ເມືອງສາລະວັນ ປະກາດ 4 ບ້ານເປັນບ້ານ ປກສ ດີ

0
6

​ເມື່ອ​ບໍ່​ດົນ​ມາ​ນີ້, ​ເມືອງ​ສາລະ​ວັນ ​ໄດ້​ປະກາດ ບ້ານບຶງໄຊ, ບ້ານຜັກແພວທົ່ງ, ບ້ານບູ່ຫີນ ແລະ ບ້ານນາພະເລີນ ເປັນຄອບຄົວ ແລະ ບ້ານ ປກສ ດີ ຮອບທີ 2 ທີ່ຜ່ານການຈັດຕັ້ງ ປະຕິບັດຕາມ ມາດຖານເງື່ອນໄຂ ທີ່ສູນກາງວາງອອກ ​ໂດຍ​ການ​ເປັນ​ປະທານ​ຂອງ ທ່ານ ພັທ ບຸນເສີມ ໄຊຍະຈັກ ຫົວໜ້າກອງບັນຊາການ ປກສ ເມືອງສາລະວັນ, ມີ ທ່ານ ບຸນມາກ ພອນທິບສະຫວັດ ຮອງເຈົ້າເມືອງສາລະວັນ, ມີເລຂາໜ່ວຍພັກຂັ້ນບ້ານ, ອໍານາດການປົກຄອງ, ກ້ອນກໍາລັງປກຊ-ປກສ, ຊາວໜຸ່ມ-ແມ່ຍິງ, ນັກຮຽນ ແລະປະຊາຊົນ 4 ບ້ານເຂົ້າຮ່ວມ.

ທ່ານ ຮອ ແສງໃຈ ສີສະໝຸດ ຫົວໜ້າປກສກຸ່ມ 8 ບ້ານບຶງໄຊ ​​ໄດ້​ໃຫ້​ຮູ້​ວ່າ: ພາຍຫລັງເປີດຂະບວນການສ້າງຄອບຄົວ ແລະ ບ້ານ ປກສ ຄະນະພັກ, ອໍານາດການປົກຄອງ ໄດ້ເອົາໃຈໃສ່ຊີ້ນໍານໍາພາຊຸກຍູ້ບັນ ດາອົງການຈັດຕັ້ງຕ່າງໆ ລົງໃກ້ຊິດຕິດແທດ ກັບປະຊາຊົນແຕ່ລະຄອບຄົວ ເຂົ້າຮ່ວມຂະບວນການສ້າງຄອບ ຄົວ ແລະ ບ້ານ ປກສ ດີຢ່າງເນື່ອງນິດລຽນຕິດ, ເປັນເຈົ້າການ ນໍາເອົາແນວທາງນະໂຍບາຍຂອງພັກ ລະບຽບກົດໝາຍຂອງລັດນໍາມາເຊື່ອມຊຶມ ເພື່ອໃຫ້ປະຊາຊົນ ເຂົ້າໃຈແຈ້ງໃນຍຸດທະສາດ ແລະ ແຜນພັດທະນາບ້ານ, ກຸ່ມບ້ານ ແລະ ເມືອງໃຫ້ມີຄວາມໝັ້ນຄົງ, ມັ່ງຂັງເຂັ້ມແຂງ ແລະ ເຫັນໄດ້ຄວາມໝາຍ ຄວາມສໍາຄັນຕໍ່ວຽກງານ ປກຊ-ປກສ. ກະຕຸກຊຸກຍູ້ອົງການຈັດຕັ້ງບ້ານ, ຊາວໜຸ່ມ, ແມ່ຍິງ, ປະຊາຊົນ ໃຫ້ມີສະຕິຕື່ນຕົວ ເຂົ້າຮ່ວມຂະບວນການສ້າງຄອບຄົວ ແລະ ບ້ານ ປກສ ດີ, ເອົາໃຈໃສ່ແກ້ໄຂປະກົດການຫຍໍ້ທໍ້ຕ່າງໆ ພາຍໃນ 4 ບ້ານໃຫ້ຫລຸດໜ້ອຍຖອຍລົງຢ່າງຂາດຂັ້ນ ພ້ອມກັນຈັດຕັ້ງປະຕິບັດລະບຽບບ້ານ ແລະ ພັນທະອື່ນໆ ໂດຍຕິດພັນກັບວຽກງານ ສຶກສາອົບຮົມການເມືອງແນວຄິດເປັນກົກ.

ຜ່ານການຈັດຕັ້ງປະຕິບັດຕາມມາດຖານເງື່ອນໄຂ ທີ່ສູນກາງວາງອອກ ເຫັນໄດ້ວ່າຄະນະຊີ້ນໍາການສ້າງຄອບຄົວ ແລະ ບ້ານ ປກສ ດີ ສາມາດເຄື່ອນໄຫວ ແລະ ຈັດຕັ້ງປະຕິບັດວຽກງານ ປກສ ຄວາມເປັນລະ ບຽບຮຽບຮ້ອຍ ພາຍໃນບ້ານໄດ້ 95 ສ່ວນຮ້ອຍຂຶ້ນໄປ.

ທີ່ມາ ສຳນັກຂ່າວສານປະເທດລາວ