ພັນທະມິດນັກການສາສະໜາຕໍ່ຕ້ານອາເມລິກາ ຊະນະເລືອກຕັ້ງອີຣັກ

0
18

ສຳນັກຂ່າວຕ່າງປະເທດລາຍງານຈາກນະຄອນແບກແດດປະເທດອີຣັກ ເມື່ອວັນທີ່ 19 ພຶດສະພາວ່າ ຄະນະກຳມະການເລືອກຕັ້ງແຫ່ງຊາດຂອງອີຣັກປະກາດຜົນຢ່າງເປັນທາງການຂອງການເລືອກຕັ້ງສະມາຊິກສະພາຜູ້ແທນປະຊາຊົນຊຸດໃໜ່ທັງ 329 ບ່ອນນັ່ງ ຊື່ງມີຂື້ນເມື່ອວັນທີ່ 12 ພຶດສະພາ ທີ່ຜ່ານມາ ຖືເປັນການເລືອກຕັ້ງຄັ້ງທຳອິດນັບຕັ້ງແຕ່ການເຮັດສົງຄາມຂັບໄລ່ກຸ່ມໄອເອສ ເມື່ອປີ 2014 ວ່າຈຳນວນຜູ້ໃຊ້ສິດທິຢູ່ທີ່ 44.52% ຕ່ຳທີ່ສຸດໃນຮອບ 13 ປີ ຂະນະທີ່ພັນທະມິດນັກປະຕິວັດເພື່ອການປະຕິຮູບຫຼື ໄຊຮູນ ທີ່ເປັນການຮ່ວມໂຕລະຫວ່າງພັກປະຊານິຍົມຝ່າຍຂວາກັບພັກຄອມມູນິດ ພາຍໃຕ້ການນຳຂອງທ່ານມຸກຕາດາ ອັລ-ຊາດ ນັກການສາສະໜາ ສາຍປະຕິຮູບ ໄດ້ຮັບການເລືອກຕັ້ງເຂົ້າມາຫຼາຍທີ່ສຸດ 54 ບ່ອນນັ່ງ

Followers of Shiite cleric Muqtada al-Sadr, seen in the poster, celebrate in Tahrir Square, Baghdad, Iraq, early Monday, May 14, 2018. The political coalition of influential Shiite cleric Muqtada al-Sadr took an early lead in Iraq’s national elections in partial returns announced late Sunday by the Iraqi electoral commission. (AP Photo/Karim Kadim)

ຕາມມາດ້ວຍພັນທະມິດຟາຕາຊຶ່ງມີແກນນຳຄືອົງກອນບາດ ທີ່ໄດ້ຮັບການສະໜັບສະໜຸນຈາກອີຣ່ານໄດ້ຮັບການເລືອກຕັ້ງເຂົ້າມາ 47 ບ່ອນນັ່ງ ຂະນະທີ່ພັນທະມິດແຫ່ງໄຊຊະນະຂອງນາຍົກລັກຖະມົນຕີໄຣເດີ ອັລ-ອາບາດີ ຢູ່ໃນອັບດັບທີ່ 3 ໂດຍໄດ້ຮັບການເລືອກຕັ້ງເຂົ້າມາ 42 ບ່ອນນັ່ງ ຢ່າງໃດກໍ່ຕາມ ການທີ່ບໍ່ມີພັກໃດສາມາດຄອງສຽງຂ້າງຫຼາຍໄດ້ຢ່າງເດັດຂາດ ໜາຍຄວາມວ່າຕ້ອງເປັນການຈັດຕັ້ງລັດຖະບານປະສົມຫຼາຍພັກ ແລະຊາຮູນຈະໄດ້ສິດທິໃນດ້ານການຈັດຕັ້ງລັດຖະບານກ່ອນໃນຖານະພັກອັນດັບ 1

ແມ່ນວ່າຊາດ ອາຍຸ 44 ປີ ຢືນຢັນບໍ່ຮັບຕ່ຳແໜ່ງນາຍົກລັດຖະມົນຕີ ແຕ່ໄຊຊະນະຂອງໄຊຮູນໜາຍຄວາມວ່າທ່ານ ຊາດ ຕ້ອງມີບົດບາດຢ່າງຫຼາຍໃນການຈັດຕັ້ງລັດຖະບານຊຸດໃໜ່ ຊື່ງຄວາມປ່ຽນແປງທາງການເມືອງທີ່ເກີດຂື້ນຖືເປັນ ການຕົບໜ້າຄັ້ງຮຸນແຮງ ຕໍ່ອາເມລິກາ ທີ່ສາມາດສະໜັບສະໜູນໃຫ້ພັກການເມືອງສາຍກາງຂອງກຸ່ມຊົນຊັ້ນນຳໃນອີຣັກບໍລິຫານປະເທດໄດ້ຕັ້ງແຕ່ການສົ່ງກອງທັບເຂົ້າມາຂັບໄລ່ປະທານາທິບໍດີຊັດດັມ ຣຸສເຊັນ ໂດຍ ທ່ານ ຊາດ ເປັນນັກການສາສະໜາຂອງອີຣັກພຽງບໍ່ກີ່ຄົນຊື່ງຕໍ່ຕ້ານອາເມລິກາຢ່າງອອກໜ້າ ແລະຄັດຄ້ານການແທກຊຶມອິດທິພົນທາງທະຫານຂອງອີຣ່ານໃນປະເທດດ້ວຍ

ດ້ານກະຊວງການຕ່າງປະເທດອາເມລິກາຍັງບໍ່ສະແດງທ່າທີ ເວັ້ນພຽງວ່າ ຍອມຮັບຜົນການເລືອກຕັ້ງ ແລະພົນເອກ ເຈມ ແມດທິສ ລັດຖະມົນຕີວ່າການກະຊວງປ້ອງກັນປະເທດອາເມລິກາ ກ່າວວ່າ ຝ່າຍຄວາມໜັ້ນຄົງກຳລັງຈັບຕາສະຖານະການໃນອີຣັກ ຢ່າງໃກ້ສິດ ສ່ວນອີຣ່ານສົ່ງພົນເອກ ກັສເຊັມ ສຸໄລມານີ ຜູ້ບັນຊາການກອງກຳລັງຄຸດ ຊື່ງເປັນໜ່ວຍຮົບພິເສດໃນຕ່າງປະເທດຂອງກອງກຳລັງພິທັກປະຕິວັດອີຣ່ານ (ໄອອາຣຈີຊີ) ຢ້ຽມຢາມນະຄອນແບກແດດ ໃນອາທິດນີ້ ກ່ອນຄະນະກຳມະການເລືອກຕັ້ງຂອງອີຣັກຈະປະກາດຜົນຢ່າງເປັນທາງການເສຍອີກ