ຢິວເພີ່ມທະຫານໃນກາຊ້າ-ເວສແບງ ຮັບມືວັນເປີດສະຖານທູດອາເມລິກາ

0
7

ສຳນັກຂ່າວຕ່າງປະເທດລາຍງານຈາກນະຄອນເທລອາວີຟປະເທດອິດສະຣາເອລ ເມື່ອວັນທີ່ 13 ພຶດສະພາວ່າ ກອງກຳລັງປ້ອງກັນອິດສະຣາເອລ (ໄອດີເອຟ) ອອກຖະແຫຼງການເມື່ອວັນເສົາ ເພີ່ມກຳລັງເຈົ້າໜ້າທີ່ໃນເຄື່ອງແບບອີກ 2 ເທົ່າ ໃນເຂດຍຶດຄອງຂອງອິດສະຣາເອລທັງສະນວນກາຊາ ແລະເຂດເວສແບງ ອີກທັງມີການໂຈມຕີທາງອາກາດເປົ້າໜາຍຫຼາຍແຫ່ງໃນສະນວນກາຊາດ້ວຍ ເພື່ອກຽມພ້ອມຮັບມືສະຖານະການຮຸນແຮງໃນວັນຈັນທີ່ 14 ພຶດສະພານີ້ ເຊີ່ງມີຄວາມເປັນໄປໄດ້ສູງວ່າຈະເກີດຂື້ນ ເນື່ອງຈາກເປັນວັນທີ່ອາເມລິກາຈະທຳພິທີເປີດສະຖານເອກອັກຄະລັກສະທູດປະຈຳນະຄອນເຢຣູຊາເລັມ ທີ່ເປັນການຍົກລະດັບອາຄານແຫ່ງເດີມທີ່ສະຖານກົງສູນໃຫ່ຍມາກ່ອນ ຫຼັງປະທານາທິບໍດີໂດນັລ ທຣັມ ປະກາດເມື່ອເດືອນທັນວ່າປີກາຍ ຮັບຮອງອາຄານເຂດທັງໜົດຂອງນະຄອນສັກສິດແຫ່ງນີ້ຄຶເມືອງຫຼວງຂອງອິດສະຣາເອລຝ່າຍດຽວ


ຢ່າງໃດກໍ່ຕາມ ຜູ້ນຳສະຫະລັດ ອາເມລິກາ ຫລີກລ່ຽງການມາຢາມນະຄອນເຍຮູຊາເລັມໃນການນີ້ ແຕ່ໄດ້ສົ່ງຄະນະຜູ້ແທນເຊີ່ງລວມທ່ານຈໍ ຊັລລິເວນ ລັດຖະມົນຕີຊ່ວຍວ່າການກະຊວງການຕ່າງປະເທດ ທ່ານຈາເຣ໊ດ ຄຸຊເນີ ຜູ້ຊ່ວຍ ແລະທີປຶກສາອາວຸໂສຂອງປະທານາທິບໍດີ ທ່ານນາງ ອິວັງກ້າ ທຣັມ ຜູ້ຊ່ວຍ ແລະທີ່ປຶກສາຂອງປະທານາທິບໍດີ ແລະທ່ານເຈສັນ ຜູ້ແທນພິເສດດ້ານການເຈລະຈາສະຖານະການໃນຕະເວັນອອກກາງ


ຕະຫຼອດໄລຍະເວລາເກືອບ 2 ເດືອນກ່ອນເຖິງວັນເປີດສະຖານເອກອັກຄະລາຊະທູດອາເມລິກາປະຈຳນະຄອນເຢຣູຊາເລັມ ຊາວປາເລສໄຕໃນສະນວນກາຊາຊຸມນຸມປະທ້ວງປະຈຳປີຕໍ່ຕ້ານອິດສະຣາເອລ ເພື່ອທວງຄືນດິນແດນຊື່ງຖືກແຍ່ງຊິງໄປເປັນດິນແດນຂອງອິດສະຣາເອລເມື່ອປີ 1948 ການປະທະກັນຢ່າງດຸເດືອດຕະຫຼອດຊ່ວງເວລາທີ່ຜ່ານມາ ເປັນເຫດໃຫ້ມີຜູ້ເສຍຊີວິດແລ້ວ 54 ຄົນ ເປັນຊາວປາເລສໄຕທັງໜົດ ແລະມີຜູ້ໄດ້ຮັບບາດເຈັບອີກຫຼາຍພັນຄົນ ດ້ານສະຫະປະຊາຊາດ (ຢູເອັນ) ພະຍາຍາມຮຽກຮ້ອງໃຫ້ມີການກວດສອບສະຖານນະການທີ່ເກີດຂື້ນ ແຕ່ບໍ່ໄດ້ຮັບການຕອບສະໜອງຈາກລັດຖະບານເທລອາວີຟ ຂະນະທີ່ອາເມລິກາເຊີ່ງເປັນໜື່ງໃນສະມາຊິກຖາວອນຂອງຄະນະມົນຕີຄວາມໜັ້ນຄົງຂອງສະຫະປະຊາຊາດ (ຢູເອັນເອສຊີ) ຄັດຄ້ານການອອກຖະແຫຼງການປະນາມຂອງທີ່ປະຊຸມທຸກຄັ້ງ

ທີ່ມາ Raosukunfung