ກະຊວງການເງິນສະເຫນີ ຂໍດັດແກ້ແຜນງົບປະມານແຫ່ງລັດ 6ເດືອນທ້າຍປີຂອງສົກນີ້ ເນື່ອງຈາກມີລາຍຮັບ-ລາຍຈ່າຍ ຈຳນວນຫນຶ່ງຕ້ອງໄດ້ຈົດເຂົ້າໃນແຜນງົບປະມານ.
ໃນວັນທີ 17 ມິຖຸນາ ເຊິ່ງ ເປັນມື້ທີ 3 ຂອງການດຳເນີນກອງປະຊຸມຄັ້ງປະຖົມມະລືກຂອງສະພາແຫ່ງຊາດຊຸດທີ VII, ທ່ານ ສົມດີ ດວງດີ ລັດຖະມົນຕີວ່າການກະຊວງການເງິນຜູ້ເກົ່າໄດ້ນຳແຜນງົບປະມານ ແຫ່ງລັດ ສົກ 2010-2011 ສະເຫນີຕໍ່ສະພາແຫ່ງຊາດເພື່ອຂໍດັດແກ້ແຜນໃນ 6 ເດືອນທ້າຍປີ ໂດຍທ່ານໃຫ້ເຫດຜົນວ່າ: ຜ່ານການສະຫລຸບຂາດຕົວໃນການ ຈັດຕັ້ງປະຕິບັດງົບປະມານສົກ 2009-2010 ແລະ ແຜນ 6 ເດືອນຕົ້ນປີຂອງສົກນີ້ ເຫັນວ່າມີຄວາມຈຳເປັນຕ້ອງສະເຫນີຂໍດັດແກ້ລາຍຮັບ-ລາຍຈ່າຍໃນ 6 ເດືອນຫລັງຍ້ອນມີລາຍຮັບ-ລາຍຈ່າຍຂອງທ້ອງຖິ່ນ ແລະ ຂະແຫນງການຈຳນວນຫນຶ່ງຕ້ອງໄດ້ຈົດເຂົ້າໃນແຜນງົບປະມານໃຫ້ ຖືກຕ້ອງຕາມລະບຽບກົດຫມາຍ.
ໂດຍສະເພາະແມ່ນການປະຕິບັດແຜນງົບປະມານແຫ່ງລັດ ສົກແລ້ວມີຫລາຍບາງຂະແຫນງການ ແລະ ທ້ອງຖິ່ນປະຕິບັດລາຍຮັບໄດ້ເກີນແຜນ ສະນັ້ນເຫັນວ່າຕ້ອງໄດ້ເພີ່ມລາຍຈ່າຍເປັນເງິນບຳເນັດໃຫ້ພາກສ່ວນ ດັ່ງກ່າວ ຕາມກົດຫມາຍງົບປະມານທີ່ກຳນົດໄວ້. ນອກນັ້ນ ຍັງເຫັນມີຄວາມຈຳເປັນຕ້ອງໄດ້ເພີ່ມລາຍຈ່າຍໃຫ້ຄັງປະກັນສັງຄົມ ແຫ່ງລັດ, ລາຍຈ່າຍເພື່ອປະ ຕິບັດນະໂຍບາຍແກ່ຜູ້ມີຜົນງານ, ຄຸນງາມຄວາມດີຕໍ່ປະເທດຊາດ, ສືບຕໍ່ການຊຳລະລາຍຈ່າຍໃນການສະເຫລີມສະຫລອງວຽງຈັນ 450 ປີ, ກອງທຶນໄພພິບັດຈາກທຳມະຊາດ, ເພີ່ມລາຍຈ່າຍເພື່ອດຸນດ່ຽງໃຫ້ແຂວງທີ່ບໍ່ສາມາດປະຕິບັດລາຍຮັບ ໄດ້ຕາມແຜນ; ນອກນີ້ ຍັງເຫັນວ່າລາຍຮັບ-ລາຍຈ່າຍຂອງ ບາງທ້ອງຖິ່ນ, ຂະແຫນງການຍັງບໍ່ທັນຈັດສັນເຂົ້າໃນແຜນງົບປະມານທີ່ໄດ້ຮັບເອົາ ໃນຕົ້ນປີອີກດ້ວຍ; ທ່ານ ສົມດີ ກ່າວ.
ທ່ານ ກ່າວຕື່ມວ່າ: ການສະເຫນີຂໍດັດແກ້ແຜນງົບປະມານແຫ່ງລັດໃນຄັ້ງນີ້ເບື້ອງຕົ້ນ ແມ່ນໃຫ້ແກ້ເພີ່ມລາຍຮັບຈຳນວນ 133,51ຕື້ກີບ ແລະ ເພີ່ມລາຍຈ່າຍລວມທັງຫມົດ 821,03 ຕື້ກີບ, ເຊິ່ງຈະເຮັດໃຫ້ມີການຜິດດ່ຽງຢູ່ 687,52 ຕື້ກີບ, ໂດຍການຂາດດຸນດັ່ງກ່າວແມ່ນສາມາດດຸນດຽງໄດ້ດ້ວຍຍອດເງິນເຫລືອ ງົບປະມານສົກຜ່ານມາ ຈຳນວນ 613,17 ຕື້ກີບ ແລະ ຄັງສະສົມຂອງລັດຖະບານສົກແລ້ວນີ້ 74,35 ຕື້ກີບ ເຊິ່ງການດັດແກ້ຈະເຮັດໃຫ້ມີລາຍຮັບເພີ່ມຂຶ້ນຈາກ 13.021,65 ຕື້ກີບ ມາເປັນ13.155,16 ຕື້ກີບ, ດ້ານລາຍຈ່າຍຈະປ່ຽນຈາກ 15.160,22 ຕື້ກີບມາເປັນ 15.981,25 ຕື້ກີບ ຂະນະທີ່ການຂາດດຸນງົບປະມານຈະເພີ່ມຂຶ້ນຈາກ 3,49% ມາເປັນ 61% ຕໍ່ຈີດີພີ.
ຢ່າງໃດກໍ່ຕາມ ທ່ານນາງ ດຣ. ສຸວັນເພັງ ບຸຸບຜານຸວົງ ປະທານກຳມາທິການເສດຖະກິດແຜນການ-ການເງິນໄດ້ໃຫ້ຄຳເຫັນວ່າ: ລັດຖະບານສະເຫນີໃຫ້ມີການດັດແກ້ກໍ່ຈິງ ເຊິ່ງດ້ານ ລາຍຮັບສະພາແຫ່ງຊາດເຫັນດີໃຫ້ດັດແກ້ເປັນເບື້ອງລາຍຮັບຂອງສົກ ງົບປະມານ 2010-2011 ແຕ່ສຳລັບເບື້ອງລາຍຈ່າຍແມ່ນໃຫ້ອົງການກວດສອບແຫ່ງລັດດຳເນີນການ ກວດສອບຕົວຈິງກ່ອນ ຫລັງຈາກນັ້ນ ຈິ່ງລາຍງານໃຫ້ຄະນະປະຈຳສະພາແຫ່ງຊາດ ເພື່ອພິຈາລະນາຕົກລົງມາດຕະການ ແລະ ແກ້ໄຂ.
ຂະນະດຽວກັນນີ້ຮ່ວງເງິນ ບຳເນັດຂັ້ນສູນກາງແມ່ນໃຫ້ເອົາເຂົ້າຄັງສະສົມແຫ່ງລັດ, ສ່ວນແຂວງສາມາດໃຊ້ເປັນລາຍຈ່າຍຂອງແຂວງແຕ່ລັດຖະບານຕ້ອງ ເອົາໃຈໃສ່ຄຸ້ມຄອງໃຫ້ເປັນໄປຕາມເປົ້າຫມາຍບຸລິມະສິດ ພ້ອມລາຍງານເປັນລາຍລັກອັກສອນມາໃຫ້ຄະນະປະຈຳສະພາແຫ່ງຊາດ.
ໃນໂອກາດນີ້ ທ່ານ ສຈ.ດຣ. ກິແກ້ວ ໄຂຄຳພິທູນ ສະມາຊິກສະພາເຂດເລືອກຕັ້ງທີ 1 ນະຄອນຫລວງກໍ່ໃຫ້ທັດສະນະວ່າ: ການດັດແກ້ງົບປະມານຕ້ອງໃຫ້ຕິດພັນກັບການດັດແກ້ແຜນການ, ສ່ວນກໍລະນີຂອງການຈັດແບ່ງບຳເນັດຂອງສູນກາງ ແລະ ທ້ອງຖິ່ນນັ້ນອາດມີຄວາມຈຳເປັນໃນການດັດແກ້ກົດຫມາຍຕ່າງໆເພື່ອ ໃຫ້ມີຄວາມຖືກຕ້ອງສອດຄ່ອງກັນ.
| ພາບແລະເນື້ອຂ່າວຈາກ |
Comments:
Facebook- Latest News
- Latest News:ຜົມດຳ===ຜົມຫງອກ (315 Hits)ຮູ້ຈັກປ່ອຍວາງ (405 Hits)ດີນອກ ດີໃນ (605 Hits)Lao Social Media scene by Sounay Phothisane (517 Hits)
- Most Read News
- Most Read News:ເພງ ອ່ອນແອ ໂດຍ Anita (3343 Hits)ຮູບປັ້ນ ເຈົ້າອານຸວົງ ຖືກປະດິດ ສະຖານແລ້ວ (2817 Hits)13 ປີ ສປປ ລາວ ເຂົ້າເປັນ ສະມາຊິກ ອາຊຽນ (2035 Hits)Genii with World Cup Fever (1712 Hits)
- Author News
- More from this author:New Lao Genii girl group (1097 Hits)Mongolia looks to sweeten trade with Laos (813 Hits)Laos reviews 25 years of economic reform (522 Hits)Australian government provides H1N1 vaccines (328 Hits)Lady's hot hit song "Soot ti Huk" (757 Hits)Yom Jai Orn (979 Hits)