ອັສຊາດ ເດີນທາງພົບ ປູຕິນ ທີ່ເມືອງໂຊຊິ

0
35

ສຳນັກຂ່າວຕ່າງປະເທດລາຍງານຈາກເມືອງໂຊຊິ ປະເທດຣັດເຊຍ ເມື່ອວັນທີ່ 18 ພຶດສະພາ ວ່າທໍານຽບເຄຣມລິນອອກຖະແຫຼງການເມື່ອວັນພະຫັດ ວ່າປະທານາທິບໍດີດີວະລາດິເມຍ ປູຕິນ ຕ້ອນຮັບປະທານນາທິບໍດີ ບາຊາອັລ-ອັສຊາດ ທີ່ລີສອດແຄມທະເລດຳ ໃນເມືອງໂຊຊິ ທາງຕາເວັນອອກສຽງໃຕ້ຂອງຣັດເຊຍ ໂດຍຜູ້ນຳທັງສອງປະເທດ ຫຼືໃນປະເດັນສ່ວນໃຫຍ່ກ່ຽວຂ້ອງກັບສະຖານະການໃນຊີເຣຍ ເຊິ່ງປູຕິນສະແດງຄວາມຍິນດີກັບ “ຄວາມສຳເລັດທາງທະຫານ” ຂອງຝ່າຍລັດຖະບານໃນການຕໍ່ຕ້ານ  “ຜູ້ກໍ່ການຮ້າຍ” “ວ່າຈະນຳໄປສູ່” ຂະບວນການທາງການເມືອງໃນລະດັບກວ້າງຕໍ່ໄປ


ສຳລັບການພົບກັນລະຫວ່າງຜູ້ນຳຊີເຣຍກັບຜູ້ນຳຣັດເຊຍໃນຄັ້ງນີ້ ຖືເປັນຄັ້ງທຳອິດໃນຮອບໄລຍະເວລາເຄິ່ງປີ ນັບຕັ້ງແຕ່ ປູຕິນຢ້ຽມຢາມຖານທັບອາກາດລາຕາເຄຍ ໃນພາກຕາເວັນຕົກຂອງຊີເຣຍ ເມື່ອເດືອນທັນວາ ປີທີ່ແລ້ວ ດ້ານທຳນຽບປະທານາທິບໍດີໃນເມືອງ ດາມັສກັສ ອອກຖະແຫຼງການວ່າ ລັດຖະບານຊີເຣຍກຳລັງວາງແຜນຂະບວນການທາງການເມືອງ ທີ່ລວມເຖິງການເຟັ້ນຫາບຸກຄົນທີ່ເໜາະສົມທີ່ດຳລົງຕຳແໜ່ງຄະນະກຳມາທິການຮ່າງລັດຖະທຳມະນູນ ຕາມແນວທາງການປະຊຸມໄຕພາຄີ ລະຫວ່າງຣັດເຊຍ ກັບອີຣ່ານ ແລະ ຕຸກກີ ທີ່ເມືອງໂຊຊິ ເມື່ອເດືອນມັງກອນ ທີ່ຜ່ານມາ ແລະ ການເຮັດວຽກກັບສະຫະປະຊາຊາດ


ຢ່າງໃດກໍ່ຕາມ ປະເດັນເລື່ອງ “ອານາຄົດທາງການເມືອງ” ຂອງອັສຊາດ ເປັນຫົວຂໍ້ທີ່ຍັງຖົກຖຽງກັນລະຫວ່າງຂົ້ວອຳນາດຫຼາຍຝ່າຍ ໃນທຸກຄັ້ງຂອງການເຈລະຈາສັນຕິພາບ ທີ່ຢູເອັນເປັນເຈົ້າພາບຕັ້ງແຕ່ປີ 2012 ຫຼື ປະມານ 1 ປີຫຼັງການປະທຸຂອງສົງຄາມ ເຊິ່ງສົ່ງຜົນໃຫ້ຜູ້ເສຍຊີວິດຫຼາຍກວ່າ 450.000 ຄົນ ຂະນະຣັດເຊຍເຂົ້າຮ່ວມປະຕິບັດການທະຫານໃນຊີເຣຍ ເມື່ອທ້າຍເດືອນ ກັນຍາ 2016 ຕາມຄຳເຊີນຂອງລັດຖະບານດາມັສກັສ