ໜຸ່ມຍີ່ປຸ່ນໃຈກ້າ ບຸກດຽວປຸ້ນທະນາຄານກາງໂຕກຽວກວາດເງີນໄປ 11 ລ້ານເຢນ

0
24

ສຳນັກຂ່າວຕ່າງປະເທດລາຍງານວ່າ ເມື່ອວັນພຸດທີ່ 16 ພຶດສະພາ ເກີດເຫດຄົນຮ້າຍບຸກດຽວປຸ້ນທະນາຄານ ເຊບຸ ຊິນຄິນ ສາຂາ ນິຊິ-ໂອກິຄຸໂບະ ໃນແຂວງພິເສດ ຊຸງິນາມິ ຂອງນະຄອນໂຕກຽວ ໂດຍທຳຮ້າຍຜູ້ຈັດການສາຂາຈົນໄດ້ຮັບບາດເຈັບ ກ່ອນຈະລັກເງີນສົດໄປກວ່າ 11 ລ້ານເຢນ (ປະມານ 100.000 ໂດລາ) ແລະຫຼົບໜີໄປຢ່າງລອຍນວນ

ຕາມການເປີດເຜີຍຂອງຕຳຫຼວດເຫດການເກີດຂື້ນເມື່ອເວລາ 7:55 ນາທີ ໂດຍໃນຂະນະທີ່ຜູ້ຈັດການສາຂາອາຍຸ 50 ປີກຳລັງເປີດປະຕູກ່ອນທີ່ທະນາຄານຈະເປີດທຳການຄົນຮ້າຍກໍ່ບຸກເຂົ້າມາ ແລະໃຊ້ແຊ່ເຫຼັກຕີຫົວຜູ້ຈັດການຈົນໄດ້ຮັບບາດເຈັບ ຈາກນັ້ນຈື່ງບັງຄັບໃຫ້ຜູ້ຈັດການເປີດຕູ້ເຊບໃນຊັ້ນໃຕ້ດິນແລ້ວນຳເງີນສົດມາໃຫ້ເຂົາ ກ່ອນທີ່ຈະຫຼົບໜີໄປ

ໃນເວລານັ້ນບໍ່ມີຄົນອື່ນນອກຈາກຜູ້ຈັດການທີ່ຢູ່ໃນທະນາຄານຢ່າງໃດກໍ່ຕາມພະນັກງານຍິງຄົນໜື່ງເດີນທາງມາເຖິງທະນາຄານ ແລະທັນເຫັນຄົນຮ້າຍກຳລັງຫຼົບໜີພໍດີ ເຮັດໃຫ້ຕຳຫຼວດຮູ້ວ່າຄົນຮ້າຍເປັນຊາຍອາຍຸປະມານ 30-40 ປີສູງປະມານ 175-180 ຊັງຕີແມັດ. ໃສ່ໜວກກັນນັອກສີຂາວ, ກັບເກີບສີຂາວ ຊື່ງຕອນນີ້ເຈົ້າໜ້າທີ່ກຳລັງຕາມລ່າຫາໂຕຢູ່