ກະແສດີ “ເຂົ້າຫນຽວສຽງແຄນແດນຈຳປາ” ຊຸດປະຈຳຊາດລາວທີ່ອອກແບບດ້ວຍສີມືຄົນລາວ

0
8

ຫຼັງຈາກປ່ອຍຮູບຊຸດປະຈຳຊາດລາວທີ່ຈະໃຊ້ເຂົ້າປະກວດໃນເວທີ Miss International 2017 ໂດຍການສວມໃສ່ຂອງ “ມິມິ່ ພູນຊັບ ພົນໂຍທາ” Miss International Laos 2017 ກໍ່ໄດ້ຮັບກະແສຕອບຮັບເປັນຢ່າງດີເກີນຄາດ

“ເຂົ້າຫນຽວສຽງແຄນແດນຈຳປາ” ຊຸດປະຈຳຊາດລາວທີ່ຈະໃຊ້ເຂົ້າປະກວດໃນງານ Miss International 2017 ເປັນຜົນງານການອອກແບບຂອງ ບິນລີ້ ສີອຳພັນ ນັກອອກແບບໜຸ່ມນ້ອຍຈາກໂຄງການປະກວດ Young Designer ຂອງ Lao Fashion Week ປີ 2015

ບິນລີ້ໄດ້ດຶງເອົາຄວາມເປັນເອກະລັກຈາກການນຸ່ງຖືຂອງແມ່ຍິງລາວນຳສະເໜີສູ່ຊາວໂລກ ສີຂອງຊຸດແມ່ນໂທນສີເຫລືອງທອງສະແດງເຖິງຄວາມຮຸ່ງເຮືອງສີວິໄລ ແລະ ຄວາມອຸດົມສົມບູນທາງດ້ານສິລະປະ ຫັດຖະກຳຮີດຄອງປະເພນີ ແລະ ວັດທະນະທຳອັນດີງາມຂອງລາວເຮົາ ເຊີງອົງປະກອບທັງໝົດຂອງຊຸດນີ້ແຕ່ລະຢ່າງກໍ່ມິຄວາມໝາຍລັກສະນະຊາດເຊັ່ນ:

– ດອກຈຳປາ ກໍ່ເປັນດອກໄມ້ປະຈຳຊາດລາວ
– ນຸ່ງສິ້ນ, ເກົ້າຜົມ ບ່ຽງແພ ປັກດອກຈຳປາ ກໍ່ແມ່ນເອກະລັກການນຸ່ງຖືຂອງແມ່ຍິງລາວມາແຕ່ບູຮານນະການ
– ເຂົ້າໜຽວສຽງແຄນ ໝາຍວິຖີການດຳລົງຊີວິດ, ສິນລະປະຫັດຖະກຳ ແລະ ດົນຕີພຶ້ນເມືອງລາວ

ມື້ນີ້ທ່ານໂຫວດໃຫ້ “ມິມິ່ ພູນຊັບ ພົນໂຍທາ” Miss International Laos 2017 ຖ້າຍັງໃຫ້ເຂົ້າໄປທີ່ເຟສບຸກເພຈ ຫຼື ໄອຈີ Miss International 2017 ຈາກນັ້ນກໍ່ເລືອກກົດໄລນ໌ ຫຼື ກົດແຊຣ ຮູບຂອງ “ມິມິ່ ພູນຊັບ ພົນໂຍທາ” ພຽງເທົ່ານີ້ທ່ານກໍ່ເປັນອີກໜຶ່ງສຽງທີ່ຊ່ວຍລາວໄດ້.

ຊຸດປະຈຳຊາດ ຂອງ Miss International 2017 Phounsap Phonnyotha
ອອກແບບໂດຍ: Billy Si Amphan
ແຕ່ງໜ້າເຮັດຜົມໂດຍ: Alex Aliya Soundala
ຖ່າຍພາບໂດຍ: Vilasak Sengphetmany
ສະໜັບສະໜູນຊຸດປະຈຳຊາດໂດຍ: Lao Fashion Week Pany Saignavongs

Source