ມະນຸດຈົ່ງເລັບຍາວສຸດໃນໂລກດົນ 66 ປີຕັດອອກໃຫ້ພິພິທະພັນ

0
18

ເວັບໄຊຕຂ່າວເດີ ກາຣດຽນ ຂອງອັງກິດລາຍງານເມື່ອວັນທີ່ 12 ກໍລະກົດວ່າ ທ່ານຊຣິທາຣ ຊິລລັລ ຊາວອິນເດຍອາຍຸ 82 ປີ ຈາກເມືອງປູເນ່ ທີ່ໄດ້ຮັບການຮັບຮອງຈາກສະຖາບັນບັນທຶກສະຖິຕິໂລກ ກິນເນສບຸກວ່າ ເປັນມະນຸດທີ່ມີເລັບມືຍາວທີ່ສຸດໃນໂລກ ຕັດສິນໃຈຕັດເລັບອອກແລ້ວເມື່ອວັນພຸດທີ່ພິພິທະພັນເຊື່ອຫລືບໍ່ “ບີລີຟ ອິທ ອໍຣ ນ໊ອທ” ຂອງຣິປເລີຍ ໃນເຂດໄທມສແຄວຂອງນະຄອນນິວຢອກອາເມລິກາ

ເມື່ອເລັບນິ້ວມືຊ້າຍຖືກຕັດອອກທັງຫມົດ ວັດແທກຄວາມຍາວລວມໄດ້ 358.1 ນິ້ວ ຫຼື 909.6 ເຊັນ ສ່ວນທີ່ຍາວທີ່ສຸດຄືເລັບນິ້ວໂປ້ ແລະເຂົາຈະມອບເລັບໃຫ້ກັບພິພິທະພັນຂອງຣິປເລີຍ ເພື່ອຕັ້ງສະແດງແກ່ສາທາລະນະຊົນຕໍ່ໄປ


ຊິລລັລເຜີຍວ່າ ເຂົາບໍ່ເຄີຍຕັດເລັບມືຊ້າຍເລີຍ ຕະຫຼອດໄລຍະເວລາ 66 ປີ່ທີ່ຜ່ານມາ ເຂົາເລີ່ມຈົ່ງເລັບມືຊ້າຍຕັ້ງແຕ່ອາຍຸໄດ້ 16 ປີໂດຍໄດ້ແຮງບັນດານໃຈຈາກຄູທີ່ສອນໃນໂຮງຮຽນ ແຕ່ຕະຫຼອດ 66 ປີທີ່ຜ່ານມາເລັບມືທຳລາຍຄວາມສຸກໃນຊີວິດສ່ວນໂຕຂອງເຂົາຫຼາຍພໍສົມຄວນໂດຍສະເພາະການທີ່ຕ້ອງຄອຍລະວັງບໍ່ໃຫ້ເລັບຫັກ ຍາມນອນຫຼັບຕ້ອງຕື່ນປະມານທຸກເຄີ່ງຊົ່ວໂມງ ເພື່ອຍ້າຍຂ້າງວາງມືເທີງຕຽງ