ເມືອງຈຳພອນ ຈັດບຸນພະເຫວດ-ບຸນບັ້ງໄຟ ຕ້ອນຮັບປີ ທ່ອງທ່ຽວລາວ

0
56

ເມືອງຈຳພອນ ແຂວງ ສະຫວັນນະເຂດ ຈັດງານບຸນ ພະເຫວດ-ບຸນບັ້ງໄຟ ເມື່ອບໍ່ດົນຜ່ານມາ ຢູ່ທີ່ ວັດບ້ານແກ້ງກອກດົງ, ໂດຍມີ ທ່ານ ສັນຕິພາບ ພົມວິຫານ ເຈົ້າ ແຂວງສະຫວັນນະເຂດ, ທ່ານ ຄຳພູນ ຕຸໄພທູນ ຮອງເຈົ້າແຂວງ, ມີບັນດາທ່ານເຈົ້າເມືອງ, ຫົວໜ້າ ພະແນກການຕ່າງໆອ້ອມຂ້າງ ແຂວງເຂົ້າຮ່ວມ. ທັງນີ້ ກໍເພື່ອແນໃສ່ສົ່ງເສີມ ຮີດຄອງປະເພນີ ແລະ ຂະນົບທຳນຽມ ອັນດີງາມຂອງຊາດ ພ້ອມທັງເປັນການເປີດກວ້າງ ການທ່ອງທ່ຽວດ້ານວັດທະນະທຳ ຕິດພັນກັບການສະເຫລີມ ສະຫລອງ ປີທ່ອງທ່ຽວລາວ 2018 ຂອງ ແຂວງສະຫວັນນະເຂດ ກໍຄື ເມືອງຈຳພອນ ໃຫ້ນັບມື້ຂະຫຍາຍຕົວ ຢ່າງກວ້າງຂວາງ.

ທ່ານ ສຸດທິ ຜີວສຸລິຍະມາດ ເຈົ້າເມືອງຈຳພອນ ໄດ້ໃຫ້ຮູ້ວ່າ: ການຈັດງານບຸນ ພະເຫວດ ແລະ ບຸນບັ້ງໄຟທີ່ ເມືອງຈຳພອນປີນີ້ ເປັນງານບຸນປາງໃຫຍ່ ເຊິ່ງແມ່ນກິດຈະກໍາໜຶ່ງ ທີ່ນອນຢູ່ໃນ 7 ກິດຈະກໍາ ປີທ່ອງທ່ຽວລາວ 2018 ຂອງ ແຂວງສະຫວັນນະເຂດ ພາຍໃນງານ ຍັງໄດ້ຮັບຊົມການສະແດງ ຄະນະກອງຕຸ້ມກອງຫາງ ຂອງປະຊາຊົນ ບ້ານແກ້ງກອກດົງ ແລະ ຄະນະກອງຕຸ້ມກອງຫາງ ຂອງປະຊາຊົນ ເມືອງຈຳພອນ ທີ່ມາຈາກ ນະຄອນຫລວງວຽງຈັນ, ຊົມການສະແດງສິລະປະວັນນະຄະດີ, ປະກວດນັກຮ້ອງສຽງດີ, ໝໍລຳສຽງໃສ, ເປົ່າສະໄນ, ເປົ່າແຄນ ແລະ ແຂ່ງຂັນ ກິລາພື້ນບ້ານ (ຊ່ວງເຮືອໂຄກ ແລະ ຕີກ໊ອຟ ໝາກແຕງ) ຂອງນ້ອງ ນັກຮຽນທີ່ມາຈາກໂຮງຮຽນແຫ່ງຕ່າງໆ, ຮັບຊົມການວາງສະແດງ-ຈໍາໜ່າຍສິນຄ້າໂອດ ໊ອບ ເຊິ່ງເປັນຜະລິດຕະພັນ ຊາວບ ້ານ ຈາກກຸ່ມບ້ານຕ່າງໆ ທີ່ຂຶ້ນກັບເມືອງຈຳພອນ ຕື່ມອີກ. ພິເສດ ຍັງໄດ້ຮ່ວມກັນແຫ່ພະເຫວດ ຫລື ອັງເຊີນ ພະເຫວດເຂົ້າເມືອງ ຕາມປະເພນີ ທີ່ເຄີຍປະຕິບັດກັນມາ ແຕ່ບູຮານນະການ.

ທີ່ມາ ສຳນັກຂ່າວສານປະເທດລາວ