“ຄິມ” ສັນຍາເດີນໜ້າພັດທະນາເສດຖະກິດຊາດເປັນອັນດັບແລກ

0
6
loading...

ເມື່ອວັນທີ່ 21 ມິຖຸນາ ທ່ານຄິມ ຈອງ-ອຶນ ຜູ້ນຳເກົາຫຼີເຫນືອກັບປະທານາທິບໍດີ ສີ ຈິ້ນຜິງ ຂອງຈີນປະຊຸມຮ່ວມກັນເປັນຄັ້ງທີ່ 2 ເພື່ອຫາລືກ່ຽວກັບມາດຕະການສະໜັບສະໜູນ ກົນລະຍຸດ ແລະຍຸດທະວິທີ ຄວາມຮ່ວມມືກັນລະຫວ່າງສອງປະເທດຊື່ງຜູ້ນຳທັງສອງປະເທດຕ່າງແລກປ່ຽນມຸມມອງຢ່າງຈິງຈັງເຖິງສະຖານະການໃນປະຈຸບັນ ແລະສະຖານະການໃຫມ່ໆ ຫຼັງທ່ານຄິມຢ້ຽມຊົມສະຖາບັນວິທະຍາສາດການກະເສດ ໂດຍເຂົ້າໄປສຳຫລວດການປູກພືດຜັກ ແລະຍັງຢ້ຽມຊົມສູນຄວບຄຸມການຈໍລະຈອນໃນນະຄອນປັກກິ່ງ ພ້ອມໃຫ້ຄຳໜັ້ນວ່າຈະພັດທະນາເລື່ອງເສດຖະກິດໃນເກົາຫຼີເຫນືອເປັນອັນດັບແລກ

ຂະນະດຽວກັນ ເຈົ້າໜ້າທີ່ອາເມລິກາຊື່ງບໍ່ເປີດເຜີຍຊື່ລະບຸວ່າ ສູນປ່ອຍດາວທຽມໂຊແຣໃນເມືອງຕອງຊາງ-ຮີ ທີ່ເກົາຫຼີເຫນືອຊື່ງເຄີຍໃຊ້ເປັນພື້ນທີ່ທົດສອບເຄື່ອງຍົນເຊື້ອເພິງເຫຼວທີ່ໃຊ້ສຳລັບຂີປະນາວຸດພິໃສໄກເຊັ່ນ ຣວາຊອງ-15 ທີ່ເກົາຫຼີເຫນືອເຜີຍວ່າເປັນຂີປະນາວຸດທີ່ສາມາດຍິງໄປໄກເຖິງອາເມລິການັ້ນ ຈະເປັນພື້ນທີ່ທີ່ຖືກທຳລາຍອາວຸດນິວເຄຼຍຂອງເກົາຫຼີເຫນືອ ຕາມຂໍ້ຕົກລົງສັນຍາລະຫວ່າງປະທານາທິບໍດີ ໂດນັລ ທຣັມ ແຫ່ງອາເມລິກາ ກັບຜູ້ນຳຄິມ ຊ່ວງປະຊຸມສຸດຍອດທີ່ສິງກະໂປ ເມື່ອ 12 ມິຖຸນາຜ່ານມາ ດ້ານທຣັມ ເຜີຍວ່າ ເກົາຫລີເໜືອຈະສົ່ງຄືນ ຮ່າງຫລືຊາກສົບທະຫານອາເມລິກາ 200 ຄົນທີ່ຫາຍສາບສູນ ຫຼືເສຍຊີວິດຊ່ວງສົງຄາມເກົາຫຼີ ໂດຍລຳລຽງໄປທີ່ຖານທັບອາກາດຣິກແຄມລັດຮາວາຍໃນອາເມລິກາ ແມ່ນວ່າຍັງບໍ່ມີຄຳຢືນຢັນປະກາດຢ່າງເປັນທາງການຈາກລັດຖະບານເກົາຫຼີເຫນືອ

loading...