ຫລາຍໂຮງຮຽນຢູ່ເມືອງບົວລະພາ ໄດ້ຮັບເຄື່ອງຊ່ວຍເຫລືອ

0
23

ຂປລ. ເມື່ອບໍ່ດົນມານີ້, ທ່ານ ອຳພອນ ບຸນຍະລາດ ຫົວໜ້າບໍລິສັດ ສາຍພູຫລວງ ພ້ອມດ້ວຍທີມງານ ທີ່ເດີນທາງມາຈາກ ຈັງຫວັດ ນະຄອນພະນົມ (ປະເທດໄທ) ໄດ້ນຳເອົາອຸປະກອນການກິລາ ແລະ ເຄື່ອງອຸປະໂພກ, ບໍລິໂພກ ມາມອບໃຫ້ ກັບໂຮງຮຽນ ບ້ານລາຍ, ໂຮງຮຽນບ້ານກາງ, ໂຮງຮຽນ ບ້ານທາງແບ່ງ ແລະ ໂຮງຮຽນ ບ້ານນ້ຳຈະຫລາ ເມືອງບົວລະພາ ແຂວງ ຄຳມ່ວນ.

ເຄື່ອງຊ່ວຍເຫລືອ ທີ່ນຳມາມອບໃນຄັ້ງນີ້ ປະກອບມີ ບານເຕະ, ບານສົ່ງ, ກະຕໍ້, ປຶ້ມຂຽນ, ປຶ້ມແບບຮຽນ, ເຂົ້າໝົມ, ນົມ ແລະ ອື່ນໆ ລວມມູນຄ່າທັງໝົດ 12.720.000 ກີບ, ທັງນີ້ ກໍເພື່ອເຮັດໃຫ້ ບັນດາຄູອາຈານ, ນ້ອງນ້ອຍນັກຮຽນ ແລະ ພໍ່ແມ່ ປະຊາຊົນ ທີ່ຢູ່ຫ່າງໄກສອກຫລີກ ໄດ້ມີອຸປະກອນກິລາ ແລະ ປຶ້ມແບບຮຽນ ທີ່ເໝາະສົມ ເພື່ອປະກອບເຂົ້າ ໃນການຮຽນ-ການສອນ ຢ່າງມີປະສິດທິ ຜົນ.

ເຂົ້າຮ່ວມໃນພິທີ ມອບຽຮັບເຄື່ອງຊ່ວຍເຫລືອ ໃນຄັ້ງນີ້, ມີ ທ່ານ ຄູນໄຊ ໄພປັນຍາ ຫົວໜ້າຫ້ອງ ວ່າການປົກຄອງເມືອງ, ທ່ານ ສຸບັນ ສຸວັນນະວົງ ຫົວໜ້າ ຫ້ອງການ ສຶກສາ-ກິລາເມືອງ ແລະ ທ່ານ ຄຳຮູ້ ວົງພະຈັນ ຫົວໜ້າ ຫ້ອງການກະສິກຳ-ປ່າໄມ້ເມືອງ, ມີນາຍບ້ານ, ອຳນາດການປົກຄອງບ້ານ, ພະນັກງານຄູ-ອາຈານ ນ້ອງນ້ອຍນັກຮຽນ ພ້ອມດ້ວຍ ພໍ່ແມ່ປະຊາຊົນ ເຂົ້າຮ່ວມ

ທີ່ມາ ສຳນັກຂ່າວສານປະເທດລາວ