ຢິວ-ປາເລສໄຕ ຍິງຈະລວດ-ຖິ້ມລະເບີດແລກມັດກັນເດືອດສຸດໃນຮອບ 4 ປີ (ຄລິບ)

0
20

ສຳນັກຂ່າວຕ່າງປະເທດລາຍງານວ່າ ກຸ່ມຮາມາສ ກອງກຳລັງຕິດອາວຸດຊາວປາເລສໄຕນຊື່ງຄວບຄຸມພື້ນທີ່ເຂດສະນວນກາຊາເອົາໄວ້ ຍິງຈະລວດຫຼາຍກວ່າ 90 ລູກຂ້າມຊາຍແດນເຂົ້າສູ່ປະເທດອິສຣາເອລ ເມື່ອວັນທີ່ 14 ກໍລະກົດ ເຮັດໃຫ້ຝ່າຍອິສຣາເອລເປີດສາກສົ່ງເຮືອບິນຖິ້ມລະເບີດໂຈມຕີໃນເຂດສະນວນກາຊາເພື່ອເປັນການຕອບໂຕ້ທັນທີ

ຕາມການເປີດເຜີຍຂອງກອງກຳລັງປ້ອງກັນອິສຣາເອລ (IDF) ເຮືອບິນຮົບຂອງພວກເຂົາໂຈມຕີຖືກສິ່ງປູກສ້າງຂອງກຸ່ມຮາມາສລວມທັງ ສຳນັກງານກອງທັບຫຼາຍແຫ່ງໃນ ເບຕ ລາເຮມ, ຄ້າຍເຝິກໃນອາຄານສູງພາຍໃນຄ້າຍຜູ້ອົບພະຍົບ ອັລ-ຊາດ ທາງເຫນືອຂອງກາຊາ, ຄັງເກັບອາວຸດແລະເຄື່ອງຍິງຈະລວດ

ດ້ານນາຍົກລັດຖະມົນຕີ ເບນຈາມິນ ເນທັນຢາຮູ ແຫ່ງອິສຣາເອລກ່າວວ່າ ອິສຣາເອລເປີດສາກໂຈມຕີຄັ້ງໃຫ່ຍທີ່ສຸດຕໍ່ກຸ່ມຮາມາສໃນເຂດສະນວນກາຊາ ນັບຕັ້ງແຕ່ສົງຄາມເມື່ອປີ 2014 ເພື່ອຕອບໂຕ້ການຍິງຈະລວດເຂົ້າໃສ່ອິສຣາເອລ ເຂົາຍັງປະກາດວ່າຈະມີການໂຈມຕີເພີ່ມອີກຫາກຈຳເປັນ ຢ່າງໃດກໍ່ຕາມ ເຈົ້າຫນ້າທີ່ປາເລສໄຕນຫຼາຍຄົນອ້າງວ່າ ພວກເຂົາເຮັດຂໍ້ຕົກລົງຢຸດຍິງກັບອິສຣາເອລແລ້ວ ໂດຍຕ້ອງຂອບໃຈຄວາມພະຍາຍາມຂອງອີຢິບ ແລະນານາຊາດ