ກົດ 5 ຂໍ້ທີ່ຈະເຮັດໃຫ້ ຍິ່ງກິນ ຍິ່ງຈ່ອຍ

0
18

ກົດ 5 ຂໍ້ທີ່ຈະເຮັດໃຫ້ເຈົ້າຍິ່ງກິນ ຍິ່ງຈ່ອຍ

1. ຫຼີກລ່ຽງອາຫານສີຂາວບາງປະເພດ
ອາຫານສີຂາວບາງປະເພດທີ່ເຮົາກ່າວເຖິງນັ້ນຄືອາຫານຈຳພວກແປ້ງ ແລະ ນຳ້ຕານ ເພາະອາຫານເຫຼົ່ານີ້ຈະເຮັດໃຫ້ຮ່າງກາຍໄດ້ຮັບສານອາຫານກຸ່ມຄາຣໂບໄຮເດຣດເປັນຫຼັກເຮັດໃຫ້ເກີດແຫຼ່ງສະສົມຂອງໄຂມັນໄດ້ ເຊິ່ງຫາກກິນເປັນປະຈຳກໍ່ຕ້ອງອອກກຳລັງກາຍໃຫ້ຫຼາຍພຽງພໍກັບທີ່ກິນອາຫານເຂົ້າໄປດ້ວຍ ເພາະບໍ່ເຊັ່ນນັ້ນແລ້ວຈະມີອາການຂອງໂຢໂຢ່ ເອຟເຟັກເກີດຂື້ນໄດ້ ຢ່າງໃດກໍ່ຕາມອາຫານສີຂາວທີ່ມີປະໂຫຍດກໍ່ມີຢູ່ເຊັ່ນກັນໄດ້ແກ່ ຊີ້ນປາ ,ໄຂ່ຂາວ, ຫົວຜັກກາດຂາວ, ນົມ ແລະ ເອິກໄກ່ ເປັນຕົ້ນ


2. ແບ່ງສັດສ່ວນຂອງຄາບອາຫານໃຫ້ຄົບຖ້ວນ
ການກິນອາຫານຄົບ 3 ຄາບກໍ່ສາມາດຊ່ວຍໃນການຫຼຸດນຳ້ໜັກໄດ້ ພຽງແຕ່ເຮົາຕ້ອງແບ່ງສັດສ່ວນໃນແຕ່ລະຄາບເປັນເມນູອາຫານຫຼຸດນຳ້ໜັກກັນດ້ວຍ ເຊັ່ນ ຄາບເຊົ້າເປັນຄາບທີ່ສຳຄັນທີ່ສຸດ ກໍ່ໃຫ້ມີສານອາຫານທີ່ຄົບຖ້ວນບໍ່ວ່າຈະເປັນເຂົ້າ,ຜັກ , ຊີ້ນສັດ ຫຼື ອາຫານເສີມຕ່າງໆ ຖັດມາທີ່ຕອນທ່ຽງກໍ່ອາດຈະເລືອກເປັນເມນູທີ່ຄົບເຊັ່ນດຽວກັນແຕ່ຫຼຸດປະລິມານລົງເຊັ່ນ ເຂົ້າປຽກ ລາດໜ້າ ເປັນຕົ້ນ ສ່ວນໃນຕອນແລງຄວນກິນອາຫານຫຼັກອອກກຳລັງກາຍ ແຕ່ຄວນເນັ້ນໄປທີ່ ຜັກ ແລະ ຊີ້ນສັດໃນປະລິມານພຽງເລັກນ້ອຍເທົ່ານັ້ນ

3. ງົດເຄື່ອງດື່ມປະສົມນຳ້ຕານ
ເຄື່ອງດື່ມທີ່ມີນຳ້ຕານກໍ່ເປັນໂຕການສຳຄັນທີ່ເຮັດໃຫ້ເກີດພາວະອ້ວນໄດ້ ໂດຍເຄື່ອງດື່ມເຫຼົ່ານີ້ໄດ້ແກ່ ນຳ້ອັດລົມ , ນຳ້ປັ່ນໝາກໄມ້ , ເຄື່ອງດື່ມປະສົມເກືອແຮ່ ເປັນຕົ້ນ

4. ດື່ມນຳ້ລ້າ
ນຳ້ລ້າເປັນສິ່ງທີ່ນອກຈາກຈະເຮັດໃຫ້ສົດຊື່ນໄດ້ແລ້ວ ຍັງເປັນ ວິທີຫຼຸດນໍາ້ໜັກ ຢ່າງງ່າຍອີກວິທີໜຶ່ງ ເພາະການດື່ມນໍາ້ລ້າກ່ອນກິນອາຫານຈັກ 2 ຈອກໃຫຍ່ໆ ຈະຊ່ວຍຫຼຸດຄວາມຢາກອາຫານລົງໄດ້ ສົ່ງຜົນໃນການກິນອາຫານໃນ ປະລິມານທີ່ນ້ອຍລົງແຖມຍັງຊ່ວຍລະບົບຍ່ອຍອາຫານໃຫ້ເຮັດວຽກດີຂື້ນອີກດ້ວຍ ຫຼື ແມ້ແຕ່ການດື່ມນຳ້ເຢັນໃນຈອກທີ່ມີນຳ້ກ້ອນກໍ່ຊ່ວຍໃນການເຜົາຜານພະລັງງານໄດ້ດີອີກດ້ວຍ


5. ກິນອາຫານຕາມໃຈປາກແນ່
ການກິນອາຫານຕາມໃຈປາກນັ້ນອາດຈະນໍາມາເຊິ່ງນໍ້າໜັກທີ່ເພີ່ມຂື້ນກໍ່ຈິງ ແຕ່ກໍ່ເປັນວິທີການຫຼຸດນຳ້ໜັກເຊັ່ນກັນ ໂດຍອາຫານຕາມໃຈປາກນັ້ນຄວນກິນພຽງ 1-2 ຄາບຕໍ່ອາທິດເທົ່ານັ້ນ ແລະ ຄວນຢູ່ໃນປະລິມານທີ່ພໍເໝາະ ເພາະຈະຊ່ວຍໃຫ້ຮ່າງກາຍເຜົາຜານພະລັງງານໄດ້ດີຂື້ນຈາກຄາບອາຫານໄດເອ໊ດອີກດ້ວຍ ແຕ່ສິ່ງສໍາຄັນຄືຕ້ອງຢູ່ໃນປະລິມານທີ່ເໝາະສົມ ແລະ ບໍ່ຄວນເກີນ 1-2 ຄາບຕໍ່ອາທິດເທົ່ານັ້ນ