ລາວ-ມາເລເຊຍ ລົງນາມໃນສັນຍາ ແລະ ບົດບັນທຶກຄວາມເຂົ້າໃຈ 3 ສະບັບ

Sunday, May 20th

Last update12:47:10 AM GMT

Headlines

ເຜີຍ! ຄວາມຄືບ ຫນ້າແຜນລາວ-ໄທ ສ້າງຂົວຂ້າມ ສະເພາະລົດໄຟ

ຄວາມອຶດອັດ ຈາກຜົນກະທົບ ຂອງລະເບີດ ທີ່ຍັງບໍ່ທັນແຕກ ຈາກບ້ານແສນອຸດົມ

ຂ້ອຍມີເລື້ອງໜື່ງ ຈະເລົ່າສູ່ຟັງເດີ້ ເພື່ອເປັນອຸທາຫອນ

Special lecture by Sounay Phothisane ການປົດປ່ອຍອຳນາດ (Unlock the Power)

Alexandra Bounxouei MV "My Radio" has released

ເປີດນໍາໃຊ້ ເວັບໄຊອາເຊັມ ຄັ້ງທີ 9 ຢ່າງເປັນທາງການ

PTT to open integrated facility in Vientiane, expand Laos network

ພິດສະໄຫມ ຈັນທະສອນ ຄອງຕໍາແຫນ່ງ ສາວງາມຈໍາປາສັກ 2012

Sounay Phothisane participates ON|OFF event 2011 Jakarta

ລັດ ຈະອອກໃບ ສອງພັນກີບ

ລາວ-ມາເລເຊຍ ລົງນາມໃນສັນຍາ ແລະ ບົດບັນທຶກຄວາມເຂົ້າໃຈ 3 ສະບັບ

Saturday, 05 June 2010 16:16 Sounay Phothisane

Share

ລາວ-ມາເລເຊຍລົງນາມໃນສັນຍາ ແລະ ບົດບັນທຶກຄວາມເຂົ້າໃຈ 3 ສະບັບ

ລັດຖະບານແຫ່ງ ສປປ ລາວ ແລະ ລັດຖະບານແຫ່ງມາເລເຊຍ ໄດ້ຮ່ວມລົງນາມໃນສັນຍາ ແລະ ບົດບັນທຶກຄວາມເຂົ້າໃຈໃນເອ ກະສານ 3 ສະບັບ ໂດຍປະກອບດ້ວຍການຮ່ວມມືກ່ຽວກັບອາກອນ, ການສຶກສາ ແລະ ວຽກງານທາງການກີລາ.

ພິທີເຊັນສັນຍາ ແລະບົດບັນທຶກຄວາມເຂົ້າໃຈໄດ້ມີຂຶ້ນໃນມື້ວານນີ້ ເນື່ອງໃນໂອກາດທີ່ພະນະທ່ານດາໂຕະ ເສຣິ ນາຈິບ ຕຸນ ຣາ ຊັກນາຍົກລັດຖະມົນຕີແຫ່ງມາເລເຊຍ ພ້ອມຄະນະເດີນທາງມາຢ້ຽມຢາມ ສປປ ລາວຢ່າງເປັນທາງການໃນລະຫວ່າງວັນທີ 2-3 ມິຖຸ ນາ ຕາມຄຳເຊີນຂອງພະນະທ່ານ ບົວສອນ ບຸບຜາວັນ ນາຍົກລັດຖະມົນຕີແຫ່ງ ສປປ ລາວ.

ການເຊັນສັນຍາໄດ້ຈັດໃຫ້ມີຂຶ້ນພາຍຫລັງການພົບປະກັນສອງຝ່າຍ ເຊິ່ງຝ່າຍລາວນຳ ໂດຍພະນະທ່ານ ບົວສອນ ບຸບຜາວັນ ນາ ຍົກລັດຖະມົນຕີແຫ່ງ ສປປ ລາວ ພ້ອມດ້ວຍຄະນະ ແລະ ຝ່າຍມາເລເຊຍນຳໂດຍພະນະທ່ານ ດາໂຕະ ເສຣິ ນາຈິບ ຕຸນ ຣາຊັກ ນາຍົກລັດຖະມົນຕີແຫ່ງມາເລເຊຍ ພ້ອມດ້ວຍຄະນະ.

ເອກະສານສາມສະບັບທີ່ສອງຝ່າຍໄດ້ເຊັນຮ່ວມກັນປະກອບ ດ້ວຍການລົງນາມໃນສັນຍາກ່ຽວກັບການຫລີກເວັ້ນການເກັບອາກອນ ຊ້ຳຊ້ອນ ແລະສະກັດກັ້ນການລົບຫລີກການເສຍອາກອນຈາກການເກັບອາກອນລາຍໄດ້, ບົດບັນທຶກຄວາມເຂົ້າໃຈ ວ່າດ້ວຍການຮ່ວມ ມືດ້ານການສຶກສາຊັ້ນສູງ ແລະ ບົດບັນທຶກຄວາມເຂົ້າໃຈ ວ່າດ້ວຍການຮ່ວມມືດ້ານການກີລາ.

ກ່ອນການເຊັນສັນຍາ, ພະນະທ່ານນາຍົກລັດຖະມົນຕີຂອງທັງສອງປະເທດກໍ່ໄດ້ພົບປະຫາລື ກ່ຽວກັບສາຍພົວພັນການຮ່ວມມືລະ ຫວ່າງສອງປະເທດ ແລະໄດ້ແຈ້ງໃຫ້ກັນຊາບກ່ຽວກັບສະພາບການພາຍໃນທີ່ພົ້ນເດັ່ນ ໂດຍສະເພາະແມ່ນຜົນສຳເລັດຂອງການພັດທະ ນາເສດຖະກິດສັງຄົມຂອງຕົນ, ແລກປ່ຽນທັດສະນະກ່ຽວກັບສະພາບການໃນພາກພື້ນ ແລະສາກົນທີ່ທັງສອງຝ່າຍມີຄວາມສົນໃຈຮ່ວມ ກັນ.

ພະນະທ່ານນາຍົກລັດຖະມົນຕີທັງສອງໄດ້ຕີລາຄາສູງຕໍ່ສາຍພົວພັນມິດຕະພາບ ແລະ ການຮ່ວມມືທີ່ມີປະສິດທິຜົນທີ່ການນຳຂອງ ທັງສອງປະເທດໄດ້ພ້ອມກັນສ້າງຂຶ້ນໃນໄລຍະຜ່ານມາເປັນຕົ້ນການແລກປ່ຽນການຢ້ຽມຢາມໃນລະດັບສູງ ແລະລະດັບອື່ນໆ. ປະຈຸບັນ ການລົງທຶນຂອງມາເລເຊຍໄດ້ຢືນຢູ່ອັນດັບທີ 9 ຂອງການລົງທຶນຕ່າງປະເທດຢູ່ສປປ ລາວ; ການເປີດສາຍການບິນໂດຍກົງລະຫວ່າງ ນະຄອນຫລວງວຽງຈັນ ແລະກົວລາລຳເປີ ໄດ້ສ້າງເງື່ອນໄຂທີ່ສະດວກໃຫ້ມີການໄປມາຫາສູ່ກັນຫລາຍຂຶ້ນທັງເຮັດໃຫ້ຈຳນວນນັກທ່ອງ ທ່ຽວເພີ່ມຂຶ້ນເປັນລຳດັບ.

ທັງສອງຝ່າຍໄດ້ຢືນຢັນຈະສືບຕໍ່ຮັດແຫນ້ນ ແລະເພີ່ມທະວີການພົວພັນຮ່ວມມືກັນໃຫ້ຫລາຍຂຶ້ນທັງໃນຂອບສອງຝ່າຍ ແລະຫລາຍ ຝ່າຍ. ຜູ້ນຳຂອງມາເລເຊຍຍັງໄດ້ຕົກລົງສືບຕໍ່ໃຫ້ການຮ່ວມມືຊ່ວຍເຫລືອແກ່ ສປປ ລາວ ຕໍ່ໄປ ໂດຍສະເພາະແມ່ນດ້ານການພັດທະ ນາຊັບພະຍາກອນມະນຸດ ພາຍໃຕ້ໂຄງການຮ່ວມມືທາງດ້ານເຕັກນິກຂອງມາເລເຊຍ ເອັມທີຊີພີ ແລະ ເອັມດີຊີພີ. ນອກນັ້ນກໍ່ຈະສືບ ຕໍ່ຊຸກຍູ້ສົ່ງເສີມການລົງທຶນ ແລະ ການຮ່ວມມືໃນດ້ານອື່ນໆຕື່ມອີກ ເພື່ອປະກອບສ່ວນອັນສຳຄັນເຂົ້າໃນການພັດທະນາເສດຖະກິດສັງ ຄົມຢູ່ ສປປ ລາວ ແລະ ການຮັດແຫນ້ນສາຍພົວພັນມິດຕະພາບກໍ່ຄືເພີ່ມທະວີການສະຫນັບສະຫນູນຊ່ວຍເຫລືອຊິ່ງກັນ ແລະ ກັນ.

ພາຍຫລັງສຳເລັດການຢ້ຽມຢາມ ສປປ ລາວ ຢ່າງເປັນທາງການພະນະທ່ານນາຍົກລັດຖະມົນຕີແຫ່ງມາເລເຊຍ ກໍ່ໄດ້ເດີນທາງກັບ ຄືນປະເທດໃນຕອນຄ່ຳມື້ວານນີ້.

ພາບແລະເນື້ອຂ່າວຈາກ

Comments: