ທ່ານ ຄຳ​ປຸ່ນ ອາ​ໄພຈິດ ຖຶກແຕ່ງຕັ້ງເປັນຮັກສາ​ການຫົວໜ້າ​ໄອ​ຍະ​ການ ແຂວງ​ສາລະ​ວັນຜູ້ໃໝ່  

0
14

 

​​ອົງການ​ໄອ​ຍະ​ການ​ປະຊາຊົນ​ ແຂວງ​ສາລະ​ວັນ ​ໄດ້​ຈັດ​ພິທີ​ມອບ​-ຮັບ​ຫົວໜ້າອົງການ​ໄອ​ຍະ​ການ​ປະຊາຊົນ​ແຂວງຫວ່າງ​ຜູ້​ເກົ່າ ​ແລະ​ ຜູ້​ໃໝ່ ຂື້ນ​ຢູ່​ທີ່​ຫ້ອງ​ປະຊຸມວ່າການ​ແຂວງ​ຊັ້ນ III ​ໂດຍ​ໃຫ້ກຽດ​​ເປັນ​ປະທານ​ຂອງ​ທ່ານ ບຸນທຽມ ​ແກ້ວ​ໄຊຍະ​ວົງ ຫົວໜ້າຄະນະ​ຈັດ​ຕັ້ງ​ແຂວງ, ທ່ານ ຄຳ​ສານ ສຸ​ວົງ ຫົວໜ້າອົງການ​ໄອ​ຍະ​ການ​ສູງ​ສຸດເຂົ້າ​ຮ່ວມ​ທ່ານ ​ແສງ​ແກ້ວ ​ແສງ​ສຸ​ລີ ຫົວໜ້າອົງການ​ໄອ​ຍະ​ການ​ປະຊາຊົນ​ປະຈຳ​ພາກ​​ໃຕ້ ​ພ້ອມ​ດ້ວຍ​ພະນັກງາ​ວິຊາ​ການ​ເຂົ້າ​ຮ່ວມ.

ຫົວໜ້າອົງການ​ໄອ​ຍະ​ການ​ປະຊາຊົນ​ສູງ​ສຸດ​ຕົກລົງ ​ມາດຕາ 1 ​ໂຍກ​ຍ້າຍ ທ່ານ ​ແຫວ​ນເພັດ ລັດດາ​ວົງ ຫົວໜ້າອົງການ​ໄອ​ຍະ​ການ​ປະຊາຊົນ​ແຂວງ​ສາລະ​ວັນ​ໄປ​ຮັບໜ້າທີ​ໃໝ່, ​ແຕ່ງ​ຕັ້ງ ທ່ານ ຄຳ​ປຸ່ນ ອາ​ໄພຈິດ ຮອງ​ຫົວໜ້າອົງການ​ໄອ​ຍະ​ການ​ປະຊາຊົນ​ແຂວງ​ສາລະ​ວັນ​ເປັນ​ຜູ້​ຮັກສາ​ການຫົວໜ້າອົງການ​ໄອ​ຍະ​ການ​ປະຊາຊົນ​ແຂວງ​ສາລະ​ວັນ.

ນອກນັ້ນ, ຍັງແຕ່ງ​ຕັ້ງ ທ່າ​ນ ນາງ ​ແກ້ວ​ມະນີ​ວອນ ຂຸນ​ພົນ, ຫົວໜ້າຫ້ອງການເປັນ​ຮອງ​ຫົວໜ້າອົງການ​ໄອ​ຍະ​ການ​ປະຊາຊົນ​ແຂວງ​ສາລະ​ວັນ, ຍົກ​ຍ້າຍ ທ່ານ ນາງ ຈິດຕະລາ ​ໄຊ​ຍະ​ປັນ​ໂນ ຮອງ​ຫົວໜ້າໜ່ວຍງານ​ຫ້ອງການ​-ບໍລິຫານອົງການ​ໄອ​ຍະ​ການ​ປະຊາຊົນ​ເຂດ 1 ​ໄປ​ປະຈຳການຮັກສາ​ການ​ຢູ່​ຫ້ອງ ການ​ອົງການ​ໄອ​ຍະ​ການ​ປະຊາຊົນ​ແຂວງ​ສາລະ​ວັນ.

 

Source: ເສດຖະກິດການຄ້າ