ຕາລິບັນ ເພີ່ມກອງກຳລັງໃນອັຟການີສຖານ ໂດຍບໍ່ຫວັ່ນການຂູ່ໂຈມຕີຈາກ ສະຫະລັດ ອາເມລິກາ

0
9

ຜູ້ບັນຊາການທະຫານສູງສຸດແຫ່ງອັຟການິສຖານກ່າວວ່າ ກອງທະຫານຕາລີບັນ 77 000 ຄົນ ກຳລັງຕໍ່ສູ້ກັບລັດຖະບານອັຟການິສຖານ ເຊິ່ງຈຳນວນກອງທະຫານນັ້ນຫຼາຍກວ່າທີ່ເຈົ້າໜ້າທີ່ສະຫະລັດ ອາເມລິກາ ແລະ ອັຟການິສຖານເຄີຍຄາດຄະເນໄວ້

ສຳນັກຂ່າວສະປຸດນິກລາຍງານວ່າ ການເພີ່ມກອງກຳລັງຕາລິບັນ ຈະສົ່ງຜົນກະທົບຕໍ່ການໂຈມຕີຂອງສະຫະລັດ ອາເມລິກາ ເຊິ່ງມີການຂົ່ມຂູ່ກອງກຳລັງຕາລິບັນມາຕັ້ງແຕ່ເດືອນມີນາ ນາຍພົນ Laal Jan Zaheer ແຫ່ງອັຟການິສຖານກ່າວກັບສຳນັກຂ່າວ ໂຕໂລວ່າ “ກອງທະຫານທັງ 77 000 ຄົນ ປະກອບໄປດ້ວຍນັກຮົບຕ່າງຊາດ 5 000 ຄົນ ແລະ ທະຫານໄອເອສ (ດາອີສ) 3000 ຄົນ ຂະນະທີ່ກຳລັງປະຕິບັດການກໍ່ຄວາມບ່ໍ່ສະຫງົບຕໍ່ປະເທດເຮົາ”


ໃນເດືອນມັງກອນ ໜ່ວຍງານສະໜັບສະໜຸນພາລະກິດຂອງອົງການ ນາໂຕ ພາຍໃຕ້ການຄວບຄຸມຂອງສະຫະລັດ ອາເມລິກາ ກ່າວວ່າການເພີ່ມຂື້ນຂອງກອງກຳລັງກຸ່ມຕາລິບັນໃນອັຟການິສຖານຍັງມີຂໍ້ຈຳກັດໃນການ “ປະເມີນ ແລະ ຄາດຄະເນຂໍ້ມູນກ່ຽວກັບກອງກຳລັງດັ່ງກ່າວ ເນື່ອງຈາກການຕິດຕາມບໍ່ໄດ້ມີການຕິດຕາມຜົນ ແລະ ສຳຫຼວດຢ່າງຈິງຈັງ”

ໃນເດືອນ ກັນຍາ 2017 ອົງການກວດກາພິເສດເພື່ອອັຟການິສະຖານໃໝ່ ( Special Inspector General For Afghanistan Reconstruction ) or SIGAR ກ່າວວ່າໜ່ວຍງານສະໜັບສະໜຸນພາລະກິດຄາດການວ່າ ມີທະຫານຕາລິບບັນທັງທະຫານປະຈຳ ແລະ ທະຫານກອງສະໜັບສະໜຸນປະມານ 25 000 – 35 000 ຄົນ ທີ່ຕໍ່ສູ້ກັບລັດຖະບານອັຟການີສຖານຈົນສີ້ນສຸດໄຕມາດນີ້”


ເຖິງວ່າການຄາດການດັງກ່າວຈະໃກ້ຄຽງ ກັບນາຍພົນ Zaheer ຢ່າໃດກໍ່ຕາມ ພາຍຫຼັງເດືອນກຸມພາ ສຳນັກຂ່າວສະປຸດນິກໄດ້ມີລາຍງານວ່າເຈົ້າໜ້າທີ່ທະຫານສະຫະລັດ ອາເມລິກາ ແລະ ອັຟການິສຖານບາງສ່ວນຄາດການວ່າ ກອງກຳລັງທະຫານຕາລິບັນນ່າຈະມີທະຫານຢ່າງໜ້ອຍ 60 000 ຄົນ