ລັດຖະບານ ອາເມລິກາ ຍອມຖອຍໜຶ່ງກ້າວ ເກັບເຮືອບິນຖິ້ມລະເບີດຫົວຮົບນິວເຄຍ ບີ-52 ກັບເຂົ້າຖານ ບໍ່ໃຫ້ບາດຕາ “ຄິມ”

0
17

ເມື່ອວັນທີ່ 19 ພຶດສະພາ ຊີເອັນເອັນລາຍງານວ່າ ຈາກການເປີດເຜີຍຂອງເຈົ້າໜ້າທີ່ກະຊວງປ້ອງກັນປະເທດສະຫະລັດ ອາເມລິກາ 2 ຄົນ ຂະນະນີ້ກອງທັບສະຫະລັດ ອາເມລິກາ ເກົາຫຼີໃຕ້ ແລະ ຍີ່ປຸ່ນ ຕົກລົງຮ່ວມກັນປ່ຽນແຜນການບິນ ບໍ່ເອົາເຮືອບິນຖິ້ມລະເບີດຫົວຮົບນິວເຄຍ ຮຸ້ນ ບີ-52 ຢ່າງໜ້ອຍສອງລຳເຂົ້າໄປໃນຄາບສະໝຸດເກົາຫຼີ ລວມເຖິງຈະບໍ່ນຳເຮືອບິນບີ-52 ທີ່ເຄີຍຮ່ວມຊ້ອມຮົບມາຫຼາຍປີມາຊ້ອມຮົບໃນຂະນະນີ້

ຄາດວ່າການປ່ຽນແປງແຜນຄັ້ງນີ້ ເພື່ອຫຼຸດຄວາມບໍ່ພໍໃຈຂອງເກົາຫຼີເໜືອ ເຊິ່ງຂູ່ລົ້ມໝາຍການປະຊຸມລະຫວ່າງ ທ່ານ ຄິມ ຈອງ ອຶນ ຜູ້ນຳເກົາຫຼີເໜືອ ແລະ ທ່ານ ໂດນັນ ທຮັມ ປະທານາທິບໍດີອາເມລິກາ ທີ່ສິງກະໂປ ວັນທີ່ 12 ມິຖຸນານີ້ ດ້ວຍຄວາມບໍ່ພໍໃຈທີ່ອາເມລິກາ ກັບເກົາຫຼີກັບໃຕ້ຊ້ອມຮົບກັນຢູ່

ເຈົ້າໜ້າທີ່ອາເມລິກາ ບໍ່ຕອບຄຳຖາມວ່າການປ່ຽນແປງເສັ້ນທາງການບິນເພື່ອຕອບສະໜອງຖະແຫຼງການຈາກລັດຖະບານເກົາຫຼີເໜືອຫຼືບໍ່ ຫຼັງຈາກເກົາຫຼີເໜືອຖະແຫຼງເຕືອນໃຫ້ສະຫະລັດພິຈາລະນາໃຫ້ຖີ່ຖ້ວນເຖິງການກະທຳການຍົ່ວຍຸທາງທະຫານ ແລະ ໃຫ້ຄິດເຖິງການພົບປະກັນທີ່ໃກ້ຈະເຖິງນີ້

ເຖິງວ່າຈະມີການອອກມາໃຫ້ຂໍ້ມູນຈາກເຈົ້າໜ້າທີ່ສອງຄົນດັ່ງກ່າວ ແຕ່ທາງກະຊວງປ້ອງກັນປະເທດອາເມລິກາ ປະຕິເສດທີ່ຈະເວົ້າເຖິງກໍລະນີນີ້ ໂດຍພັນໂທ ຄຣິສໂຕເຟີ ໂລແກນ ໂຄສົກ ເພນຕາກອນ ລະບຸວ່າທາງກະຊວງປ້ອງກັນປະເທດໄດ້ດຳເນີນການປະສານງານກັບພັນທະມິດຂອງຢ່າງຕໍ່ເນື່ອງ ແຕ່ດ້ວຍເລື່ອງຄວາມໝັ້ນຄົງທາງກະຊວງຈຶ່ງບໍ່ຂໍຕອບວ່າຈະມີປະຕິບັດການເກີດຂື້ນໃນອານາຄົດ ລວມໄປເຖິງຂໍບໍ່ຕອບຂໍ້ຄວາມໃດໆທີ່ກ່ຽວຂ້ອງກັບຂະບວນການຕັດສິນໃຈໃນອານາຄົດ

ທ່າທີດັ່ງກ່າວ ຄວາມເຄື່ອນໄຫວທີ່ເຮືອບິນ ບີ-52 ຂອງກອງທັບອາເມລິກາ ກັບໄປສູ່ຖານເດີມທີ່ເກາະກວມແລ້ວ ຫຼັງຈາກຂື້ນບິນມາປະມານ 34-48 ຊົ່ວໂມງກ່ອນໜ້ານີ້ ໂດຍເສັ້ນທາງການບິນຂອງເຄື່ອງບິນດັ່ງກ່າວທີ່ພະຍາຍາມອອກຫ່າງຈາກນ່ານຟ້າຂອງເກົາຫຼີໃຕ້

ຢ່າງໃດກໍ່ຕາມເຮືອບິນຖິ້ມລະເບີດດັ່ງກ່າວເປັນສ່ວນສຳຄັນໃນການຊ້ອມຮົບລະຫວ່າງຍີ່ປຸ່ນ ແລະ ເກົາຫຼີໃຕ້ ເຊິ່ງເກົາຫຼີເໜືອປະກາດມາຕະຫຼອດວ່າການຊ້ອມຮົບທີ່ນຳໂດຍສະຫະລັດເປັນການຍົ່ວຍຸໃຫ້ເກີດສົງຄາມ