ້ທີ່ທ່ຽວຊົມງານໄດ້ມາຮ່ວມຫຼິ້ນນຳກັນ ງານດີໆແບບນີ້ພາດບໍ່ໄດ້ແນ່ນອນ ເຊິ່ງງານ Southern Thailand Best Product ແມ່ນເລີ່ມຕັ້ງແຕ່ວັນທີ 11– 15 ກັນຍາ ປີ 2018 ນີ້ ທີ່ ສູນການຄ້າ ວຽງຈັນ ເຊັນເຕີ ຊັ້ນ 1 ເຊີນມາເລືອກຊື້ສິນຄ້າ ແລະ ທ່ຽວຊົມກັນໄດ້ເດີ້.

ເບິ່ງຮູບພາບທັງໝົດ