ຝຣັ່ງຊະນະໂຄຣເອເຊຍຄວ້າແຊ້ມໂລກສະໄໝທີ່ 2

0
17

ເສິກບານໂລກ 2018 ຮອບຊິງຊະນະເລີດ ທີ່ສະໜາມລຸຊນິກີ ສະເຕດ້ຽມ ປະເທດຣັດເຊຍ ເມື່ອວັນອາທິດທີ່ 15 ກໍລະກົດ ລະຫວ່າງໜຶ່ງໃນທີມໂຕເຕັງ “ກາໄກ່” ຝຣັ່ງ ພາຍໃຕ້ການຄຸມທັບຂອງກຸນຊື ດິດິເຢຣ ເດສຊອງສ ນຳທັບໂດຍ ອອງຕວນ ກຣີຊມັນ , ຄິລຽນ ເອັມບັປເປ ແລະ ປອລ ປ໊ອກບາ ດວນແຂ້ງກັບທີມມ້າມືດປະຈໍາທົວນາເມັນ “ກາໝາກລຸກ” ໂຄຣເອເຊຍ ພາຍໃຕ້ການຄຸມທັບຂອງກຸນຊື ຊລັດໂກ ດາລີຊ ເຊິ່ງນຳທັບໂດຍ ລູກາ ໂມດຣີຊ , ອິວານ ຣາຄິຕິຊ ແລະ ເດຢັນ ລອຟເຣນ


ຫາກຝຣັ່ງ ຊະນະ ຈະຖືເປັນການຄວ້າແຊ້ມໂລກສະໄໝທີ່ 2 ຂອງພວກເຂົາ ຫຼັງເຄີຍໄດ້ແຊ້ມມາແລ້ວໃນປີ 1998 ສ່ວນໂຄຣເອເຊຍຍັງບໍ່ເຄີຍໄດ້ແຊ້ມມາກ່ອນ
ເກມນີ້ ຝຣັ່ງ ຂື້ນນໍາໄປກ່ອນ 1-0 ຈາກລູກໂໝ່ງເຂົ້າປະຕູໂຕເອງຂອງ ມາຣິໂອ ມານຊູຄິຊ ນາທີ 18 ທາງໂຄເອເຊຍ ໄລ່ຕີສະເໝີ 1-1 ໄດ້ໃນນາທີ 28 ຈາກລູກຍິງຫັກຂໍ້ສຸດສຽບຄົມຂອງ ອີວານ ເປີຣິຊີຊ ກ່ອນນາທີ 38 “ກາໄກ່” ມາໄດ້ຈຸດໂທດ ອອງຕວນ ກຣີຊມັນ ຍິງໃຫ້ທີມຂື້ນນຳອີກຄັ້ງຈົບເຄິ່ງທຳອິດ  2-1


ເຂົ້າສູ່ເຄິ່ງຫຼັງແຂ້ງແດນນໍາ້ຫອມເດີນໜ້າຊັດ 2 ປະຕູຊ້ອນຈາກ ປອລ ປ໊ອກບາ ນາທີ 59 ແລະ ຄິລຽນ ເອັມບັປເປ ນາທີ 65 ຫຍັບໜີຫ່າງ 4-1 ແຕ່ນາທີ 69 ມາຣິໂອ ມານຊູຄິຊ ຍິງໃຫ້ໂຄຣແອດເຂົ້າມາເປັນ 2-4 ແຕ່ວ່າເຮັດໄດ້ພຽງເທົ່ານັ້ນ ໝົດເວລາການແຂ່ງຂັນ ຝຣັ່ງ ຊະນະ ໂຄຣເອເຊຍ 4-2 ຄວ້າແຊ້ມໂລກສະໄໝທີ່ 2 ໄປຄອງ ສ່ວນ ເອັມບັປເປ ເຮັດໃຫ້ສະຖິຕິເປັນຜູ້ແລ່ນອາຍຸນ້ອຍທີ່ສຸດທີ່ຍິງໄດ້ໃນຮອບຊິງຊະນະເລີດ ເວີດຄັບ ໃນໄວ 19 ປີ 207 ວັນ ເປັນຮອງແຕ່ “ໄຂ່ມຸກດຳ” ເປເລ່ ທີ່ຍິງໄດ້ໃນໄວ 17 ປີ 249 ວັນ ໃນເວີດ ຄັບ 1958

ສຳລັບລາງວັນຕ່າງໆມີດັ່ງນີ້

– ເກີບຄຳ : ແຮຣີ ເຄນ (ອັງກິດ)


– ບານຄຳ : ລູກາ ໂມດຣິດ (ໂຄຣເອເຊຍ)


– ຖົງມືຄຳ : ທີໂບ ກຸກຕົວ (ເບລຢ້ຽມ)


– ດາວເຕະອາຍຸຫນ້ອຍ : ຄີລຽນ ເອັມບັບເປ (ຝຣັ່ງ)