ທຣັມ ສະເຫນີນາຍົກອັງກິດຟ້ອງອີຢູ ເລື່ອງເບຣັກຊິດ

0
5

ສຳນັກຂ່າວຕ່າງປະເທດລາຍງານຈາກນະຄອນລອນດອນປະເທດອັງກິດເມື່ອວັນທີ່ 16 ກໍລະກົດວ່າ ທ່ານນາຍົກລັດຖະມົນຕີເທເຣຊາ ເມ ກ່າວໃນລາຍການໂທລະພາບຂອງບີບີຊີເມື່ອວັນອາທິດວ່າ ປະທານາທິບໍດີໂດນັລ ທຣັມ ເຄີຍສະເຫນີແນວຄິດໃຫ້ລັດຖະບານອັງກິດ “ຟ້ອງຮ້ອງ” ສະຫະພາບຢູໂຣບ (ອີຢູ) ຫຼາຍກວ່າການເຈລະຈາຮ່ວມກັນ ແຕ່ຢືນຢັນວ່າການເຈລະຈາຕາມແນວທາງປະຕິບັດທີ່ດຳເນີນມາຕັ້ງແຕ່ຕົ້ນ ເປັນຫົນທາງເຫມາະສົມທີ່ສຸດ ເພື່ອໃຫ້ຂະບວນການລາອອກຈາກອີຢູໄປເປັນຢ່າງລາບລື່ນ ແລະຕາມກຳນົດ ຄືພາຍໃນເດືອນມີນາປີຫນ້າ

ການເປີດເຜີຍດັ່ງກ່າວຂອງນາຍົກອັງກິດ ມີຂື້ນຫຼັງຫນັງສືພິມ “ເດີຊັນ” ເຜີຍແຜ່ບົດສຳພາດພິເສດທຣັມ ເມື່ອວັນພະຫັດຜ່ານມາ ຫຼື 1 ມື້ກ່ອນການຢ້ຽມຢາມຄັ້ງແລກຢ່າງເປັນທາງການໃນຖານະຜູ້ນຳອາເມລິກາຊື່ງທຣັມ ກ່າວວ່າເຂົາມີຂໍ້ສະເຫນີແນະໃຫ້ກັບຜູ້ນຳຍິງຂອງອັງກິດໃນການຈັດການບັນຫາເລື່ອງເບຣັກຊິດກັບອີຢູ ລະຫວ່າງການຖະແຫຼງຮ່ວມກັນເມື່ອວັນສຸກທີ່ຜ່ານມາ ທຣັມ ກ່າວວ່າເມ ອາດເບີ່ງວ່າແນວທາງຂອງເຂົານັ້ນ “ໂຫດຮ້າຍເກີນໄປ” ແລະຫາກເຂົາຢູໃນສະຖານະດຽວກັບເມ ເຂົາຈະໃຊ້ວິທີ່ດຽວກັບທີ່ລັດຖະບານອັງກິດກຳລັງດຳເນີນການຢູ່ ແຕ່ຜູ້ນຳອາເມລິກາບໍ່ໄດ້ກ່າວລະອຽດຫຼາຍຫນັກ

ທັງນີ້ ປະເດັນແຜນເຈລະຈາຂັ້ນສຸດທ້າຍສຳລັບຂະບວນການເບຣັກຊິດກຳລັງສ້າງແຮງກົດດັນທາງການເມືອງຢ່າງຫນັກໃຫ້ກັບເມ ເພາະກາຍເປັນການຍິ່ງຕອກຢ້ຳໃຫ້ພາຍນອກໄດ້ເຫັນຮອຍລ້າວພາຍໃນລັດຖະບານຂອງເຂົາ ເມື່ອແກນນຳຄົນສຳຄັນຂອງຝ່າຍເບຣັກຊິດ 2 ຄົນ ໃນຂະນະລັດຖະມົນຕີພ້ອມໃຈກັນລາອອກຈາກຕຳແຫນ່ງລັດຖະມົນຕີກະຊວງສຳຄັນ ຄືທ່ານເດວິດ ເດວິສ ລາອອກຈາກການເປັນລັດຖະມົນຕີວ່າການກິດຈະການເບຣັກຊິດ ແລະທ່ານບໍຣິສ ຈອນສັນ ລາອອກຈາກຕຳແຫນ່ງລັດຖະມົນຕີວ່າການກະຊວງການຕ່າງປະເທດ ດ້ານຄະນະຜູ້ບໍລິຫານຂອງອີຢູຍັງສະຫງວນທ່າທີ່ຕໍ່ສະຖານະການການເມືອງພາຍໃນຂອງອັງກິດ ແລະບົດສຳພາດຂອງເມໃນຄັ້ງນີ້