ກອງທັບຊີເຣຍ ເປີດແນວຮົບໃໝ່ໃກ້ທີ່ຮາບສູງໂກລັນ ຊາຍແດນທີ່ຕິດກັບ ອິດສະລາເອລ

0
15

ສຳນັກຂ່າວຕ່າງປະເທດລາຍງານຈາກນະຄອນດາມັສກັສ ປະເທດຊີເຣຍເມື່ອວັນທີ່ 16 ກໍລະກົດວ່າ ອົງກອນສັງເກດການດ້ານສິດທິມະນຸດຊະຍະຊົນຊີເຣຍ (ເອສໂອເອຊອາຣ) ລາຍງານວ່າກອງທັບຊີເຣຍຊື່ງໄດ້ຮັບຄວາມສະໝັບສະໝູນທາງທະຫານຢ່າງເຕັມທີ່ຈາກຣັດເຊຍ ສາມາດຍຶດຄອງພື້ນທີ່ໃນແຂວງດາຣາທີ່ຢູ່ທາງຕາເວັນຕົກສຽງໃຕ້ຂອງປະເທດໄດ້ແລ້ວ “ເກືອບທັງຫມົດ” ຫຼັງປະຕິບັດການປິດລ້ອມຕັ້ງແຕ່ກາງເດືອນຜ່ານມາ


ຢ່າງໃດກໍ່ຕາມ ຍັງຄົງມີກຸ່ມກະບົດບາງສ່ວນຍຶດຄອງພື້ນທີ່ກວມລະຫວ່າງ ແຂວງດາຣາ ກັບແຂວງກູເນຕຣາທີ່ຢູ່ທາງຕາເວັນຕົກສຸດ ແລະມີຊາຍແດນຕິດກັບທີ່ຮາບສູງໂກລັນ ພື້ນທີ່ພິພາກລະຫວ່າງຊີເຣຍກັບອິສຣາເອລ ແລະສະມາຊິກກຸ່ມໄອເອສຈຳນວນຫນື່ງຍັງຄົງລວມໂຕກັນຢູ່ໃນພື້ນທີ່ລະຫວ່າງຊາຍແດນຊີເຣຍກັບຈໍຣແດນ ເອສໂອເອຊອາຣລາຍງານວ່າເຮືອບີນຮົບຂອງກອງທັບຣັດເຊຍປະຕິບັດການໂຈມຕີທາງອາກາດທີ່ຫມູ່ບ້ານແຫ່ງຫນື່ງໃນແຂວງກູເນຕຣາ ຖືເປັນຄັ້ງແລກໃນຮອບດົນກວ່າ 1 ປີ ທີ່ກອງທັບຣັດເຊຍເຄື່ອນໄຫວບໍລິເວນນີ້ ແຕ່ຍັງບໍ່ມີການເປີດເຜີຍຄວາມເສຍຢ່າງຊັດເຈນ


ນອກຈາກນີ້ ລາຍງານຂອງເອສໂອເອຊາຣລະບຸວ່າກອງທັບຊີເຣຍສາມາດຍຶດຫມູ່ບ້ານມາຊາຣາ ຊື່ງຢູ່ຫ່າງຈາກເຂດແດນທີ່ຮາບສູງໂກລັນພຽງ 11 ກິໂລແມັດເທົ່ານັ້ນ ແຕ່ກຸ່ມກະບົດໃນພື້ນທີ່ປະຕິເສດລາຍງານດັ່ງກ່າວ ວ່າຍັງຄົງມີການສູ້ຮົບກັນຢູ່ ແລະຍັງບໍ່ມີຝ່າຍໃດຍຶດຄອງຫມູ່ບ້ານແຫ່ງນີ້ໄດ້ຢ່າງສົມບູນ ແຕ່ສະຖານະການທີ່ເກີດຂື້ນໃນບໍລິເວນນີ້ຈະຍິ່ງເພີ່ມຄວາມເຄື່ອນໄຫວໃຫ້ກັບສະຖານະການ ເນື່ອງຈາກຢູ່ຫ່າງຈາກຖານທີ່ຫມັ້ນຂອງກອງກຳລັງຮັກສາສັນຕິພາບຂອງສະຫະປະຊາຊາດ (ຢູເອັນ) ພຽງ 4 ກິໂລແມັດ ໂດຍທະຫານຢູເອັນປັກຫຼັກຢູ່ທີ່ບໍລິເວນນີ້ຕັ້ງແຕ່ປີ 1974


ນອກຈາກນີ້ ການເປີດແນວຮົບໃໝ່ໃກ້ທີ່ຮາບສູງໂກລັນຍັງເກີດຂື້ນຫຼັງນາຍົກລັດຖະມົນຕີເບນຈາມິນ ເນທັນຢາຣູ ຜູ້ນຳອິສຣາເອລ ຢ້ຽມຢາມນະຄອນມອສໂກເມື່ອອາທິດຜ່ານມາເພື່ອພົບຫາລືກັບປະທານາທິບໍດີວາລາດີເມຍ ປູຕິນ ກ່ຽວກັບສະຖານະການໃນຊີເຣຍ