ທຳນຽບຂາວເຮັດຄລິບໂຄສະນາໂນ້ມນ້າວເກົາຫຼີເໜືອ (ຄລິບ)

    0
    9

    ສຳນັກຂ່າວຕ່າງປະເທດລາຍງານຈາກນະຄອນວໍຊິງຕັນປະເທດອາເມລິກາເມື່ອວັນທີ່ 12 ມິຖຸນາວ່າປະທານາທິບໍດີໂດນັລ ທຣັມ ກ່າວເຖິງບັນຍາກາດໃນຊ່ວງໜື່ງຂອງການພົບຫາລືກັບທ່ານຄິມ ຈອງ-ອຶນ ຜູ້ນຳສູງສຸດຂອງເກົາຫຼີເໜືອພ້ອມທີມງານທັງສອງຝ່າຍທີ່ສິງກະໂປ ເມື່ອວັນອັງຄານທີ່ຜ່ານມານັ້ນ ທີມງານຂອງລັດຖະບານວໍຊິງຕັນໄດ້ສະແດງວີດີໂອຄລິບຄວາມຍາວປະມານ 4 ນາທີ ໃຫ້ຜູ້ນຳຂອງເກົາຫຼີເໜືອໄດ້ຮັບຊົມ ມີເນື້ອຫາກ່ຽວກັບ “ໂຊກຊະຕາ” ແລະການຟື້ນຟູຄວາມສຳພັນລະຫວ່າງອາເມລິກາກັບເກົາຫຼີເໜືອ ຊື່ງທຣັມກ່າວວ່າທ່ານຄິມ ຈອງ-ອຶນ ແລະຄະນະ “ເຊີໄພຣຫຼາຍ”


    ຄລິບດັ່ງກ່າວຈັດເຮັດຂື້ນໂດຍສະພາຄວາມໜັ້ນຄົງແຫ່ງຊາດຂອງອາເມລິກາມີເນື້ອເລື່ອງ ແລະດົນຕີປະກອບຄືຕົວຢ່າງຮູບເງົາ ເປີດສາກດ້ວຍຄຳວ່າ “ອະ ເດສທິນີ ພິກເຈີສ ໂປດັກຊັ່ນ” ເປັນການນຳຮູບສະຖານະການໂລກມາປະຕິດປະຕໍ່ເປັນເລື່ອງລາວ ແຕ່ເນັ້ນຄວາມສຳພັນລະຫວ່າງອາເມລິກາກັບເກົາຫຼີເໜືອຕະຫຼອດໄລຍະເວລາທີ່ຜ່ານມານັບຕັ້ງແຕ່ສະໄໜສົງຄາມເກົາຫຼີ ຂະນະດຽວກັນຍັງມີຮູບຂອງຜູ້ນຳອາເມລິກາ ແລະຜູ້ນຳສູງສຸດຂອງເກົາຫຼີເໜືອໃນອິລິຍາບົດຜ່ອນຄາຍ ແລະມີຮອຍຍິ້ມຊ່ວງເວລາທີ່ທ່ານຄິມ ຈອງ-ອຶນ ແລະປະທານາທິບໍດີມຸນ ແຈ-ອິນ ຜູ້ນຳເກົາຫຼີໃຕ້ຈັບມືກັນເດີນຂ້າມເສັ້ນແບ່ງເຂດແດນເກົາຫຼີ

    ນອກຈາກນີ້ ຍັງມີຮູບຂອງໂຮງງານອຸດສາຫະກຳເພື່ອສົ່ງສັນຍານໂດຍເປັນໄນເຖິງການພັດທະນາເສດຖະກິດຂອງເກົາຫຼີເໜືອຈາກຄວາມຊ່ວຍເຫຼືອຂອງອາເມລິກາ ແລະຍັງມີຮູບຂີປະນາວຸດເດີນທາງກັບຫຼັງ ພ້ອມສຽງບັນຍາຍວ່າ “ຢ່າໃຊ້ອະດີດເປັນເຄື່ອງຕັດສິນອະນາຄົດ” ແລະ “ການພົບກັນລະຫວ່າງປະທານາທິບໍດີໂດນັລ ທຣັມ ກັບປະທານຄິມ ຈອງ-ອຶນ ຄືການສ້າງປະຫວັດສາດຄັ້ງໃໜ່ໃຫ້ໂຊກຊ່ວງ” ທຳນຽບຂາວເຜີຍດ້ວຍວ່າ ສຽງບັນຍາຍໃນຄລິບມີທັງພາສາອັງກິດ ແລະພາສາເກົາຫຼີຄາດວ່າຄະນະຂອງເກົາຫຼີເໜືອຈະໄດ້ຮັບຄລິບພາສາເກົາຫຼີກັບໄປດ້ວຍ

    ຢ່າງໃດກໍ່ຕາມ ຄຳກ່າວໃນຕອນຕົ້ນຂອງຄລິບປາກົດວ່າເປັັນເຊື່ອດຽວກັບ “ເດສທິນີ ພິກເຈີສ” ບໍລິສັດຜະລິດຮູບເງົາແຫ່ງໜື່ງໃນນະຄອນລອດແອນເຈີລິສ ຊື່ງທ່ານມາດ ຄາສຕັລໂດ ຜູ້ບໍລິຫານສູງສຸດອອກມາຖະແຫຼງວ່າບໍລິສັດຂອງເຂົາບໍ່ມີສ່ວນກ່ຽວຂ້ອງກັບຄລິບນັ້ນ ຫຼັງໄດ້ຮັບການຕິດຕໍ່ຈາກສື່ມວນຊົນຫຼາຍສຳນັກທົ່ວໂລກເພື່ອຂໍສຳພາດ