ວິເຄາະກຸ່ມ G ໃນການແຂ່ງຂັນບານໂລກ 2018

0
17

ສື່ກິລາຕ່າງປະເທດລາຍງານ ໃນວັນທີ 13 ມິຖຸນາ ຜ່ານມາວ່າ: ໃນກຸ່ມຈີນີ້ ມີສອງທີມໃຫຍ່ແຫ່ງເອີຣົບ ແລະ ທີມໜຶ່ງເປັນຂັວນໃຈຂອງຫຼາຍໆຄົນ, ກຸ່ມນີ້ໜ້າຈັບຕາເບິ່ງວ່າ ໃຜຈະສາມາດຄອງທີໜຶ່ງໄດ້ ເພາະສອງທີມໃຫຍ່ນັ້ນສູສີກັນຫຼາຍ ໄປເບິ່ງກັນເລີຍວ່າມີທີມໃດແດ່ໃນກຸ່ມນີ້.

1. ແບນຊິກ:

ຜ່ານເຂົ້າຮອບສູ່ບານໂລກຮອບສຸດທ້າຍ ດ້ວຍການຊະນະເຖິງ 9 ນັດ ຈາກ 10 ນັດ ພ້ອມກັບຍິງປະຕູໄປເຖິງ 43 ປະຕູ ຫຼາຍທີ່ສຸດໃນຮອບຄັດເລືອກໂຊນເອີຣົບ ໂດຍ 11 ປະຕູ ເປັນຂອງ ລູກາກູ; ແມ້ແຕ່ແບັກຂວາຢ່າງ ໂທມັສ ມູນິເຢ່ ຍັງຍິງໄປເຖິງ 5 ປະຕູ ເຊິ່ງມັນບົ່ງບອກວ່າພວກເຂົາອັນຕະລາຍທຸກຕຳແໜ່ງເລີຍ.

ແບນຊິກ ເຄີຍຈົບອັນດັບດີທີ່ສຸດໃນບານໂລກ ຄື ອັນດັບທີ 4 ໃນປີ 1986 ແລະ ບານໂລກຄັ້ງນີ້ ຈະເປັນຄັ້ງທີ 13 ຂອງພວກເຂົາ, ຄັ້ງນີ້ຖືກຍົກໃຫ້ເປັນເຕັງໜຶ່ງຂອງສາຍ ເໜືອກວ່າ ອັງກິດ ນຳອີກ ແລະ ເຊື່ອວ່າກຳລັງອັນແຂງແກ່ນຂອງພວກເຂົາ ຈະເຮັດໃຫ້ທີມເຂົ້າຮອບໄດ້ແນ່ນອນ ເຊິ່ງມີໂອກາດເຂົ້າຮອບເຖິງ 80%.

ຕົວເດັ່ນຂອງທີມ: ເອແດນ ອາຊາ ແນວບຸກຕົວເກັ່ງຈາກ ເຊວຊີ, ເຄວິນ ບຣອຍ ກອງກາງຄົນເກັ່ງຂອງ ແມນ ຊິຕີ, ໂຣເມລູ ລູກາກູ ຜູ້ຍິງປະຕູໄປ 11 ປະຕູ ໃນຮອບຄັດເລືອກ.

2. ປານາມາ:

ກຽມພ້ອມລຸຍບານໂລກຄັ້ງທຳອິດຂອງພວກເຂົາ ຫຼັງຈາກເອົາຊະນະ ຄອສຕາຣິກາ 2-1 ປະຕູ ໃນນັດສຸດທ້າຍຂອງຮອບຄັດເລືອກ ພ້ອມຄວ້າອັນດັບສາມໃນໂຊນຄອນຄາເຄບ. ແນວໃດກໍຕາມ, ພວກເຂົາຍິງໄດ້ພຽງ 9 ປະຕູເທົ່ານັ້ນເອງ ແຕ່ບໍ່ໜ້າເຊື່ອວ່າ ປານາມາ ທີ່ມີປະຊາກອນຢູ່ພຽງແຕ່ 4 ລ້ານຄົນ ຈະສາມາດຈົບອັນດັບເໜືອກວ່າປະເທດໃຫຍ່ຢ່າງ ອາເມລິກາ ໄດ້. ຜູ້ຫຼິ້ນສ່ວນໃຫຍ່ຈະຫຼິ້ນຢູ່ໃນ ເມເຈີລີກ ຊອກເກີ, ແນ່ນອນຊື່ສຽງນັ້ນສູ້ອີກສອງທີມດັງຮ່ວມສາຍບໍ່ໄດ້ ແລະ ຫຼາຍຝ່າຍເບິ່ງວ່າ ພວກເຂົາເປັນທີມອ່ອນສຸດໃນກຸ່ມ ໂດຍມີໂອກາດເຂົ້າຮອບພຽງ 20%.

ຕົວເດັ່ນຂອງທີມ: ໄຮເມ ເປເນໂດ້ ຜູ້ຮັກສາປະຕູ ອາຍຸ 36 ປີ ຜູ້ເປັນຫົວໜ້າທີມຫຼາຍກວ່າ 130 ນັດ.

3. ຕູນິຊີ:

ຕົວແທນຈາກອາຟຣິກກາ ທີ່ໃນຮອບຄັດເລືອກນັ້ນ ພວກເຂົາບໍ່ເສຍຈັກເກມເລີຍເຖິງ 6 ເກມທີ່ລົງຫຼິ້ນ. ຕູນິຊີ ມາບານໂລກຮອບສຸດທ້າຍເປັນຄັ້ງທຳອິດ ໃນຮອບ 12 ປີ ແລະ ນີ້ເປັນບານໂລກຄັ້ງທີ 5 ຂອງພວກເຂົາ, ແນ່ນອນວ່າບໍ່ເຄີຍຜ່ານຮອບແບ່ງກຸ່ມໄປໄດ້ເລີຍ ເຊິ່ງຄັ້ງນີ້ຖືກຂັດມາຢູ່ໃນສາຍກັບ ສອງທີມໃຫຍ່ແຫ່ງເອີຣົບ ກໍເປັນເລື່ອງຍາກທີ່ຈະເຂົ້າຮອບເຊັ່ນກັນ ເຊິ່ງມີໂອກາດເຂົ້າຮອບຢູ່ທີ່ 30%.

ຕົວເດັ່ນຂອງທີມ: ວາບີ ຄາສຣີ ອະດີດກອງກາງຂອງ ຊັນເດີແລນ ແລະ ປັດຈຸບັນຢູ່ກັບທີມ ແຣນສ໌ ສະໂມສອນໃນ ລີກເອິງ ຝຣັ່ງ ເປັນຄວາມຫວັງໃນການສ້າງເກມບຸກຂອງທີມ.

4. ອັງກິດ:

ຍັງພົບກັບການຕົກຮອບ 16 ທີມຢູ່ ຫຼັງຈາກບໍ່ເຄີຍຜ່ານໄປຮອບຮອງຊະນະເລີດ ມາຕັ້ງແຕ່ປີ 2006 ແລ້ວ ໂດນສະເພາະບານເຕະເອີຣົບ ຄັ້ງຫຼ້າສຸດ ທີ່ຕົກຮອບດ້ວຍການເສຍໃຫ້ ອຽກລັງ; ຄັ້ງນີ້ ອັງກິດ ພາຍໃຕ້ການຄຸມທີມຂອງ ແກເຣັດ ເຊົາເກດ ຜ່ານຮອບຄັດເລືອກໂດຍເປັນຜູ້ນຳຂອງສາຍ ແລະ ຊະນະເຖິງ 8 ນັດ, ໃນຊ່ວງອຸ່ນເຄື່ອງສາມາດສະເໝີໄດ້ທັງ ເບຼຊິນ, ເຢຍລະມັນ ແລະ ອີຕາລີ ລວມເຖິງຊະນະ ໂຮນລັງ.

ອັງກິດຊຸດນີ້ ຈຸດເດັ່ນຂອງພວກເຂົາຄືເສຍປະຕູຂ້ອນຄ້າງຍາກ ເພາະເນັ້ເກມຮັບເປັນສ່ວນໃຫຍ່ ເຊື່ອວ່າຄັ້ງນີ້ຖືກຈັດມາຢູ່ໃນສາຍດຽວກັບ ແບນຊິກ ອາດຈະຍາດແຍ່ງທີ່ໜຶ່ງຍາກຢູ່ ແຕ່ເຊື່ອວ່າອັງກິດ ຈະຊະນະອີກສອງທີມທີ່ເຫຼືອ ແລ້ວເຂົ້າຮອບ 16 ທີມໄດ້ເຊັ່ນກັນ, ພວກເຂົາມີໂອກາດເຂົ້າຮອບຢູ່ 80%.

ຕົວເດັ່ນຂອງທີມ: ແຮຣີ ເຄນ ຫົວໜ້າທີມຄົນໃໝ່ຂອງອັງກິດ ເປັນດາວຊັນໂວ ຍິງໄປແລ້ວ 5 ປະຕູ ໃນຮອບຄັດເລືອກ, ອັງກິດຝາກຄວາມຫວັງໄວ້ໃນແດນໜ້າກັບລາວແນ່ນອນ.