ທຣັມ ເຕືອນ ຄິມ ລະວັງພົບສະຕາກຳແບບ “ກັດດາຟີ”

0
32

ສຳນັກຂ່າວຕ່າງປປະເທດລາຍງານຈາກເມືອງວໍຊິງຕັນ ປະເທດສະຫະລັດອາເມລິກາ ເມື່ອວັນທີ່ 17 ພຶດສະພາ ວ່າ ປະທານາທິບໍດີໂດນັນ ທຣັມ ກ່າວເມື່ອວັນພະຫັດ ວ່າກຳນົດການພົບຫາລືກັບ ທ່ານ ຄິມ ຈອງ ອຶນ ຜູ້ນຳສູງສຸດຂອງເກົາຫຼີເໜືອ ຍັງເປັນໄປຕາມແຜນ” ຄືຈະເກີດຂື້ນທີ່ສິງກະໂປ ໃນວັນທີ່ 12 ມິຖຸນາ ນີ້ ແຕ່ເປັນສົມມຸດຖານວ່າ “ມີຄວາມເປັນໄປໄດ້” ວ່າການທີ່ລັດຖະບານປຽງຢາງມີທ່າທີປ່ຽນແປງໄປໃນອາທິດນີ້ ອາດເປັນຜົນຈາກ “ອິດທິພົນບາງຢ່າງ” ເຊິ່ງເກີດຈາກການທີ່ ທ່ານ ຄິມ ຈອງ ອຶນ ຢ້ຽມຢາມຈີນເຖິງ 2 ຄັ້ງ ພາຍໃນໄລຍະເວລາພຽງ 1 ເດືອນປາຍ ຄືການຢ້ຽມຢາມນະຄອນປັກກິ່ງ ເມື່ອທ້າຍເດືອນ ມີນາ ແລະ ການຢ້ຽມຢາມເມືອງຕ້າຫຼຽນເມື່ອອາທິດທີ່ຜ່ານມາ

 

ທຣັມຢ້ຳຈຸດຢືນຂອງສະຫະລັດ ອາເມລິກາຕໍ່ສະຖານະການດ້ານຄວາມໝັ້ນຄົງເທິງຄາບສະໝຸດເກົາຫຼີ ວ່າລັດຖະບານປຽງຢາງຕ້ອງຢຸດຕິໂຄງການນິວເຄຣຍ “ເປັນການຖາວອນ” ແລະ ການປົດອາວຸດອັນຕະລາຍທັງໝົດຕ້ອງຢູ່ໃນລະດັບທີ່ບໍ່ສາມາດຟື້ນຂື້ນມາໃຊ້ງານອີກຄັ້ງ ຢ່າງໃດກໍ່ຕາມ ກະຊວງການຕ່າງປະເທດເກົາຫຼີເໜືອ ປະຕິເສດຂໍ້ຮຽກຮ້ອງດັ່ງກ່າວຂອງວໍຊິງຕັນ ທີ່ເປັນການກົດດັນໃຫ້ລັດຖະບານປຽງຢາງຕ້ອງຢຸດຕິໂຄງການນິວເຄຍ “ພຽງຝ່າຍດຽວ” ແລະ ເບິ່ງວ່າສະຫະລັດ ອາເມລິກາ ແຊກແຊງເຂົ້າມາໃນອານາຄົດຈົນເກົາຫຼີເໜືອຢູ່ໃນສະພາບດຽວກັບລີເບຍ

ຜູ້ນຳສະຫະລັດ ອາເມລິກາ ກ່າວເຖິງ “ລິເບຍໂມເດລ” ເຊິ່ງເປັນສະຖານະການໃນຊ່ວງທ້າຍຍຸກຂອງ ພົນເອກ ມູນອັມມາ ກັດດາຟີ ເມື່ອ 2011 ວ່າເປັນ “ປະຕິບັດການທຳລາຍລ້າງ” ໃນບໍລິບົດທີ່ “ແຕກຕ່າງ” ເຊິ່ງເກົາຫຼີເໜືອບໍ່ຄວນນຳມາປຽບທຽບ ແຕ່ກ່າວເປັນໄນວ່າ “ປະວັດສາດອາດຈະຊ້ຳຮອຍ” ໃນກໍລະນີທີ່ສະຫະລັດ ອາເມລິກາ ບໍ່ມີທາງບັນລຸຂໍ້ຕົກລົງກັບເກົາຫຼີເໜືອໄດ້

ຢ່າງໃດກໍ່ຕາມ ຫາກທັງສອງປະເທດບັນລຸຂໍ້ຕົກລົງທີ່ຫນ້າພໍໃຈຮ່ວມກັນໄດ້ ທຮັມຢືນຢັນວ່າສະຫະລັດ ອາເມລິກາ ບໍ່ແຕະຕ້ອງລະບອບການປົກຄອງພາຍໃຕ້ການນຳຕະກູນຄິມ ແລະ ຍັງຈະກາລັງຕີຕີຄວາມໝັ້ນຄົງ ແລະ ຄວາມປອດໄພໃຫ້ດ້ວຍ

ທັງນີ້ ການທີ່ລັດຖະບານປຽງຢາງ ຍົກປະເດັນຂື້ນມາ ເປັນຜົນຈາກຄຳກ່າວເມື່ອເດືອນທີ່ຜ່ານມາຂອງ ທ່ານ ຈອນ ໂບຕັນ ທີ່ປຶກສາດ້ານຄວາມໝັ້ນຄົງປະຈຳທຳນຽບຂາວ ວ່າສະຫະລັດ ອາເມລິກາຄວນໃຊ້ “ແຜນການດຽວກັນ” ເປັນພື້ນຖານເຈລະຈາກັບເກົາຫຼີເໜືອ ແຕ່ ພົນເອກ ກັດດາຟີ ຖືກສັງຫານຢ່າງໂຫດຫ້ຽມ ແລະ ເຖິງແກ່ກຳ ເມື່ອເດືອນ ຕຸລາ 2010 ການລຸກຮືຂື້ນຂອງປະຊາຊົນ ອາຫຼັບ ສະປິງ ໃນຊ່ວງຕົ້ນປີດຽວກັນ ຫຼັງ 8 ປີກ່ອນໜ້ານັ້ນຍອມຢຸດຕິໂຄງການນິວເຄຍ ຕາມຂໍ້ຕົກລົງກັບສະຫະລັດ ແລະ ອົງກອນສົນທິສັນຍາແອດແລນຕິກເໜືອ (ນາໂຕ)