“ອຸຣຸໄກວ” ສອຍ “ຊາອຸ” ເກັບ 6 ແຕ້ມ ລິ່ວເຂົ້າຮອບ 16 ທີມບານໂລກ

0
23

ເສິກບານໂລກ 2018 ກຸ່ມ A ທີ່ສະໜາມຣອສຕ໊ອບ ອາລີນ່າ ເມືອງຣອສຕ໊ອບ – ອອນ – ດອນ ປະເທດຣັດເຊຍ ເມື່ອວັນພຸດທີ່ຜ່ານມາ ທີມຊາດອຸລຸໄກວ ລົງສະໜາມດວນ ຊາອຸດິອາຣາເບຍ ໂດຍເຄິ່ງທຳອິດເປັນທີມຈອມໂຫດທີ່ອາໄສຊັ້ນເຊີງທີ່ເໜືອກວ່າຄອງບານບຸກເຂົ້າໃສ່ ແລະ ອອກນຳໄປກ່ອນ 1 -0 ຈາກລູກເຕະຂອງ ຫລຸຍ ຊົວເຣຊ ກອງໜ້າຄົນດັງຈາກບາເຊໂລນາ ໃນນາທີທີ່ 23 ເຊິ່ງເຮັດໃຫ້ເຂົາເປັນນັກເຕະອຸລຸໄກວຄົນທຳອິດໃນບານໂລກຮອບສຸດທ້າຍໄດ້ເຖິງ 3 ສະໄໝອີກດ້ວຍ

ເຂົ້າສູ່ເຄິ່ງຫຼັງຍັງເປັນ ອຸລຸໄກວ ທີ່ສ້າງສັນໂອກາດລຸ້ນປະຕູໄດ້ຫຼາຍກວ່າ ແຕ່ຈັງຫວະປິດບັນຊີບໍ່ຄົມພໍ ເຮັດໃຫ້ບໍ່ມີປະຕູເພີ່ມ ຈົບເກມ “ຈອມໂຫດ” ເສືອນ ຊາອຸດິອາຣາເບຍ ຫວຸດຫວິດ 1 – 0 ເກັບ 6 ຄະແນນເຕັມຈາກ 2 ນັດ ອັນດັບ 2 ຂອງກຸ່ມເອ ຜ່ານເຂົ້າຮອບ 16 ທີມໄດ້ຢ່າງແນ່ນອນແລ້ວ ສ່ວນ “ເສດຖີນ້ຳມັນ” ຫຼີ້ນ 2 ນັດບໍ່ມີແຕ້ມກອດຄໍ ອີຢິບ ກະເດັນຕົກຮອບຮຽບຮ້ອຍ