ອັບເດດ ຜົນງານນັກເທັນນິສເຍົາວະຊົນລາວ ເຂົ້າຮ່ວມຊິງແຊ໋ມເຍົາວະຊົນນາໆຊາດ ທີ່ໂຮຈິມິນ ສສ ຫວຽດນາມ ໃນມື້ນີ້.

    0
    3

          ຜົນການແຂ່ງຂັນເທັນນິສ ຂອງເຍົາວະຊົນລາວ ເຂົ້າຮ່ວມຊິງແຊ໋ມເຍົາວະຊົນນາໆຊາດ ທີ່ໂຮຈິມິນ ສສ ຫວຽດນາມ ໃນມື້ນີ້ ວັນທີ 10/01/2018 ມີດັ່ງນີ້:ປະເພດຍິງດ່ຽວ ຮອບທີ 1: ມະໄລລັກ ປະທຸມມາກູໂຣເນນ ຈາກ ສປປ ລາວ ຊະນະ Que Lam Vo ຈາກຫວຽດນາມເຈົ້າພາບ 2-0 ເຊັດ: 6-0; 6-0 ເຂົິ້າຮອບທີ 2 ຫລື ຮອບ 16 ຄົນສຸດທ້າຍ ພົບກັບ M. Safi ມື 2 ຂອງລາຍການຈາກອີຣານ (Iran) ຈະແຂ່ງຂັນມື້ອື່ນເຊົ້າ.

         ປະເພດຊາຍດ່ຽວ ຮອບທີ 2: ລັດຕະນະສິນ ລັດຕະນະວົງ ຊະນະ Namiq Shahid ຈາກມານດີວ ຫລື ເມົາດິຟ (Maldives) 6-1; 6-1 (ໃນຮອບທີ 1 ລັດຕະນະສິນ ລັດຕະນະວົງ ໄດ້ Bye (ເພາະສິດເປັນມືວາງອັນດັບ 2 ຂອງລາຍການ) ສຳລັບຮອບທີ 3 ຫລື ຮອບ 16 ຄົນສຸດທ້າຍ ລັດຕະນະສິນ ລັດຕະນະວົງ ຈະພົບກັບ M. Ayombekov ຈາກທາຈີກິສຖານ (Tajikistan) ມືວາງວັນດັບ 7 ຂອງລາຍການ, ຈະແຂ່ງຂັນມື້ອື່ນເຊົ້າ.

        ຂະນະທີ່ ທ້າວ ເພັດນາສອນ ໄຊຍະເດດ ອີກຫນຶ່ງນັກກິລາຈາກລາວ ເສຍໃຫ້ Thinley Dorji ຈາກ ບູຖານ ແບບຫນ້າເສຍດາຍ 1-2 ເຊັດ: 4-1; 2-4 ແລະ 6-10. ຕົກຮອບທີ 1.

          ສ່ວນ ທ້າວ ພູລິພັດ ວັນນະລາດ (ລາວ) ເສຍໃຫ້ Vinhhien Troung ຈາກຫວຽດນາມເຈົ້າພາບ 0-2 ເຊັດ 0-6; 0-6. ຕົກຮອບທີ 1.

          ປະເພດຄູ່ຊາຍ ຮອບທີ 1: ພູລິພັດ ວັນນະລາດ (ລາວ) ຄູ່ກັບ Rootha Soum (ກຳປູເຈຍ) ເສຍໃຫ້ ຄູ່ຈາກບັງກະລາເດັສ 0-2 ເຊັດ 1-6; 1-6.

          ໃນມື້ອື່ນຈະແຂ່ງຂັນປະເພດຍິງດ່ຽວ, ຊາຍດ່ຽວ, ຄູ່ຊາຍ ແລະ ຄູ່ຍິງ, ຊຶ່ງຄູ່ຍິງ ມະໄລລັກ ປະທຸມມາກູໂຣເນນ ຈາກ ສປປ ລາວ ຈັບຄູ່ກັບ ນັກກິລາຈາກມົງໂກນ ຫລື ມົງໂກລີ (Mongolia).

    ສູ່ຕໍ່ໄປເດີນ້ອງໆ!!!

    ຂໍ້ມູນ ແລະ ພາບ: ສະຫະພັນເທັນນິສແຫ່ງຊາດລາວ

    ທີ່ມາ LaosportNews