ປະທານສະໂມສອນ ວຽງຈັນຢູ່ໄນເຕັດ ເສຍໃຈທີ່ທີມບໍ່ໄດ້ເຂົ້າຮ່ວມ ລາວພຣີເມຍລີກ ປີ2018​, ​ແຕ່ຈະຕັ້ງໃຈພັດທະນາ ວົງການບານເຕະລາວຕໍ່ໄປ

0
53

      ປະທານສະໂມສອນບານເຕະທີ່ງາມທີ່ສຸດໃນລາວ ພິຈິກາ ບຸນກວ້າງ(ໂບ) ໄດ້ອອກມາສະແດງຄວາມເສຍໃຈ ໃນເຟສບຸກສ່ວນຕົວໃນຕອນເຊົ້າມື້ນີ້ ວັນທີ 01/02/2018  ທີ່ທີມຕົນເອງບໍ່ສາມາດເຂົ້າຮ່ວມແຂ່ງຂັນ ລາວພຣີເມຍລີກ 2018 ໄດ້. ເຊິ່ງມີເນື້ອໃນພໍສະຫຼຸບໄດ້ດັ່ງນີ້: ຕອນນີ້ ມີການປະກາດ 8 ທີມທີ່ຈະເຂົ້າຮ່ວມແຂ່ງຂັນ ລາວພຣີ ເມຍລີກ ອອກມາເປັນທີ່ຮຽບຮ້ອຍແລ້ວແຕ່ບໍ່ມີ ວຽງຈັນ ຢູໄນເຕັດ ແລະ ສະໜາມທີ່ໃຊ້ເຂົ້າໃນການແຂ່ງຂັນກໍ່ບໍ່ມີ ເຈົ້າອານຸວົງ, ໂບເອງກໍ່ເສຍໃຈ ພະຍາຍາມເອົາທີມກັບເຂົ້າໄປຮ່ວມການແຂ່ງຂັນໃຫ້ໄດ້, ແຕ່ ເນື່ອງດ້ວຍການປະສານງານຕ່າງໆ ເອງເຮັດໃຫ້ຜົນສະຫຼຸບກາຍເປັນວ່າທີມ ໂບບໍ່ມີໃນລີກສູງສຸດ, ໂບຈຶ່ງຕັດສິນໃຈສົ່ງທີມ ເຂົ້າ D1 ແທນລະຫວ່າງນີ້ ຫາກມີຂ່າວສຳພາດ ໂບເວົ້າເຖິງການກຽມຄວາມພ້ອມໃນລີກສູງສຸດໄວ້ ຂໍໃຫ້ຊາຍໂດຍທົ່ວກັນວ່າ: ເກີດຈາກປັນຫາບາງປະການ, ເຮົາເລີຍສົ່ງບໍ່ໄດ້ໃນປີນີ້. ຕອນນີ້ ໂບກຳລັງຈະຈັດລີກ U18, ຫາກທີມໃນໄທສົນໃຈເຂົ້າຮ່ວມແຂ່ງຂັນ ກະລຸນາແຈ້ງຄວາມຈຳນົງມາໄດ້ ເຮົາມາຮ່ວມພັດທະນາວົງການບານລາວໄປພ້ອມໆ ກັນ ແລະຂໍຂອບໃຈທຸກຝ່າຍທີ່ເຂົ້າມາສະໜັບ ສະໜຸນ. ມີຄົນຖາມວ່າ ໂບເອົາເງິນມາຈາກໃສ? ໂບເຮັດຫຍັງບໍ່ເຄີຍເລີ່ມຈາກເງິນ, ໂບເລີ່ມຈາກຝັນ, ໂບຖ່າຍທອດຄວາມຝັນແກ່ຜູ້ຄົນຢ່າງຫຼວງຫຼາຍທີ່ຄິດເຊັ່ນການແລະພວກເຂົາກໍ່ຊ່ວຍເຮັດໃຫ້ຝັນເປັນຈິງ, ໂບເຮັດລົງໄປບໍ່ແມ່ນຍ້ອນຊື່ສຽງຂອງໂບແຕ່ໂບເຮັດເພາະມັນຄືໜ້າຕາຂອງປະເທດຂອງເຮົາ. ແນ່ນອນວ່າມັນຈະເກີດຂຶ້ນບໍ່ໄດ້ເລີຍ ຫາກຂາດຜູ້ສະໜັບສະໜູນ. ໂບຄົງເວົ້າບໍ່ໝົດ ແຕ່ຜູ້ສະໜັບສະໜູນໃຫຍ່ຂອງເຮົາຈະມີໃນເສື້ອແນ່ນອນແລະ ຜູ້ສະໜັບສະໜູນອື່ນໆ ຈະມີໃນປ້າຍສະໜາມ

      ພົບກັບ ວຽງຈັນຢູໄນເຕັດໃນ D1

      ຂອບໃຈ.

 

      ແລະນີ້ຄືບາງສ່ວນ ທີ່ປະທານສະໂມສອນຄົນງາມໄດ້ໂພສໃນລົງເຟສບຸກສ່ວນຕົວ, ສ່ວນວ່າອານາຄົດ ຂອງລາວເອງແລະ ທີມວຽງຈັນ ຢູໄນເຕັດ ຈະເປັນແນວໃດນັ້ນພວກເຮົາຄ່ອຍຕິດຕາມໄປພ້ອມໆກັນ

 

ໂດຍ: ເພລເມັກເກີ

ພາບຈາກ: https://www.facebook.com/iamphijika

ທີ່ມາ LaosportNews