ຫົວເຫວີຍ ສົ່ງນັກສຶກສາລາວໄປທັດສະນະ ດ້ານໄອຊີທີ ຢູ່ ຈີນ

0
4

ບໍລິສັດຫົວເຫວີຍ ປະຈຳ ສປປ ລາວ ໄດ້ສະໜັບສະໜູນ ນັກສຶກສາຈຳນວນ 10 ຄົນທີ່ ຄັດເລືອກມາຈາກມະຫາວິທະ ຍາໄລ 3 ແຫ່ງ ໃນ ສປປ ລາວ ເພື່ອໄປທັດສະນະສຶກສາ ດ້ານ ໄອຊີທີ ຢູ່ ສປ ຈີນ ໃນໂຄງການ “Seeds for the future”, ຂະນະທີ່ທ່ານ ນາງ ແສງເດືອນ ຫຼ້າຈັນທະບູນ ລັດຖະມົນຕີກະ ຊວງສຶກສາທິການ ແລະ ກິລາ ໄດ້ເນັ້ນໃຫ້ນັກສຶກສາຈຳນວນ ດັ່ງກ່າວຕັ້ງໃຈຖອດຖອນເອົາ ບົດຮຽນທີ່ດີ ເພື່ອມາພັດທະ ນາຕົນເອງ. ພິທີຈັດສົ່ງນັກສຶກສາຈຳ ນວນດັ່ງກ່າວ ໄດ້ຈັດຂຶ້ນເມື່ອ ທ້າຍອາທິດຜ່ານມານີ້ ທີ່ສຳ ນັກງານໃຫຍ່ບໍລິສັດຫົວເຫວີຍ ປະຈຳ ລາວ ໂດຍມີທ່ານ ນາງ ແສງເດືອນ ຫຼ້າຈັນທະບູນ, ມີ ທ່ານ ຫວາງ ເວີນທຽນ ເອກອັກ ຄະລັດຖະທູດ ສປ ຈີນ ປະຈຳ ລາວ, ມີພາກສ່ວນກ່ຽວຂ້ອງ ເຂົ້າຮ່ວມ.

ໃນລະຫວ່າງການໄປທັດ ສະນະສຶກສານັ້ນ, ນັກສຶກສາ ລາວຈະໄດ້ຮຽນຮູ້ດ້ານວັດທະ ນະທຳພື້ນເມືອງຂອງຈີນ ແລະ ເຂົ້າຮ່ວມຫຼັກສູດການຝຶກອົບ ຮົມ, ເປັນຕົ້ນແມ່ນສິລະປະໃນ ການແຕ້ມຕົວໜັງສືງາມ ແລະ ການລະບາຍສີ ຢູ່ມະຫາວິທະ ຍາໄລພາສາສາດ ແລະ ວັດ ທະນະທຳປັກກ່ິງ. ພ້ອມກັນ ນັ້ນ ນັກສຶກສາກໍຈະໄດ້ມີໂອ ກາດສຶກສາຮຽນຮູ້ເຕັກໂນໂລ ຊີໃໝ່ໆ ເຊັ່ນ: ລະບົບ 5G, ແລະ ມີການທົດລອງຕົວຈິງຢູ່ ໃນຫ້ອງທົດລອງທີ່ທັນສະໄໝ ທີ່ສຸດຂອງສຳນັກງານໃຫຍ່ຫົວ ເຫວີຍ ໃນເມືອງເຊິນເຈິນ ສປ ຈີນ.

ຫົວເຫວີຍ ໄດ້ເລີ່ມຕົ້ນດຳ ເນີນໂຄງການນີ້ ໃນປີ 2008 ເພື່ອພັດທະນານັກສຶກສາຜູ້ມີ ພອນສະຫວັນ ICT, ຍົກສູງ ການຖ່າຍທອດຄວາມຮູ້, ສົ່ງ ເສີມຄວາມກ້າວໜ້າ ແລະ ຜົນ ປະໂຫຍດໃນຂະແໜງການສື່ ສານ, ປັບປຸງ ແລະ ຊຸກຍູ້ການ ກໍ່ສ້າງ ແລະ ການເຂົ້າຮ່ວມປະ ຊາຄົມດ້ານດີຈີຕອນຢູ່ໃນພາກ ພື້ນ. ທຸກໆປີ, ຫົວເຫວີຍ ໄດ້ ເຊື້ອເຊີນເອົານັກສຶກສາ 1.000 ຄົນ ຈາກທົ່ວໂລກ ເພື່ອໄປທັດ ສະນະສຶກສາຢູ່ທີ່ສຳນັກງານ ໃຫຍ່ຂອງບໍລິສັດຫົວເຫວີຍ ທີ່ ສປ ຈີນ.

ໃນປີນີ້, ຫົວເຫວີຍ ຮ່ວມກັບກະຊວງສຶກສາທິການ ແລະ ກິລາ ຄັດເລືອກເອົານັກ ສຶກສາ 10 ຄົນ ຈາກມະຫາວິ ທະຍາໄລ 3 ແຫ່ງຄື: ມະຫາວິ ທະຍາໄລແຫ່ງຊາດ, ມະຫາວິ ທະຍາໄລສະຫວັນນະເຂດ, ມະຫາວິທະຍາໄລສຸພານຸວົງ ເພື່ອເຂົ້າຮ່ວມກິດຈະກຳດັ່ງ ກ່າວທີ່ບໍລິສັດຫົວເຫວີຍເປັນຜູ້ ສະໜັບສະໜູນ.

(ຂ່າວ: ຫົວເຫວີຍ)