ທ່ານ ສະເຫຼີມໄຊ ກົມມະສິດ ຕ້ອນຮັບ ທູດອີຕາລີ

0
37

ໃນຕອນເຊົ້າຂອງວັນທີ 11 ພຶດສະພາ 2018 ທີ່ ກະ ຊວງການຕ່າງປະເທດ, ທ່ານ ສະເຫຼີມໄຊ ກົມມະສິດ ລັດຖະ ມົນຕີກະຊວງການຕ່າງປະເທດ ໄດ້ຕ້ອນຮັບການເຂົ້າຢ້ຽມອຳ ລາຂອງທ່ານ ຟຣານເຊັສໂກ ຊາເວຣີໂອ ນີຊີໂອ (Francesco Saverio NISIO) ເອກ ອັກຄະລັດຖະທູດ ແຫ່ງ ສາທາ ລະນະລັດ ອີຕາລີ ໃນໂອກາດ ທີ່ທ່ານສຳເລັດການປະຕິບັດ ໜ້າທີ່ເປັນເອກອັກຄະລັດຖະ ທູດວິສາມັນຜູ້ມີອຳນາດເຕັມ ແຫ່ງ ສາທາລະນະລັດ ອີຕາລີ ປະຈຳ ສປປ ລາວ ທີ່ສຳນັກງານ ຕັ້ງຢູ່ບາງກອກ ປະເທດໄທ.

ໃນໂອກາດດັ່ງກ່າວ ທ່ານ ລັດຖະມົນຕີກະຊວງການຕ່າງ ປະເທດ ໄດ້ສະແດງຄວາມຍິນ ດີຕ້ອນຮັບ ແລະ ຊົມເຊີຍຕໍ່ຜົນ ສຳເລັດຂອງທ່ານທູດ ຕະຫຼອດ ໄລຍະການດຳລົງຕຳແໜ່ງ ເປັນເອກອັກຄະລັດຖະທູດ ແຫ່ງ ສາທາລະນະລັດ ອີຕາລີ ປະຈຳ ສປປ ລາວ, ພ້ອມທັງສະ ແດງຄວາມຂອບໃຈຕໍ່ຄວາມ ພະຍາຍາມເຄື່ອນໄຫວຂອງ ທ່ານ ໃນການຊຸກຍູ້ ແລະ ເສີມ ຂະຫຍາຍສາຍພົວພັນ ແລະ ການຮ່ວມມືລະຫວ່າງສອງປະ ເທດລາວ-ອີຕາລີ ໃຫ້ນັບມື້ນັບ ດີຂຶ້ນເລື້ອຍໆ.

ທ່ານລັດຖະ ມົນຕີ ໄດ້ຕີລາຄາສູງຕໍ່ການ ຊ່ວຍເຫຼືອຂອງລັດຖະບານ ແລະ ປະຊາຊົນອີຕາລີ ທີ່ມີຕໍ່ ສປປ ລາວ ໃນໄລຍະຜ່ານມາ ໃນຂອບສອງຝ່າຍ ແລະ ຫຼາຍ ຝ່າຍ, ເປັນຕົ້ນແມ່ນໂຄງການ ປະຕິສັງຂອນມໍລະດົກໂລກ ວັດພູຈຳປາສັກ ແລະ ມໍລະດົກ ໂລກຫຼວງພະບາງ, ດ້ານສະ ບຽງອາຫານ, ໂຄງການສູນຊີວະ ນາໆພັນທີ່ແຂວງບໍລິຄຳໄຊ.

ທ່ານລັດຖະມົນຕີກະຊວງ ການຕ່າງປະເທດ ໄດ້ອວຍ ພອນໄຊອັນປະເສີດໃຫ້ແກ່ ທ່ານທູດ ຈົ່ງມີສຸຂະພາບເຂັ້ມ ແຂງ, ປະສົບຜົນສຳເລັດໃນ ໜ້າທີ່ການງານໃໝ່ຂອງທ່ານ ແລະ ເດີນທາງກັບຄືນປະເທດ ດ້ວຍຄວາມສະຫວັດດີພາບ ທຸກປະການ.

ພາບ-ຂ່າວ: ນສພ ປະຊາຊົນ