ນາຍົກລັດຖະມົນຕີ ແຫ່ງ ສປປ ລາວ ໄດ້ຕ້ອນຮັບ ການເຂົ້າຢ້ຽມຂ່ຳນັບຂອງ ຮອງປະທານປະເທດ ສສ ຫວຽດນາມ

0
27

ວັນທີ 19 ມິຖຸນາ ທີ່ ສຳນັກງານນາຍົກລັດຖະມົນ ຕີ ສະຫາຍ ທອງລຸນ ສີສຸລິດ ກຳມະການກົມການເມືອງສູນ ກາງພັກ ນາຍົກລັດຖະມົນຕີ ແຫ່ງ ສປປ ລາວ ໄດ້ຕ້ອນຮັບ ການເຂົ້າຢ້ຽມຂ່ຳນັບຂອງ ສະຫາຍ ນາງ ດັ້ງ ຖິ ຫງ໋ອກ ທິ້ງ ກຳມະການຄະນະບໍລິຫານ ງານສູນກາງພັກກອມມູນີດ ຫວຽດນາມ ຮອງປະທານປະ ເທດ ແຫ່ງ ສສ ຫວຽດນາມ.

 

ໃນໂອກາດດັ່ງກ່າວ ສະ ຫາຍ ທອງລຸນ ສີສຸລິດ ໄດ້ສະ ແດງຄວາມປິຕິຍິນດີທີ່ໄດ້ ຕ້ອນຮັບ ສະຫາຍ ນາງ ດັ້ງ ຖິ ຫງ໋ອກ ທິ້ງ ຊຶ່ງການຢ້ຽມຢາມ ຄັ້ງນີ້ ອັນເປັນການນຳເອົາໄມ ຕິຈິດມິດຕະພາບອັນດູດດື່ມ ແຫ່ງສາຍພົວພັນມິດຕະພາບ, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະ ຫວ່າງ ສອງພັກ, ສອງລັດ ແລະ ປະຊາຊົນສອງຊາດລາວ-ຫວຽດນາມ ອ້າຍນ້ອງທີ່ມີມາ ແຕ່ດົນນານແລ້ວນັ້ນ ໃຫ້ແໜ້ນ ແຟ້ນຍິ່ງໆຂຶ້ນ.

 

ພ້ອມກັນນັ້ນ, ສອງຝ່າຍ ຍັງໄດ້ປຶກສາຫາລື ກ່ຽວກັບການພົວພັນຮ່ວມມື ທາງດ້ານເສດຖະກິດ, ວັດທະ ນະທຳ, ວິທະຍາສາດ-ເຕັກນິກ, ການຄ້າ ແລະ ການລົງທຶນຂອງ ສອງປະເທດໃນໄລຍະຜ່ານ ມາ ສອງຝ່າຍລ້ວນແຕ່ມີຄວາມ ພະຍາຍາມຈັດຕັ້ງຜັນຂະ ຫຍາຍບັນດາຂໍ້ຕົກລົງຂອງ ສອງກົມການເມືອງກໍຄືສອງ ລັດຖະບານ ຊຶ່ງມີຫຼາຍໆກິດ ຈະການ ທີ່ໄດ້ຮັບຜົນສຳເລັດ ຕາມຄາດໝາຍ, ອັນສຳຄັນ ແມ່ນໄດ້ມີນັກທຸລະກິດ ແລະ ບັນດາຫົວໜ່ວຍການຜະລິດ ຂອງຫວຽດນາມ ໄດ້ໃຫ້ຄວາມ ສົນໃຈ ແລະ ມາລົງທຶນຢູ່ ສປປ ລາວ ຫຼາຍຂຶ້ນ ເປັນຕົ້ນແມ່ນ: ດ້ານອຸດສາຫະກຳ, ປູກຝັງ-ລ້ຽງ ສັດ ແລະ ດ້ານອື່ນໆອີກສິ່ງ ເຫຼົ່ານີ້ ໄດ້ຊ່ວຍສ້າງກຳລັງແຮງ ແລະ ຊ່ວຍສ້າງທາງອອກໃຫ້ ແກ່ປະຊາຊົນລາວ ໃນການທຳ ມາຫາກິນ ແລະ ຫຼຸຸດຜ່ອນຄວາມ ທຸກຍາກຢູ່ທ້ອງຖິ່ນຕ່າງໆບ່ອນ ທີ່ມີໂຄງການລົງທຶນຂອງ ຫວຽດ ນາມ ແລະ ສອງຝ່າຍຈະ ສືບຕໍ່ຊຸກຍູ້ບັນດາໂຄງການ ທີ່ໄດ້ລົງທຶນເພື່ອສຳເລັດຕາມ ລະດັບຄາດໝາຍທີ່ວາງໄວ້.

 

ໃນໂອກາດນີ້, ທອງລຸນ ສີສຸລິດ ໄດ້ສະແດງຄວາມຂອບ ໃຈຕໍ່ການເອົາໃຈໃສ່ຊຸກຍູ້ຊ່ວຍ ເຫຼືອແບບພິເສດ ແລະ ລ້ຳຄ່າ ຂອງພັກ ແລະ ລັດຖະບານ ກໍຄື ປະຊາຊົນຫວຽດນາມອ້າຍ ນ້ອງ ທີ່ມີຕໍ່ປະຊາຊົນລາວ ທີ່ ຊ່ວຍໃຫ້ ສປປ ລາວ ມີຊາຍຝັ່ງ ທະເລ ໂດຍການໃຫ້ ສປປ ລາວ ສຳປະທານ ແລະ ພັດທະ ນາທ່າເຮືອຫວຸ້ງອາງ ແລະ ໂຄງ ການອື່ນໆທີ່ໄດ້ຮັບການຊ່ວຍ ເຫຼືອ ກໍຄືການລົງທຶນຂອງຫວຽດ ນາມ ຢູ່ ສປປ ລາວ ສະຫາຍ ນາຍົກລັດຖະມົນຕີຍັງໄດ້ສະ ແດງຄວາມຊົມເຊີຍຕໍ່ບັນດາ ຜົນສຳເລັດອັນສຳຄັນຮອບ ດ້ານທີ່ປະຊາຊົນຫວຽດນາມ ອ້າຍນ້ອງ ທີ່ຍາດມາໄດ້ພາຍ ໃຕ້ການນຳພາອັນຖືກຕ້ອງ ຂອງພັກກອມມູນິດຫວຽດ ນາມ ໃນໄລຍະຜ່ານມາ ເຖິງ ວ່າສະພາບເສດຖະກິດລວມ ຂອງໂລກຈະມີຄວາມຫຍຸ້ງ ຍາກສັບສົນ ແລະ ປະເຊີນກັບ ວິກິດການແຕ່ພັກ, ລັດຖະບານ ແລະ ປະຊາຊົນຫວຽດນາມ ກໍສາມາດຜ່ານມາ ແລະ ພັດ ທະນາປະເທດ ໄປໄດ້ຢ່າງໝັ້ນ ທ່ຽງເຮັດໃຫ້ຊີວິດການເປັນ ຢູ່ຂອງປະຊາຊົນຫວຽດນາມ ນັບມື້ນັບດີຂຶ້ນເປັນກ້າວໆ. ໃນຕອນທ້າຍ, ສະຫາຍ ທອງລຸນ ສີສຸລິດ ໄດ້ອວຍ ພອນໃຫ້ ສະຫາຍຮອງປະທານ ປະເທດ ດັ້ງ ຖິ ຫງ໋ອກ ທິ້ງ ຈົ່ງມີສຸຂະພາບເຂັ້ມແຂງ, ມີ ຄວາມຜາສຸກ, ສືບຕໍ່ຊີ້ນຳນຳ ພາປະເທດຫວຽດນາມກ້າວຂຶ້ນ ຕາມເປົ້າໝາຍທີ່ວາງໄວ້ ແລະ ໄດ້ຮັບຜົນສຳເລັດຢ່າງຈົບ ງາມໃນການເດີນທາງມາຢ້ຽມ ຢາມ ສປປ ລາວ ໃນຄັ້ງນີ້.

(ຂ່າວ: ກະຊວງການຕ່າງ ປະເທດ, ພາບ: ພູວຽງຄຳ)