ຄູ່ຮັກຄົນດັງແຫ່ງສອງຝັ່ງຂອງ “ຟຸກ ຈີຣະ ກັບ ແອັບເປິ້ນ ສີສະຫງຽນ” ຈູງມືເຂົ້າວິວາມື້ນີ້

0
65

ບັນເທີງກັບລາວໂພສມີຂ່າວມົງຄຸນຂອງຄູ່ຮັກດາລາມາຝາກກັນອີກແລ້ວ ມື້ນີ້ເປັນຄິວຂອງຄູ່ຮັກຄົນດັງແຫ່ງສອງຝັ່ງຂອງຢ່າງ ດາລາໜຸ່ມໄທ ຟຸກ ຈີຣະ ດ່ານບະວອນກຽດ ແລະ ເນັດໄອດໍ້ຊື່ດັງສາວລາວ ແອັບເປິ້ນ ສີສະຫງຽນ ສີຫາລາດ ຫຼັງຈາກຄົບຫາເບິ່ງໃຈກັນມາດົນກວ່າ 10 ປີ ແລະ ໃນທີ່ສຸດເວລາ 10:09 ໂມງເຊົ້າ ຂອງວັນທີ 3 ພະຈິກ 2017 (ມື້ນີ້) ທັງຄູ່ໄດ້ຈູງມືກັນເຂົ້າພິທີບາສີສູ່ຂັວນຕາມຮີດຄອງປະເພນີລາວຮຽບຮ້ອຍແລ້ວ ພິທີດັ່ງກ່າວໄດ້ຈັດຂຶ້ນທີ່ເຮືອນຫໍຂອງທັງສອງທີ່ປະເທດໄທ

ເຊິ່ງພິທີການງານແຕ່ງງານຂອງທັງຄູ່ ພິທີຊ່ວງຕອນເຊົ້າກໍ່ໄດ້ຈັດງານບາສີສູ່ຂວັນແບບປະເພນີລາວ ແລະ ໃນຊ່ວງຕອນບ່າຍກໍ່ຈະມີປະເພນີແບບຈີນ ທີ່ຈະຈັດຂຶ້ນທີ່ບ້ານຂອງພໍ່ຝ່າຍຊາຍ ຈະໄດ້ມີການຍົກນໍ້າຊາ ໄຫວ້ບັນພະບູລຸດ ສ່ວນງານສະຫລອງມຸງຄຸນຈະຖືກຈັດຂຶ້ນໃນວັນທີ 4 ພະຈິກ ທີ່ໂຮງແຮມອິນເຕີຄອນເນຊັນ ກຸງເທບ ປະເທດໄທ.

ໃນງານມີຍາດຜູ້ໃຫຍ່ຂອງທັງສອງຝ່າຍ, ເພື່ອນມິດສະຫາຍເຂົ້າຮ່ວມສະແດງຄວາມຍິນດີກັບຄວາມຮັກຂອງທັງຄູ່ ຢ່າງອົບອຸ່ນ

ທາງບັນເທີງລາວໂພສຂໍສະແດງຄວາມຍິນດີກັບທັງຄູ່ ແລະ ຫວັງວ່າໄວໆນີ້ຈະໄດ້ຂ່າວດີເລື່ອງທາຍາດ.

 

Source