ວຽງຈັນເຊັນເຕີ້ຈະຈັດງານສະຫລອງຄົບຮອບ 3 ປີ ຄັ້ງໃຫຍ່ໃນວັນທີ່ 28 ແລະ 31 ມີນານີ້ ພ້ອມເຊີນຊວນພໍ່ແມ່ພີ່ນ້ອງມາຮ່ວມບໍລິຈາກເລືອດ ແລະ ລຸ້ນໂຊກຮັບລາງວັນ

0
43
loading...

ໃນວັນທີ 15/03/2018 ວຽງຈັນເຊັນເຕີໄດ້ມີການຖະແຫລ່ງຂ່າວຕໍ່ສື່ມວນຊົນ ຈະຈັດງານສະຫລອງຄົບຮອບ 3 ປີ ຄັ້ງໃຫຍ່ໃນວັນທີ່ 28 ແລະ 31 ມີນານີ້ເຊິ່ງໄດ້ຮັບກຽດຂຶ້ນກ່າວໂດຍ:

– ທ່ານສົມບັດ ສີລິພອນວິທະຍາ ຜູ້ອຳນວຍການໃຫຍ່ວຽງຈັນເຊັນເຕີ
– ທ່ານ Miao Zhouwu ຕົວແທນບໍລິສັດ ພັດທະນາສູນເສດຖະກິດການຄ້າຄົບ-
ວົງຈອນຫນອງຈັນ ຕອນເຫນືອຈຳກັດ
– ທ່ານ ນາງ ນວນສີ ມະຫັດທະນະວິໂລດ ຮອງຜູ້ອຳນວຍການວຽງຈັນເຊັນເຕີ
– ທ່ານ ສາຍັນ ຊັບກຸນ ຮອງຜູ້ອຳນວຍການ ວຽງຈັນເຊັນເຕີ
– ທ່ານ Xubo ຮອງຜູ້ອຳນວຍການ ວຽງຈັນເຊັນເຕີ

ໂດຍໃນວັນທີ່ 28 ນີ້ຈະເປັນການທຳບຸນຕັກບາດເພື່ອເປັນສິລິມົງຄຸນໃນມື້ຄົບຮອບສຳລັບປີທີ່ 3  ຂອງສູນການຄ້າວຽງຈັນເຊັນເຕີ ຕັ້ງແຕ່ເວລາ 8 ໂມງເຊົ້າເປັນຕົ້ນໄປ.

ໃນເວລາ 10:30 ສູນການຄ້າວຽງຈັນເຊັນເຕີຍັງມີໂຄງການ “ໃຈອາສາບໍລິຈາກເລືອດເທົ່າກັບໃຫ້” ໂດຍການຮ່ວມມືກັບອັງການກາແດງລາວ ເປັນໂຄງການຊ່ວຍເຫລືອສັງຄົມ ພໍ່ແມ່ປະຊາຊົນທີ່ຕ້ອງການຊ່ວຍເຫລືອສັງຄົມສາມາດມາບໍລິຈາກເລືອກໄດ້ທີ່ສູນການຄ້າວຽງຈັນເຊັນເຕີພາຍໃນວັນທີ່ 28 ມີນາ 2018 ນີ້ ແລະ ສຳລັບຜູ້ທີ່ມາບໍລິຈາກເລືອດທາງສູນການຄ້າຍັງມີເສື້ອສະຫລອງຄົບຮອບ 3 ປີແຈກໃຫ້ຟຣີເລີຍ

ນອກຈາກນີ້ພາຍໃນມື້ງານ ຈະມີກິດຈະກຳຕະຫລອດທັງວັນ ເຊັ່ນ ການສະແດງຟ້ອນລຳລາວ ການສະແດງດົນຕີພື້ນເມືອງ ການສະແດງດົນຕີສົດ ການສາທິດການຊ່ວຍເຫລືອຜູ້ປ່ວຍຈາກ 1623 ພ້ອມຫລິ້ນເກມແຈກຂອງຂວັນ

ອີກຫນື່ງງານທີ່ພາດບໍ່ໄດ້ ຄື ມື້ວັນເສົາທີ່ 31 ມີນາ 2018 ນີ້ຈະເປັນການສະເຫລີມສະຫລອງຄົບຮອບ 3 ປີ ສູນການຄ້າວຽງຈັນເຊັນເຕີ ເຊິ່ງຈະມີກິດຈະກຳຄັ້ງໃຫຍ່ຕະຫລອດທັງເດືອນ ໂດຍມີໂປຣໂມຊັ້ນຫລຸດສູງສຸດ 70% ມີກິດຈະກຳຊິງໂຊກລຸ້ນຮັບລາງວັນໃຫຍ່ປະຈຳປີ ກິດຈະກຳເບິ່ງຫນັງຟຣີ (100 ຄຳທຳອິດ) ຫລິ້ນໂບລິ້ງຟຣີ (ຟຣີ 1 ເກມ) ແລະພິເສດສຸດໆ ຕັ້ງແຕ່ 10 ໂມງເປັນຕົ້ນໄປພາຍໃນງານຈະມີຫລາຍກິດຈະກຳໃຫ້ຮ່ວມ ເຊັ່ນ ການຫລິ້ນເກມແຈກລາງວັນ ການສະແດງດົນຕີສົດ ການສະແດງໂຊວ໌ປີເອໂນ ແລະ ໄວໂອລິນ ການສະແດງສິນ ການສະແດງລະນາກ ການສະແດງກິລາເທັກຄວັນໂດ້ ແລະ ພິທີຕັດເຄກຄົບຮອບ 3 ປີ ເຊິ່ງຈະໄດ້ຊົມການເດີ່ນແບບ ແລະ ພົບກັບດາລາດັງເມືອງລາວເຊັ່ນ ໄກ່ ໂອເວີ້ແດ້ນຊ໌ ໂອລ້າ ແບັກອາຍ ທີ່ຈະມາສ້າງສີສັນ ພິເສດໄປກ່ວານັ້ນພົບກັບ ດາລາດັງຈາກປະເທດໄທ ນາວ ທິສານາດ ແລະ ຕຸ໊ກ ເດືອນເພັນ ຈາກລະຄອນລະອອງດາວ

 

loading...