ຂໍໃຫ້ 4 ນິຕິກຳໃໝ່ອ່ຽມຂອງພັກຈົ່ງມີຜົນສັກສິດ

0
44

ດັ່ງທີ່ພວກເຮົາຮູ້ນຳກັນແລ້ວວ່າ, ໃນວັນທີ 23 ມັງ ກອນຜ່ານມານັ້ນ, ກົມການ ເມືອງສູນກາງພັກໄດ້ ເປີດວາ ລະດຳເນີນກອງປະຊຸມເຜີຍ ແຜ່ ແລະ ເຊື່ອມຊຶມ 4 ນິຕິ ກຳກ່ຽວກັບວຽກງານກໍ່ສ້າງ ພັກ-ພະນັກງານເປັນຕົ້ນຄື: ມະຕິວ່າດ້ວຍວຽກງານສ້າງ ແຜນກຳນົດພະນັກງານນຳ ພາຄຸ້ມຄອງ, ມະຕິວ່າດ້ວຍ ມາດຕະຖານຂອງພະນັກ ງານນຳພາ-ຄຸ້ມຄອງ, ມະຕິ ວ່າດ້ວຍວຽກງານຄຸ້ມຄອງ ພະນັກງານ ແລະ ຄຳສັ່ງວ່າ ດ້ວຍການເພີ່ມທະວີການກໍ່ ສ້າງໜ່ວຍພັກປອດໃສ, ເຂັ້ມ ແຂງ, ໜັກແໜ້ນສາເຫດທີ່ ເຮັດໃຫ້ມີ 4 ນິຕິກຳນີ້ອອກມາ ກໍຍ້ອນວ່າ ໃນສິບປີກວ່າຜ່ານ ມາມັນມີຫລາຍອັນຫລາຍ ຢ່າງທີ່ພົວພັນເຖິງແນວຄິດ ແລະ ການກະທຳໃນຖັນແຖວ ສະມາຊິກພັກ-ພະນັກງານ ຂອງພວກເຮົາຈຳນວນບໍ່ ໜ້ອຍ, ເຊິ່ງສະພາບພົ້ນເດັ່ນ ທີ່ສຸດກໍແມ່ນບັນຫາການ ສໍ້ລາດບັງຫລວງ, ການຕັດ ໄມ້ທຳລາຍປ່າ ແລະ ຄ້າ ຂາຍເຖື່ອນ, ບັນຫາຢາເສບ ຕິດ, ການປຸ້ນຈີ້ຊິງຊັບ ແລະ ບັນດາປະກົດການຫຍໍ້ທໍ້ອື່ນໆ ໃນສັງຄົມ ແລະ ສິ່ງນີ້, ມາ ຮອດປັດຈຸບັນບາງຢ່າງ ພວກ ເຮົາກໍຍັງບໍ່ທັນສາມາດກຳ ຈັດປັດເປົ່າໃຫ້ໝົດສ້ຽງຢ່າງ ຊິ້ນເຊີງເທື່ອ.

ເມື່ອຕັ້ງໂຈດກັນວ່າ ຕົ້ນ ເຫດຂອງບັນຫາມັນເກີດມາຈາກໃສ? ມັນກໍເກີດມາ ຈາກ ສະມາຊິກ ພັກພະນັກງານແຕ່ ຂັ້ນລຸ່ມຈົນຮອດຂັ້ນເທິງບໍ່ພາກັນເປັນແບບຢ່າງທີ່ດີເທົ່າທີ່ຄວນ, ຊ້ຳບໍ່ໜຳ ຍັງເປັນຜູ້ນຳ ພາເຮັດນຳພາໄປໂດຍບໍ່ຄຳ ນຶງເຖິງກົດລະບຽບຂອງພັກ, ກົດໝາຍຂອງລັດ, ອ້າງວ່າ ເຮົາເປັນນາຍ, ເປັນສະມາ ຊິກພັກ, ເປັນຫົວໜ້າຢາກ ເຮັດຫຍັງກໍໄດ້, ຢາກເອົາ ຫຍັງກໍງ່າຍເບິ່ງຢ່າງໜຶ່ງຄືບໍ່ມີຕົວກຳນົດກົດເກນ, ມີເມືອງ ພຽງແຕ່ຍັງບໍ່ມີເມືອງພໍ, ພະ ນັກງານຂັ້ນລຸ່ມໄດ້ໜ້ອຍ, ຜູ້ ຢູ່ເທິງກໍຍິ່ງໄດ້ຫລາຍ, ແຕ່ກົງ ກັນຂ້າມຜົນປະໂຫຍດເບື້ອງ ລັດພັດບໍ່ໄດ້ສົມນ້ຳສົມຕ່ອນ ສຸດທ້າຍສັບໃນດິນສິນໃນນ້ຳ ມັນກໍໝົດໄປເທື່ອລະເລັກລະ ໜ້ອຍ, ໄມ້ດີໆລາຄາແພງຢູ່ ໃນປ່າກໍໝົດ, ລາຍຮັບເກັບ ເຂົ້າງົບປະມານກໍຂາດໆເຂີນໆ ຈົນບໍ່ມີເງິນຈະມາເບີກຈ່າຍ ໃຫ້ພະນັກງານຜູ້ເຂົາເຮັດ ວຽກດ້ວຍຄວາມຈົ່ງຮັກພັກດີ ແລະ ມີຄວາມສັດຊື່, ຂະບວນ ການຢາເສບຕິດນັບມື້ແຜ່ ລາມກວ້າງຂວາງກາຍເປັນ ໄພໃຫ້ບ້ານເມືອງ ແລະ ແຜ່ ລາມໄປທົ່ວ ສາເຫດຍ້ອນສະ ມາຊິກພັກ-ພະນັກງານໃຜມື ຍາວສາວໄດ້ສາວເອົາ, ແຕ່ ພັດກົງກັນຂ້າມຖ້າພວກເຮົາ ເບິ່ງໃນດ້ານແນວທາງຍຸດທະ ສາດ, ແຜນພັດທະນາເສດ ຖະກິດ-ສັງຄົມຂອງພັກ ແລະ ລັດຖະບານມັນປຽບເໝືອນ ປັດຊະຍາທີ່ມີຄຸນຄ່າແຕ່ແນວຄິດ ແລະ ການກະທຳຂອງຜູ້ ນຳພາເຮັດພາໄປນັ້ນມັນເຂີນ ກັບແນວທາງ.

ເພາະສະນັ້ນ, ຈິ່ງເຫັນໄດ້ ວ່າມາຮອດໄລຍະປັດຈຸບັນ ສູນກາງພັກກໍຄືລັດຖະບານ ໃນຊຸດປັດຈຸບັນຈິ່ງມີຄວາມ ຈຳເປັນຕ້ອງໄດ້ປັບປຸງ ຄະນະ ພັກ ແລະ ສະມາຊິກພັກ ແຕ່ລະ ຂັ້ນໃຫ້ ມີຄວາມປອດໃສ, ເຂັ້ມ ແຂງ ແລະ ໜັກແໜ້ນ ເມື່ອ ຫວນຄືນເບິ່ງພາລະກຳປະ ຫວັດສາດຂອງພັກເຮົາທີ່ມີ ຕໍ່ຊາດ ແລະ ປະຊາຊົນນັ້ນ ແມ່ນໄດ້ມາຈາກການຕໍ່ສູ້ທີ່ ເສຍສະຫລະດ້ວຍຊີວິດ ເລືອດ ເນື້ອຈຶ່ງສາມາດປົດປ່ອຍໄດ້ ໃນທົ່ວປະເທດ 40 ກວ່າປີທີ່ ພັກ ແລະ ລັດຖະບານໄດ້ນຳ ພາປົກປັກຮັກສາ ແລະ ສ້າງ ສາປະເທດຊາດ, ໄດ້ເຮັດໃຫ້ ບ້ານເມືອງເຮົາເດີນໜ້າກ້າວໄປຢ່າງບໍ່ຢຸດຢັ້ງ, ຄຸນງາມ ຄວາມດີ ແລະ ມູນເຊື້ອຂອງ ພັກທີ່ຜູ້ນຳຮຸ້ນກ່ອນໄດ້ສ້າງ ເອົາໄວ້ນັ້ນພວກເຮົາຕ້ອງເດັດ ດ່ຽວປົກປັກຮັກສາບໍ່ໃຫ້ບົດ ບາດຂອງພັກຫັນເຫໄປຍ້ອນ ສະມາຊິກພັກຊອດກະຈາ, ຂໍ ໃຫ້ 4 ນິຕິກຳຂອງພັກທີ່ໄດ້ ເຜີຍແຜ່ໄປແລ້ວນັ້ນຈົ່ງມີຜົນຕອບຮັບດ້ວຍຄຸນນະພາບ ແລະ ຜົນງານອັນໃໝ່ຍິ່ງໃຫຍ່ ກວ່າເກົ່າ./.

ຂໍຂອບໃຈ Support Prime Minister Thongloun Sisoulith