ນັກທຸລະກິດຍິງ ສ້າງຜົນງານໂດດເດັ່ນໄດ້ຮັບລາງວັນອາຊຽນ

0
31

ທ່ານ​ນາງ ມະໂນ​ທິບ ສີ​ຣິ​ປະພັນ ຜູ້ອຳນວຍການ​ບໍລິສັດ ນາ​ຣີ​ກະເປົາ​ລາວ​ປະຍຸກ ເປັນ​ໜຶ່ງ​ໃນ 9 ນັກທຸລະກິດ​ແມ່ຍິງ​ລາວ ​ທີ່​ໄດ້​ຮັບ​ລາງວັນ​ຜູ້​ປະກອບ​ການ​ແມ່ຍິງ​ດີເດັ່ນ​ອາ​ຊຽນ ປະຈຳ​ປີ 2018 ທີ່​ໄປ​ຮັບ​ລາງວັນ​ຢູ່​ບາງກອກ ປະເທດ​ໄທ ເມື່ອ​ກາງ​ເດືອນ​ພຶດສະພາ 2018 ຜ່ານ​ມາ ແລະ ໃນ​ໂອກາດ​ທີ່​ໄດ້​ຮັບ​ລາງວັນ​ອັນ​ຊົງ​ກຽດ​ນີ້ ​ທ່ານ​ເອງ​ມີ​ຄວາມ​ຮູ້ສຶກ​ພາກພູມ​ໃຈ​ຫຼາຍ ​ທີ່​ທີມ​ງານ​ສາມາດ​ຍາດ​ໄດ້ຜົນ​ງານ​ອັນ​ດີເດັ່ນ​ມາ​ໃຫ້​ບໍລິສັດ ນຳ​ເອົາ​ຊື່​ສຽງ​ມາສູ່​ປະເທດ​ຊາດ ແລະ ສັງຄົມ ກໍ່​ຄືວົງ​ການ​ທຸລະ​ກິດ​ແມ່ຍິງ​ລາວ​ເຮົາ ເຮັດ​ໃຫ້​ນັກທຸລະກິດ​ຍິງ​ຫຼາຍ​ປະເທດໃນ​ອາ​ຊຽນ ກໍ່​ຄືໃນ​ໂລກ ​ໄດ້​ເຫັນ​ວ່າ​ນັກທຸລະກິດ​ແມ່ຍິງ​ລາວ ​ກໍ່​ມີ​ຄວາມ​ຮູ້​ຄວາມ​ສາມາດ​ຄື​ກັບ​ນັກທຸລະກິດ​ແມ່ຍິງ​ປະເທດ​ອື່ນໆ​ເຊັ່ນ​ດຽວ​ກັນ ແລະ ລາງວັນ​ອັນ​ຊົງ​ກຽດ​ນີ້ ​ຈະ​ເປັນ​ກຳລັງ​ໃຈ​ທີ່​ບົ່ງ​ບອກ​ໃຫ້​ເຫັນ​ວ່າ​ບໍລິສັດ ​ຈົ່ງ​ສືບຕໍ່​ພັດທະນາ​ທຸລະ​ກິດ​ໄປ​ເລື້ອຍໆ​ຈາກ​ທີ່​ຜ່ານ​ມາ​ເຮັດ​ໄດ້​ດີ​ແລ້ວ.