ໄຊຍະບູລີ ປາຖະກະຖາ ວັນສ້າງຕັ້ງພັກປະຊາຊົນປະຕິ ວັດລາວ ຄົບຮອບ 63 ປີ

0
66

ແຂວງ ໄຊຍະບູລີ ຈັດປາຖະກະຖາ ວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 63ປີ (22/3/1955-22/3/2018) ໃນ ວັນທີ 13 ມີນາ 2018 ໂດຍມີ ທ່ານ ດວງຕາ ໄຊວຸດ ປະທານກວດກາພັກ, ຫົວໜ້າພະແນກກວດກາ ລັດແຂວງໄຊຍະບູລີ, ມີບັນດາຫົວໜ້າ, ຮອງຫົວໜ້າພະແນກການອ້ອມຂ້າງ ແຂວງ, ຫົວໜ້າ, ຮອງຫົວໜ້າຂະແໜງການຕ່າງໆ ຕະຫລອດຮອດສະມາຊິກພັກ, ພະນັກງານ ພາຍໃນກຸ່ມການເມືອງ, ວັດທະນະທຳ-ສັງຄົມ ເຂົ້າຮ່ວມ.

ໂອກາດນີ້, ທ່ານ ດວງຕາ ໄຊວຸດ ໄດ້ຍົກໃຫ້ເຫັນ 63 ປີ ແຫ່ງການກຳເນີດ ແລະ ເຕີບໃຫ່ຍຂະຫຍາຍຕົວ ຂອງພັກປະຊາຊົນປະຕິວັດລາວ, ເຊິ່ງໄດ້ຮັບການສ້າງຕັ້ງຂຶ້ນ ໃນວັນທີ 22 ມີນາ 1955 ຜົນ ສຳເລັດ ແຫ່ງການຊິ້ນຳ-ນຳພາຂອງ ພັກປະຊາຊົນ ປະຕິວັດລາວ, ທີ່ໄດ້ນຳພາ ປະເທດຊາດໄດ້ມີການຫັນ ປ່ຽນຢ່າງໃຫ່ຍຫລວງ, ເຊິ່ງບໍ່ເຄີຍມີມາກ່ອນ ໃນປະຫວັດສາດຂອງຊາດເຮົາ, ໂດຍເສີມຂະຫຍາຍ ມູນເຊື້ອຮັກຊາດ, ນ້ຳໃຈຕໍ່ສູ້ພິລະອາດຫານ ບໍ່ຍອມຈຳນົນຂອງປະຊາຊົນບັນດາເຜົ່າ ທຸກຊັ້ນຄົນ, ໃນການຕໍ່ສູ້ກູ້ຊາດ ຕ້ານການຮຸກຮານຂອງ ພວກລ່າເມືອງແບບເກົ່າ ແລະ ແບບໃໝ່ ໃນ 3 ໄລຍະຄື: ໄລຍະຕໍ່ສູ້ປົດປ່ອຍຊາດ, ໄລຍະປົກປັກຮັກສາ ແລະ ສ້າງສາ ປະເທດຊາດ, ໄລຍະຈັດຕັ້ງປະຕິບັດແນວທາງ ປ່ຽນແປງໃໝ່ ປະເທດຊາດໄດ້ມີການ ພັດທະນາຢ່າງຕັ້ງໜ້າ ແລະ ອື່ນໆ.

ທີ່ມາ ສຳນັກຂ່າວສານປະເທດລາວ