ສະຫວັນນະເຂດ ຍົກລະດັບການຈໍລະຈອນ ເອກະສານທາງ ມືຖື ແລະ ຄອມພິວເຕີ

0
56

ຫ້ອງວ່າການປົກຄອງແຂວງ ສະຫວັນນະເຂດ ຮ່ວມກັບພະແນກໄປສະນີ ໂທລະຄົມມະນາຄົມ ແລະ ການສື່ສານ(ປທສ) ແຂວງ ຈັດຊຸດອົບຮົມການຈໍລະຈອນ ເອກະສານທາງມືຖື ແລະ ຄອມພິວເຕີ ​ໃນ ​ວັນ​ທີ 3-4 ພຶດສະພາ 2018 ໂດຍການເປັນປະທານ ຂອງທ່ານ ພູຂົງ ນາມມະຈັກ ຫົວໜ້າຫ້ອງວ່າການ ປົກຄອງແຂວງ ແລະ ທ່ານ ບຸນດາໄລ ເຄນນະວົງ ຫົວໜ້າ ພະແນກ ປທສ ແຂວງ, ມີບັນດາ ພະແນກການ, ຂະແໜງການປິ່ນອ້ອມ ຫ້ອງວ່າການ ແລະ ພະນັກງານວິຊາການກ່ຽວຂ້ອງ ເຂົ້າຮ່ວມ. ທັງ​ນີ້ ກໍ​ເພື່ອແນໃສ່ເຮັດໃຫ້ການ ການຕິດຕໍ່ສື່ສານ ແລະ ການປະງານເຊິ່ງກັນ ແລະ ກັນ ພະແນກການ, ຂະແໜງການຕ່າງໆ ພາຍໃນແຂວງ ມີຄວາມທັນສະໄໝ ແລະ ສະດວກວ່ອງໄວຍິ່ງຂຶ້ນກວ່າເກົ່າ.

ຊຸດ​ອົບຮົມ​ຄັ້ງ​ນີ້, ຜູ້​ເຂົ້າ​ຮ່ວມ ໄດ້ຮຽນຮູ້ຫລາຍບົດຮຽນຕ່າງໆ ທີ່ໜ້າສົນໃຈ ເພື່ອນຳໄປປັບໃຊ້ ເຂົ້າໃນຂົງເຂດວຽກງານ ວິຊາສະເພາະຂອງຕົນ ເປັນຕົ້ນ ​ແມ່ນ​ການຕິດຕັ້ງ Google chrome ເພື່ອຫລິ້ນອິນ ເຕີເນັດ, ນຳໃຊ້ໂປຣແກຣມ What App ​ເຊິ່ງເປັນໂປຣແກຣມສົ່ງຂໍ້ມູນ ຫາກັນທາງມືຖື ຫລືຄອມພິວເຕີ, ຕິດຕັ້ງ Foxit reader ເພື່ອສ້າງ file PDF ເພື່ອສົ່ງຜ່ານ ທາງອິນເຕີເນັດ, ນຳໃຊ້ໂປຣແກຣມ Adobe reader ໂປຣມແກຣມເຊັນ ເອກະສານຜ່ານມືຖື, ນຳໃຊ້ໂປຣແກຣມ Scanned by Camscaner ​ເຊິ່ງເປັນໂປຣແກຣມ ແປງຮູບພາບເອກະສານເປັນ FAX ແບບເອເລັກໂຕຣນິກ, ການສ້າງ G-mail ເພື່ອສົ່ງຂໍ້ມູນທາງ Email, ການນຳໃຊ້ Google Drive ເພື່ອຝາກຂໍ້ມູນໄວ້ທີ Server ຂອງ Google, ນຳໃຊ້ ໂປຣແກຣມ Google Doc ແປງຮູບ ໃຫ້ເປັນໂຕໜັງສື, ນຳໃຊ້ໂປຣແກຣມ Google Doc ແປງ PDF ໃຫ້ເປັນໂຕໜັງສື, ໃຊ້ Google Doc ໃນການເວົ້າໃສ່ໄມ ແລ້ວໃຫ້ຄອມພິວເຕີ ພິມເອກະສານໃຫ້, ຕັ້ງຄ່າໃຫ້ Word  ເປັນຟອນເພັດຊະລາດ OT ອັດຕະໂນມັດ, ແປງຟອນໄຊເສດຖາລາວ ມາເປັນຟອນເພັດຊະລາດ OT ຜ່ານເວບໄຊ, ຈາກນັ້ນ ກໍໄດ້ມີການ ຖອດຖອນບົດຮຽນ ແລະ ປະເມີນຜົນ ທີ່ໄດ້ຮັບຈາກ ຊຸດ​ອົບຮົມ ໃນຄັ້ງນີ້ ອີກດ້ວຍ.