ຫ້ອງວ່າການແຂວງຊຽງຂວາງ ສະຫລຸບວຽກງານປະຈຳປີ 2017

0
30

ຫ້ອງວ່າການ ແຂວງຊຽງຂວາງ ໄດ້ສະຫລຸບຕີລາຄາຄືນ ວຽກງານຈັດຕັ້ງປະຕິບັດ ໃນປີ ຜ່ານມາ ແລະ ວາງແຜນການທິດທາງ ໃນປີ 2018 ໃນວັນທີ 6 ມີນາ 2018 ພາຍໃຕ້ການເປັນປະທານຂອງທ່ານ ຄຳແສນ ມະນີວົງ ຮອງເຈົ້າແຂວງ ຜູ້ຊີ້ນຳວຽກງານ ຫ້ອງວ່າການ, ມີພະນັກງານ ຫ້ອງວ່າການ ແລະ ພະແນກການເມືອງ, ກົມກອງ ຫ້ອງການ ອ້ອມຂ້າງເຂົ້າຮ່ວມ.

ກອງປະຊຸມ ໄດ້ຮັບຟັງການສະຫລຸບ ການຈັດຕັ້ງປະຕິບັດ ວຽກງານຫ້ອງວ່າການ ປີ 2017 ແລະ ທິດທາງແຜນການ ປີ 2018, ຜ່ານເອກະສານຄຳແນະນຳ ຂອງກະຊວງພາຍໃນ ກ່ຽວກັບການຈັດຕັ້ງ ແລະ ການເຄື່ອນໄຫວ ຂອງ ຫ້ອງວ່າການ ຂັ້ນແຂວງ ແລະ ເມືອງ, ເຜີຍແຜ່ ເອກະສານຍົກສູງ ຄຸນນະພາບວຽກງານເສນາທິການ ຮັບໃຊ້ການນຳ ແລະ ຍົກສູງຄຸນນະພາບ ວຽກງານກໍ່ສ້າງ ຮາກຖານການ ເມືອງ ໃນໄລຍະໃໝ່, ເອກະສານຍົກສູງຄຸນນະພາບ ການເປັນເສນາທິການ ແລະ ການປະສານງານທີ່ດີ ຂອງຄະນະເລຂາທິການສະພາ ປະຊາຊົນແຂວງ ແລະ ສະເໜີໂຄງປະກອບການຈັດຕັ້ງ ຂອງສະພາປະຊາຊົນແຂວງ.

ໂອກາດນີ້, ທ່ານຮອງ ເຈົ້າແຂວງ ກໍໄດ້ເນັ້ນໜັກ ໃຫ້ເອົາໃຈໃສ່ການຈໍລະຈອນ ເອກະສານ ຕິດຕາມກວດກາ, ປະຕິບັດ ຕາມກົດໝາຍ, ຕ້ານພະຍາດ ອາດຍາສິດ, ສໍ້ລາດ ບັງຫລວງ, ຕ້ານການ ສວຍໃຊ້ໜ້າທີ່ຕຳແໜ່ງ, ກຳແໜ້ນຫລັກການ ກໍ່ສ້າງພັກມະຕິຕ່າງໆ, ຕ້ອງຈັດກອງປະຊຸມຫ້ອງວ່າການ ກັບຄະນະປະຈຳພັກ ແຂວງ, ກອງປະຊຸມເຈົ້າແຂວງ ກັບເຈົ້າເມືອງ, ກອງປະຊຸມ ຜູ້ຊີ້ນຳແຕ່ລະຂົງເຂດ, ເອົາໃຈໃສ່ການກະກຽມບົດ ຄຳເຫັນຕ່າງໆ ຖອດຖອນບົດຮຽນ ກັບບັນດາແຂວງອື່ນໆ ຂອດການປະສານງານສາຍຕັ້ງ ສາຍຂວາງ ສ້າງຄວາມເຂັ້ມແຂງ ໃຫ້ບັນດາເມືອງ.

ທີ່ມາ ສຳນັກຂ່າວສານປະເທດລາວ