ທຣຳ ຕ້ອນຮັບຄຳເຊີນ ກຽມພົບຜູ້ນຳເກົາຫລີເຫນືອເດືອນພຶດສະພານີ້

0
70

9 ມີນາ 2018 – ປະທານາທິບໍດິ ທຣຳ ຜູ້ນຳສະຫະລັດອາເມລິກາ ໄດ້ຕ້ອນຮັບຄຳເຊີນທີ່ຈະໄປພົບ ທ່ານ ຄິມ ຈອງອຶນ ຜູ້ນຳເກົາຫລີເຫນືອຫລັງຈາກເກົາຫລີໃຕ້ເປັນຕົວແທນໃນການສົ່ງຄຳເຊີນໃນຄັ້ງນີ້

ໂດຍການນັດພົບຄັ້ງນີ້ຈະມີຂຶ້ນໃນເດືອນພຶດສະພານີ້ ເພື່ອເຈລະຈາໃນການປົດອາວຸດນິວເຄຍຢ່າງຖາວອນ ເຊິ່ງທາງດ້ານຜູ້ນຳເກົາຫລີເຫນືອຕ້ອງການຫາລືກັບທ່ານທຣຳໃຫ້ໄວທີ່ສຸດ

ຄວາມສຳພັນລະຫວ່າງສອງຊາດເກົາຫລີເລີ່ມດີຂຶ້ນຫລັງຈາກມີຄວາມຮ່ວມມືລະຫວ່າງກັນໃນຊ່ວງມະຫາກຳກິລາໂອລິມປິກລະດູຫນາວ “ພີຍອງຊາງເກມ” ໂດຍການໂອ້ລົມເຈລະຈາລະຫວ່າງຄະນະຕົວແທນເກົາຫລີໃຕ້ກັບທ່ານ ຄຶມ ຈອງອຶນ ກ່ອນຫນ້ານີ້. ທັງສອງຊາດເກົາຫລີຍັງໄດ້ເຫັນດີທີ່ຈະຈັດການຫາລືສຸດຍອດຜູ້ນຳເກົາຫລີເຫນືອແລະເກົາຫລີໃຕ້ໃນເດືອນຫນ້າພາຍໃນເຂດຂອງເກົາຫລີໃຕ້ ເຊິ່ງຖ້າຫາກການເຈລະຈາດັ່ງກ່າວເກີດຂຶ້ນຈິງ ທ່ານຄິມ ຈອງອຶນ ຈະເປັນຜູ້ນຳເກົາຫລີເຫນືອຄົນທຳອິດທີ່ຈະເດີນທາງເຂົ້າໄປຢຽບຜືນແຜ່ນດິນເກົາຫລີໃຕ້

ທີ່ມາ theguardian.com