ຊລາຕັນ ກ່າວສະວີເດນມີລຸ້ນເຖິງແຊ້ມໂລກ

0
36

ຊະລາຕັນ ອິບຣາຮິໂມວິຊ ດາວຍິງຄົນດັງຂອງສະວີເດນ ຂອງ ແອລເອ ແກແລັກຊີ ເມື່ອທີມຊາດສະວີເດນມີລຸ້ນໄປໄກເຖິງຕຳແໜ່ງແຊ້ມບານໂລກ 2018 ຫາກສາມາດຮັບມືກັບຄວາມກົດດັນໄດ້ດີໃນການລົງຫຼີ້ນຮອບນ໊ອກເອົ໋າ


ອິບຣາຮິໂມວິຊ ເຊິ່ງຄອງດາວຍິງສູງສຸດຕະຫຼອດການຂອງສະວີເດນທີ່ 62 ປະຕູ ເຊື່ອວ່າ ເມື່ອຜ່ານມາເຖິງຮອບນ໊ອກເອົ໋າທຸກຢ່າງຂື້ນກັບວ່າແຕ່ລະທີມຈະຮັບມືກັບຄວາມກົດດັນຈາກການເດີມພັນທີ່ສູງຂື້ນໃນແຕ່ລະເກມໄດ້ດີເທົ່າໃດ ເຊິ່ງຫາກຂຸນພົນໄວກິ້ງ ທີ່ມີຄິວຈະລົງຫຼີ້ນກັບ ອັງກິດ ໃນຮອບກ່ອນຮອງຊະນະເລີດ ວັນທີ່ 7 ກໍລະກົດ ຈັດການຄວາມຮູ້ສືກຂອງຕົນເອງໄດ້ກໍ່ມີສິດໄປເຖິງຝັ່ງຝັນໄດ້ເຊັ່ນກັນ


“ມັນຢູ່ກັບວ່າເຈົ້າມີດີເທົ່າໃດ ຕອນນີ້ມີເລື່ອງຂອງອາລົມເຂົ້າມາກ່ຽວດ້ວຍເພາະນີ້ຄືຮອບກ່ອນຮອງຊະນະເລີດ ທີມທີ່ສາມາດຈັດການຈັບຄວາມຮູ້ສືກຂອງຕົນເອງໄດ້ດີກໍ່ຈະໄດ້ປຽບ ແນ່ນອນຂ້ອຍຄິດວ່າສະວີເດນສາມາດຄວ້າແຊ້ມບານໂລກໄດ້ຄືກັບທີ່ເຄີຍເວົ້າເອົາໄວ້ກ່ອນໜ້າທີ່ບານໂລກຈະເລີ່ມຂື້ນ ພວກເຂົາຊະນະເມ໊ກຊິໂກ ເຊິ່ງເປັນທີມທີ່ແຂງແກ່ງ ແລະ ຊະນະສະວິດເຊີແລນມາໄດ້ເຊັ່ນກັນ ດ້ວຍເຫດນີ້ພວກເຂົາຈຶ່ງປະສົບຄວາມສຳເລັດຊະນິດທີ່ຫຼາຍຄົນຄາດບໍ່ເຖິງດ້ວຍຊຳ້” ອິບຣາຮິໂມວິຊ ກ່າວ