ສັດທຳນາຍເລືອກ “ເຢຍລະມັນ” ຊະນະນັດແລກບານໂລກ

0
28

ສຳນັກຂ່າວຕ່າງປະເທດລາຍງານຈາກປະເທດເຢຍລະມັນເມື່ອວັນທີ່ 15 ມິຖຸນາວ່າ ຫຼັງຈາກທີ່ສັດທຳນາຍຢ່າງ “ອະຄິລິສ” ແຫ່ງພິພິທະພັນໃນເມືອງເຊນປີເຕີສະເບີກ ແມ່ນວ່າຈະເປັນແມວຫູໜວກແຕ່ກໍມີຄວາມສາມາດພິເສດໃນການທາຍຜົນເຕະບານ ເພື່ອຮອງຮັບການແຂ່ງຂັນເຕະບານໂລກ 2018 ທີ່ປະເທດຣັດເຊຍ ໂດຍໄດ້ທຳນາຍວ່າ ຣັດເຊຍຈະເປັນທີມຊະນະໃນນັດແລກຂອງຄູ່ເປີດສະໜາມເຕະບານໂລກເມື່ອວັນພະຫັດທີ່ 14 ມິຖຸນາທີ່ຜ່ານມາຊື່ງຜົນປາກົດວ່າ ຣັດເຊຍເປັນທີມຊະນະເມື່ອສາມາດພິຊິດຄູ່ແຂ່ງໃນກຸ່ມເອຢ່າງຊາອຸດິອາຣາເບຍໄປຢ່າງສະບາຍ 5-0 ປະຕູ

ທາງເຢຍລະມັນໄດ້ໃຊ້ສັດທຳນາຍໃນການທາຍຜົນເຕະບານເຊັ່ນກັນ ໂດຍສະເພາະກັບທີມ “ອິນຊີເຫຼັກ” ເຢຍລະມັນແຊ້ມໂລກລ່າສຸດເມື່ອປີ 2014 ກຳນົດຈະລົງສະໜາມຟາດແຂ້ງໃນນັດເປີດສະໜາມໃນວັນອາທິດທີ່ 17 ມິຖຸນານີ້ໃນກຸ່ມເອຟທີ່ສະໜາມລຸຊນິກີ ສະເຕດ້ຽມໃນນະຄອນມອສໂກ ພົບກັບທີມ “ຈັງໂກ້” ແມັກຊິໂກ ໂດຍສັດທຳນາຍຢ່າງໝາພັນດັຊຊຸນຊື່ “ເຊປປີ້” ທີ່ເມືອງປັສເຊົາທາງໃຕ້ຂອງເຢຍລະມັນໄດ້ເລືອກທຳນາຍໂດຍການກິນອາຫານໃນຖ້ວຍຂອງຝັ່ງເຢຍລະມັນ ແລະສະແດງຜົນອອກມາວ່າເຢຍລະມັນຈະຊະນະແມັກຊິໂກດ້ວຍຄະແນນ 2-1 ປະຕູ