ໂຫດສຸດໆ! ຍິງຫົວຕຳຫຼວດ…

0
15

ຊາຍຄົນໜຶ່ງໃນເຢຍລະມັນໄດ້ຈົກປືນຈາກຕຳຫຼວດຄົນໜຶ່ງໃຊ້ຈໍ່ຍິງທີ່ຫົວຂອງຕຳຫຼວດຍິງອີກຄົນໜຶ່ງອາຍຸ 26 ປີທີ່ສະຖານີລົດໄຟໃຕ້ດິນເມືອງມິວນິກ ບາດເຈັບສາຫັດ ແລະ ຍິງປະຊາຊົນທີ່ຢູ່ໃນເຫດການບາດເຈັບອີກ 2 ກ່ອນທີ່ຄົນຮ້າຍຈະຖືກເຈົ້າໜ້າທີ່ຍິງໄດ້ຮັບບາດເຈັບ ແລະ ຄວບຄຸມໄວ້ໄດ້ ການສອບສວນເບື້ອງຕົ້ນລະບຸວ່າເປັນເລື່ອງສ່ວນຕົວ.

ສຳນັກຂ່າວຕ່າງປະເທດລາຍງານເມືອງເບີລິນປະເທດເຢຍລະມັນເມື່ອວັນທີ 13 ມິຖຸນາທີ່ຜ່ານມາວ່າ ມີຜູ່ຊາຍອາຍຸ 37 ປີຄົນເຢຍລະມັນຈາກແຄວ້ນບາວາເຣຍໄດ້ໃຊ້ປືນຍິງຕຳຫຼວດຍິງອາຍຸ 26 ປີທີ່ບໍລິເວນຫົວ ໄດ້ຮັບບາດເຈັບສາຫັດ ແລະ ປະຊາຊົນທີ່ຢູ່ໃກ້ຄຽງຖືກຍິງໄດ້ຮັບບາດເຈັບອີກ 2 ຄົນແຕ່ອາການບໍ່ອັນຕະລາຍເຖິງຊີວິດ ຊາຍຄົນຮ້າຍຖືກຕຳຫຼວດຍິງບາດເຈັບ ແລະ ຄວບຄຸມຕົວໄວ້ໄດ້ ເຫດເກີດທີ່ລະບຽງທາງສະຖານທີລົດໄຟໃຕ້ດິນອຸນເຕີເຟີຣິງເມືອງມິວນິກທາງຕອນໃຕ້ຂອງເຢຍລະມັນເມື່ອເຊົ້າວັນອັງຄານ.

ທ່ານ ຮູແບຕັສ ອັນເດຣ ຜູ່ບັນຊາການຕຳຫຼວດເມືອງມິວນິກເຜີຍວ່າ ເຈົ້າໜ້າທີ່ໄດ້ຮັບແຈ້ງເຫດໃຫ້ໄປທີ່ສະຖານີລົດໄຟອຸນເຕີເຟີຣິງເມື່ອເວລາ 8.20 ເນື່ອງຈາກເກີດເຫດຊົກຕີວິວາດກັນຢູ່ຂະບວນລົດໄຟໃຕ້ດິນທີ່ກຳລັງແລ່ນຈາກສະໜາມບິນເຂົ້າສູ່ໃຈກາງເມືອງມິວນິກ ແລະ ເມື່ອຕຳຫຼວດ 2 ຄົນທຳອິດທີ່ໄປເຖິງສະຖານນີໄດ້ພົບກັບຊາຍຕ້ອງສົງໄສທີ່ແລ່ນເຂົ້າມາຍູ້ຕຳຫຼວດຄົນທຳອິດ ແລະ ສວຍໂອກາດຈົກປືນຈາກຕຳຫຼວດ ກ່ອນທີ່ຈະຍິງໃສ່ຕຳຫຼວດອີກຄົນໜຶ່ງເຊິ່ງເປັນຜູ່ຍິງອາຍຸ 26 ປີ ລູກປືນຖືກບໍລິເວນຫົວໃນຂະນະທີ່ນາງກໍລັ່ນໄກປືນສວນຖືກຄົນຮ້າຍທີ່ບໍລິເວນສະໂພກ ແລະ ຕຳຫຼວດທີ່ນຳໄປສົມທົບຊ່ວຍກັນຈັບກຸມຜູ່ຕ້ອງສົງໄສໄວ້ໄດ້.

ທ່ານ ອັນເດຣ ເຜີຍອີກວ່າຕຳຫຼວດຍິງຖືກນຳຕົວສົ່ງໂຮງໝໍດ້ວຍອາການສາຫັດ ແລະ ຍັງມີປະຊາຊົນທີ່ຢູ່ບໍລິເວນທີ່ເກີດເຫດຖືກຊາຍຄົນດັ່ງກ່າວຍິງໄດ້ຮັບບາດເຈັບ 2 ຄົນແຕ່ອາການບໍ່ສາຫັດ ຈາກການສອບສວນເບື້ອງຕົ້ນສາເຫດເກີດຈາກເລື່ອງສ່ວນຕົວ ບໍ່ກ່ຽວກັບເລື່ອງການເມືອງ ຫຼື ສາສະໜາ ແຕ່ເຈົ້າໜ້າທີ່ຈະສອບສວນຫາສາເຫດໂດຍລະອຽດຕໍ່ໄປ.