ລັດຖະບານ ຊ່ວຍເຫຼືອປະຊາຊົນ ທີ່ໄດ້ຮັບຜົນກະທົບຈາກໄພພິບັດ

0
18

ພັກ-ລັດ ໄດ້​ມີ​ຄວາມ​ເປັນ​ຫ່ວງ​ເປັນ​ໃຍຕໍ່​ປະຊາຊົນ​ບັນດາເຜົ່າ ​ຜູ້​ທີ່​ໄດ້​ຮັບ​ຜົນ​ກະທົບ​ຈາກ​ໄພພິບັດ​ທຳ​ມະ​ຊາດ ທີ່​ອາດ​ເກີດ​ຂຶ້ນ​ໄດ້​ທຸກ​ເວລາ ເຊິ່ງ​ການ​ຊ່ວຍເຫຼືອ​ອາດ​ຈະ​ບໍ່​ຍິ່ງ​ໃຫຍ່​ເທົ່າ​ກັບ​ຄວາມ​ເສຍ​ຫາຍ ແຕ່​ກໍ່​ເປັນ​ການ​ເບິ່ງແຍງ​ປົວແປງ​ສະພາບ​ຈິດໃຈ ເປັນ​ກຳລັງ​ໃຈ​ໃຫ້​ກັນ​ເວລາ​ຍາມ​ພົບ​ຄວາມ​ລຳບາກ.

ວັນ​ທີ 23 ພຶດສະພາ 2018 ຢູ່​ທີ່​ກະຊວງ​ການ​ເງິນ ໄດ້​ມີ​ພິທີ​ມອບ-ຮັບ​ເຂົ້າສານ ເຊິ່ງ​ເປັນ​ເຂົ້າ​ສະ​ສົມ​ແຫ່ງ​ລັດ ຈຳນວນ 114.120 ກິ​ໂລ ແລະ ວັດຖຸ​ສົມທົບ​ປຸກ​ສ້າງ ສັງກະສີ ຈຳນວນ 4.050 ແຜ່ນ ແລະ ເຫຼັກ​ຕະປູ ລວມ​ມູນ​ຄ່າ​ທັງ​ໝົດ 1.353 ຕື້​ກີບ ໃຫ້​ແກ່​ອຳນາດ​ການ​ປົກຄອງ​ແຂວງ​ວຽງ​ຈັນ ເພື່ອ​ນຳໄປ​ຊ່ວຍເຫຼືອ​ປະຊາຊົນ​ຜູ້​ປະສົບ​ໄພພິບັດ​ທຳ​ມະ​ຊາດ​ຢູ່​ເມືອງ​ໝື່ນ ເມືອງ​ກາສີ ແລະ ເມືອງ​ເຟືອງ ກ່າວ​ມອບ​ໂດຍ​ທ່ານ​ນາງ ທິບ​ພະ​ກອນ ຈັນທະ​ວົງສາ ຮອງ​ລັດຖະມົນຕີ​ກະຊວງ​ການ​ເງິນ ກ່າວ​ຮັບ​ທ່ານ ບຸນ​ສອນ ເພັດ​ລາ​ວັນ ຮອງ​ເຈົ້າແຂວງ​ວຽງ​ຈັນ ມີ​ພະນັກງານ-ວິຊາ​ການ​ກ່ຽວຂ້ອງ​ສອງ​ຝ່າຍ​ເຂົ້າ​ຮ່ວມ.