ອັດຕະປື ຍົກລະດັບຜູ້ປະກອບການທ່ອງທ່ຽວ

0
12

​ແຂວງອັດຕະປື ເລັ່ງປັບປຸງຄຸນນະພາບການບໍລິການດ້ານການໃຫ້ສູງຂຶ້ນ ໂດຍຊຸກຍູ້ໃຫ້ຜູ້ ປະກອບການໂຮງແຮມ, ເຮືອນພັກ ແລະ ຮ້ານອາຫານຂະໜາດນ້ອຍ ພາຍໃນແຂວງ ເປັນເຈົ້າພາບທີ່ດີ ໃນການຕ້ອນຮັບ ແລະ ສ້າງຄວາມປະທັບໃຈ ໃຫ້ແກ່ນັກທ່ອງທ່ຽວ. ທັງ​ເປັນ​ການ​ກະກຽມຄວາມ ພ້ອມທີ່ຈະ ເປີດປີທ່ອງທ່ຽວລາວໃນປີ 2018. ສະ​ນັ້ນ, ໃນທ້າຍເດືອນພະຈິກ ຜ່ານມານີ້ ແຂວງ ອັດຕະປື ໄດ້ສຳເລັດການຝຶກອົບຮົມ ຍົກລະດັບດ້ານ ການປະຕິບັດສິດທີ່ດີ ໃຫ້ບັນດາຜູ້ປະກອບ ການ ລວມທັງ ພະນັກງານລັດຈາກພາກສ່ວນທີ່ກ່ຽວຂ້ອງຈຳນວນໜຶ່ງ.

ທ່ານ ກົງຈັກ ສີສະຫວດ ຮອງຫົວໜ້າພະແນກຖະແຫລງຂ່າວ-ວັດທະນະທຳ ແລະ ທ່ອງທ່ຽວ ​ແຂວງ​ອັດ​ຕະປື ກ່າວວ່າ: ຊຸດຝຶກອົບຮົມດັ່ງກ່າວ ບັນດາຜູ້ເຂົ້າຮ່ວມໄດ້ ຮຽນຮູ້ກ່ຽວກັບເອກະສານ ສຳຄັນ ເຊັ່ນ: ເອກະສານກ່ຽວກັບປຶ້ມຄູ່ມື ປະຕິບັດງານ ທີ່ດີສຳລັບໂຮງແຮມ, ເຮືອນພັກຂະໜາດນ້ອຍ, ການສົ່ງເສີມຜະລິດຕະພັນ, ການບໍລິການ ໃນຂະແໜງທ່ອງທ່ຽວ, ວິທີການເອົາໃຈໃສ່ລູກຄ້າ ແລະ ບົດຮຽນສຳຄັນອື່ນໆ. ເປັນການປັບປຸງຄຸນນະພາບ ຂອງວຽກງານການທ່ອງທ່ຽວ ພາຍໃນແຂວງ ອັດ ຕະປືໃຫ້ດີຂຶ້ນ, ເປັນການຍົກລະດັບ ໃຫ້ນັກສຳມະນາກອນເຫັນໄດ້ ເນື້ອໃນຈິດໃຈ ແລະ ເປັນເຈົ້າ ພາບຮ່ວມກັນ ເປັນຕົ້ນ ແມ່ນທັກສະການເອົາໃຈໃສ່ລູກຄ້າ, ການປະຕິບັດສິດທີ່ດີສຳລັບ ການບໍ ລິການສ່ວນໜ້າ ເຊັ່ນ ບໍລິການດ້ານອາຫານ-ເຄຸື່ອງດື່ມ, ການບໍລິການແມ່ເຮືອນ, ການເອົາໃຈໃສ່ ຫ້ອງ ນອນຂອງແຂກທີ່ມາພັກແຮມ ​ແລະ ການບໍ່ລິການອື່ນໆອີກ.

ໂດຍ: ຈັນສະໄໝ

ທີ່ມາ ສຳນັກຂ່າວສານປະເທດລາວ