ຮອງລັດຖະມົນຕີກະຊວງ ປ້ອງກັນປະເທດ ລາວ ຕ້ອນຮັບການເຂົ້າຢ້ຽມຂໍ່ານັບຂອງ ຮອງຜູ້ບັນຊາການກອງທັບສະຫະລັດອາເມຣິກາ

0
36

ທ່ານ ພົນຕີ ອ່ອນສີ ແສນ ສຸກ ຮອງລັດຖະມົນຕີກະຊວງ ປ້ອງກັນປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມຂໍ່າ ນັບຂອງ ທ່ານ ພົນໂທ ບຣາຍ ອັ້ນ ເຟັນເທີ້ນ ຮອງຜູ້ບັນຊາ ການກອງທັບສະຫະລັດອາເມ ຣິກາ ປະຈໍາຂົງເຂດ ປາຊີຟິກ ພ້ອມດ້ວຍຄະນະຢູ່ທີ່ກະຊວງ ປ້ອງກັນປະເທດ ໃນວັນທີ 11 ພຶດ ສະພາ 2018 ນີ້, ເນື່ອງໃນໂອ ກາດທີ່ຄະນະເດີນທາງມາຢ້ຽມ ຢາມ ແລະ ເຮັດວຽກຢູ່ສປປລາວ.ຈຸດປະສົງການເດີນທາງມາ ຢ້ຽມຢາມຂອງຄະນະດັ່ງກ່າວ ໃນຄັ້ງນີ້ແມ່ນເພື່ອຕິດຕາມສະ ພາບການພົວພັນຮ່ວມມື

ແລະ ສຶກສາຄວາມເປັນໄປໄດ້ໃນ ການເພີ່ມທະວີການຮ່ວມມືໃນຕໍ່ ໜ້າ ເຊິ່ງປັດຈຸບັນພາຍຫລັງ ທັງສອງຝ່າຍໄດ້ຍົກລະດັບເປັນ ຄູ່ຮ່ວມມືແບບກວມລວມ ແລະ ອາດຈະມາຊຸກຍູ້ການຮ່ວມມື ສອງຝ່າຍ ໂດຍສະເພາະແມ່ນ ຂົງເຂດວຽກງານການຂຸດຄົ້ນ ແລະ ຊອກຫາຮ່ອງຮອຍສິ່ງເສດ ເຫລືອຂອງທະຫານອາເມຣິກາ ຫຼື MIA ແລະ ວຽກງານການ ຊ່ວຍເຫລືອມະນຸດສະທໍາລະ ເບີດບໍ່ທັນແຕກໃນປາງສົງຄາມ ຢູ່ ສປປ ລາວ.

ພົນໂທ ບຣາຍອັ້ນ ເຟັນເທີ້ນ ຍັງໄດ້ກ່າວຢໍ້າເຖິງຄວາມມຸ່ງ ໝັ້ນຂອງກອງບັນຊາການກອງ ທັບສະຫະລັດອາເມຣິກາ ປະ ຈຳຂົງເຂດປາຊີຟິກ ໃນການປະ ຕິບັດງານຮ່ວມກັບລັດຖະບານ ສປປ ລາວ ກໍຄືກອງທັບປະຊາ ຊົນລາວ ເພື່ອສືບຕໍ່ປັບປຸງການ ພົວພັນຮ່ວມມືສອງຝ່າຍ ແລະ ເສີມຂະຫຍາຍຂີດຄວາມສາ ມາດເຂົ້າໃນການປົກປັກຮັກສາ ສັນຕິພາບ ແລະ ສະຖຽນລະ ພາບພາຍໃນປະເທດ ແລະ ໃນ ພາກພື້ນ.

ເຊິ່ງການຢ້ຽມຢາມຄັ້ງນີ້ ເປັນບາດກ້າວທີ່ສຳຄັນໃນການ ພັດທະນາການພົວພັນຮ່ວມມື ສອງຝ່າຍໃນຂົງເຂດວຽກງານ ທີ່ສຳຄັນ ແລະ ຍັງໄດ້ສະແດງ ໃຫ້ເຫັນເຖິງຄວາມໝາຍໝັ້ນ ຂອງສະຫະລັດອາເມຣິກາຕໍ່ກັບ ອາຊຽນ ລວມທັງພາກພື້ນປາ ຊີຟິກ. ທ່ານ ພົນໂທ ບຣາຍອັ້ນ ເຟັນເທີ້ນ ໄດ້ສະແດງຄວາມ ຂອບໃຈຢ່າງຈິງໃຈມາຍັງການ ນຳຂອງ ສປປ ລາວ ທີ່ໄດ້ໃຫ້ ການຮ່ວມມືທີ່ດີຕະຫລອດໄລຍະ ເວລາຫລາຍປີທີ່ຜ່ານມາ.

ໂດຍ: ສົມພອນ ນສພ ກອງທັບ