ນາຍົກລັດຖະມົນຕີ ຕ້ອນຮັບລັດຖະມົນຕີ ກະຊວງຍຸຕິ ທຳແຫ່ງ ສສ ຫວຽດນາມ

0
9
loading...

ຂປລ. ໃນ​ວັນ​ທີ 2 ກໍລະກົດ 2018  ທີ່ສຳນັກງານ​ນາ​ຍົກລັດຖະມົນຕີ  ທ່ານ ທອງ​ລຸນ ສີ​ສຸ​ລິດ ນາຍົກລັດຖະມົນຕີ ແຫ່ງ ສປປ ລາວ   ໄດ້ໃຫ້ກຽດ​ຕ້ອນການ​ເຂົ້າ​ຢ້ຽມຂ່ຳນັບ  ​ທ່ານ ເລ ​ແທັງ ລອງ  ລັດຖະມົນຕີ ກະຊວງ​ຍຸຕິ​ທຳ  ​ແຫ່ງ ສສ ຫວຽດນາມ ພ້ອມ​ດ້ວຍ​ຄະ​ນະ  ​ໃນ​ໂອກາດ​ທີ່​ເດີນທາງ​ມາ​ ​ເຂົ້າ​ຮ່ວມ​ກອງ​ປະຊຸມ ​ວຽກງານ​ຍຸຕິ​ທຳ​​ຂອງບັນດາ​ແຂວງ  ທີ່​ມີ​ຊາຍ​ແດນ​ຕິດ​ຈອດ​ກັນ ​ແລະ ຫວ່າງ​ລາວ-​ຫວຽດ ນາມ​ຄັ້ງ​ທີ່ 4  ​​ເຊິ່ງໄດ້​ຈັດ​ຂຶ້ນ​ໃນ​ວັນ​ທີ 2-4 ກໍ​ລະ​ກົດ ຢູ່ ສປປ ລາວ.

ໃນ​ໂອກາດ​ດັ່ງກ່າວ, ທ່ານນາຍົກລັດຖະມົນຕີ  ໄດ້ສະແດງຄວາມຍິນ​ດີ​ ຕ້ອນຮັບ​ອັນ​ອົບ​ອຸ່ນ ແລະ ຕີລາຄາ​ສູງ​  ຕໍ່ການ​ເດີນທາງ​ມາ​ຢ້ຽມຢາມ  ​ແລະ ​ເຮັດ​ວຽກ​ຢຸ່ ສປປ ລາວ ຂອງ ທ່ານ ​ເລ ​ແທັງ ລອງ   ພ້ອມ​ດ້ວຍ​ຄະນະ​ໃນ​ຄັ້ງ​ນີ້.​  ​ ຖືເປັນການປະກອບສ່ວນສຳຄັນ  ເຂົ້າໃນການເພີ່ມທະວີສາຍພົວພັນມິດຕະພາບ,  ຄວາມສາມັກຄີແບບພິເສດ ແລະ ການຮ່ວມມືຮອບດ້ານ  ລະຫວ່າງ ສອງພັກ ສອງລັດ ແລະ ປະຊາຊົນສອງຊາດລາວ-ຫວຽດນາມ  ທີ່ມີມາແຕ່ດົນນານແລ້ວນັ້ນ ໃຫ້ນັບມື້ນັບເຕີບໃຫຍ່ຂະຫຍາຍຕົວຍິ່ງໆຂຶ້ນ.

ພ້ອມນີ້, ທ່ານ ​ເລ ​ແທັງ ລອງ ລັດຖະມົນຕີ  ກະຊວງ​ຍຸຕິ​ທຳ ​ແຫ່ງ ສສ ຫວຽດນາມ  ໄດ້ສະແດງຄວາມຂອບໃຈ ຕໍ່ ທ່າ​ນ ທອງ​ລຸນ ສີ​ສຸ​ລິດ ນາຍົກລັດຖະມົນຕີ  ແຫ່ງ ສປປ ລາວ  ທີ່ໄດ້ສະຫລະເວລາອັນມີຄ່າ  ໃຫ້ການຕ້ອນ ຮັບຢ່າງອົບອຸ່ນໃນຄັ້ງນີ້,  ພ້ອມທັງໄດ້ ແຈ້ງຈຸດປະສົງ ຂອງການເດີນທາງມາຢ້ຽມຢາມ  ແລະ ເຮັດວຽກ ຢູ່ ສປປ ລາວ ໃນຄັ້ງນີ້ ຮັບຊາບຕື່ມອີກ.

ຂ່າວ: ກິດ​ຕາ.

ເນື້ອໃນ: ຂປລ

ຂໍຂອບໃຈ ຂ່າວສານປະເທດລາວ

loading...